Turizm qo'mitasi vakillari hamda universitetimiz xodimlari turizm sohasini raqamlashtirish bo'yicha Xitoyning Pekin shahridagi Pekin Xalqaro Tadqiqotlar Universiteti (BISU-Beijing International Studies University) ga tashrif buyurishdi. Tashrif davomida ular turizm bo'yicha Pekin xalqaro tadqiqotlar universitetining laboratoriya mutaxassislari tomonidan “Tourism Big Data Platform” taqdimotida ishtirok etdilar. Platformaning 300 dan ortiq ko‘rsatkich va 140 indeks asosida ishlashi, turizm oqimlari, mehmonxonalar bandligi, sayyohlarning manbalari va xarajatlarini tahlil qilish imkoniyatlari o‘rganildi. O‘zbekiston uchun pilot loyiha joriy etish takliflari bildirildi.