BMT Turizm tashkilotining gastronomik turizm bo‘yicha stipendiya dasturiga ariza topshiring!
BMT Turizm tashkiloti (UN Tourism) Ispaniyadagi Basque Culinary Center (BCC) tomonidan tashkil etilayotgan "Gastronomy Tourism Experience Design" onlayn dasturi uchun 4 ta to‘liq moliyalashtiriladigan stipendiya taqdim etmoqda. Shundan 2 ta stipendiya ingliz tilidagi, 2 tasi esa ispan tilidagi dastur uchun ajratilgan bo‘lib, har bir stipendiya qiymati 2 930 yevroni tashkil etadi.

Mazkur stipendiya turizm, gastronomiya, mehmondo‘stlik hamda barqaror turistik manzillarni rivojlantirish yo’nalishlariga qiziqadigan talabalar uchun mo‘ljallangan.
📝 Ariza topshirish jarayoni:
1️⃣ 1-bosqich – Onlayn ro‘yxatdan o‘tish:🔗ochiq
🔵 Ariza shaklini to‘ldiring;
🔵 Pasport yoki shaxsni tasdiqlovchi hujjat nusxasini yuklang;
🔵 Keyingi bosqichlar bo‘yicha ko‘rsatmalarni o‘z ichiga olgan tasdiqlovchi elektron xatni qabul qiling.

2️⃣ 2-bosqich – Asosiy arizani topshirish
📄 Tarjimai holingizni (CV) yuklang;
📹 2 daqiqalik video tayyorlang (tanlangan dastur tiliga qarab ingliz yoki ispan tilida) va unda quyidagilar haqida so‘zlab bering:
🔵o‘zingiz va mamlakatingizning turizm hamda gastronomiya salohiyati;
🔵gastronomiyaga bo‘lgan qiziqishingiz;
🔵kelajakdagi maqsadlaringiz;
🔵 mamlakatingizda gastronomik turizmni rivojlantirishga qanday hissa qo‘shishingiz;
🔵gastronomik turizm BMTning “Barqaror rivojlanish maqsadlari”ga qanday xizmat qilishi mumkinligi.
📼 Video YouTube yoki Vimeo platformasiga yuklanishi va havolasi ariza bilan birga taqdim etilishi lozim.

Dastur haqida:
🔵 Kasbiy rivojlanishga yo‘naltirilgan, 100% onlayn o‘quv dasturi;
🔵 Davomiyligi: 2026-yil 28-oktabrdan 2027-yil 19-martgacha;
🔵Ta'lim shakli: 100% onlayn. Jonli mashg‘ulotlar har hafta payshanba kunlari, 16:00–17:30 (CEST) vaqt oralig‘ida o‘tkaziladi;
🔵 Ta'lim tili: ingliz yoki ispan;
🔵Sertifikat: Basque Culinary Centerning Gastronomiya fanlari fakulteti tomonidan beriladi.
Batafsil ma'lumot:
in English (https://www.untourism.int/apply-for-one-of-four-scholarships-available-for-the-online-course-in-gastronomy-tourism)
🇪🇸 Español (https://www.untourism.int/es/becas-curso-online-en-diseno-de-experiencias-de-turismo-gastronomico-de-basque-culinary-center)
Bu gastronomik turizm sohasidagi dunyoning yetakchi ta'lim muassasalaridan birida xalqaro tajriba orttirish uchun ajoyib imkoniyatdir.
Hoziroq ariza topshiring va gastronomik turizm sohasining kelajakdagi yetakchilaridan biriga aylanish yo‘lidagi ilk qadamingizni qo‘ying!