Endilikda xorijiy va nodavlat oliy ta’lim muassasalaridan davlat oliy ta’lim muassasalariga o‘qishni ko‘chirish (perevod) jarayoni alohida davlat xizmati sifatida amalga oshiriladi.
O‘zbekiston Respublikasi Vazirlar Mahkamasi tomonidan tasdiqlangan yangi ma’muriy reglamentga muvofiq, o‘qishni ko‘chirish bo‘yicha arizalar quyidagi platformalar orqali qabul qilinadi:
🔹 my.gov.uz (Yagona interaktiv davlat xizmatlari portali)
🔹 Bilim va malakalarni baholash agentligining maxsus elektron platformasi
🔹 Davlat xizmatlari markazlari
📅 Hujjatlar har yili 15-iyuldan 5-avgustga qadar (shu kuni ham) qabul qilinadi.
Yangi tartibning asosiy afzalliklari:
✅ Ariza topshirish jarayoni to‘liq elektron shaklda amalga oshiriladi.
✅ Ariza holatini onlayn tarzda kuzatib borish imkoniyati yaratiladi.
✅ Imtihon natijalari QR-kod bilan himoyalangan elektron hujjat shaklida taqdim etiladi.
✅ Chet tili yoki umumta’lim fanlari bo‘yicha milliy va xalqaro sertifikatga ega bo‘lgan talabgorlarga tegishli fanlardan tabaqalashtirilgan yoki maksimal ball beriladi.
ℹ️ Reglamentning har bir bosqichi bo‘yicha batafsil ma’lumotlar keyingi e’lonlarda berib boriladi.