Universitetimizga Pekin Xalqaro Tadqiqotlar Universiteti (BISU) Partiya qo‘mitasi kotibi Li Biyou boshchiligidagi delegatsiya tashrif buyurdi.
Delegatsiyani universitet rahbariyati kutib oldi. Uchrashuv davomida tomonlar “Ipak yo‘li turizm tadqiqotlari jurnali”ni hamkorlikda tashkil etish, aqlli turizm laboratoriyasini yaratish hamda akademik hamkorlik doirasida xitoy tili o‘qituvchilarini yuborish masalalari bo‘yicha atroflicha fikr almashdilar. Uchrashuvda ilmiy tadqiqotlar va innovatsiyalar bo‘yicha prorektori, prof. T.Zou va boshqa mutasaddilar ishtirok etishdi.
Shuningdek Li Biyou UNWTO Samarqand Turizm Akademiyasi va “Shandun oynasi” ko‘rgazma maydoniga tashrif buyurdi. Tashrif davomida prorektor T.Zou universitetning rivojlanish jarayoni haqida ma’lumot berib, BISU va “Ipak yo‘li” turizm va madaniy meros xalqaro universiteti o‘rtasidagi halqaro hamkorlikning natijalari xususida gapirdi.
Mehmon hamkorlik natijalarini yuqori baholab, universitetimizda tahsil olayotgan BISUning 13 nafar magistratura va doktorantura dasturi talabalari bilan muloqot qildi.
