Tanlovning asosiy maqsadi — O‘zbekiston Respublikasidagi iqtidorli va iste’dodli yoshlarning innovatsion faoliyati natijalari hamda tashabbuslarini davlat tomonidan qo‘llab-quvvatlash, yoshlarning ekologiya yo‘nalishidagi innovatsion loyihalarini rag‘batlantirish uchun zarur shart-sharoitlarni yaratish, shuningdek, atrof-muhitni muhofaza qilishga qaratilgan ijodiy va innovatsion yechimlarni ishlab chiqishdan iborat.
Tanlov ishtirokchilariga qo‘yiladigan talablar:
- Tanlov ishtirokchilari O‘zbekiston Respublikasi fuqarosi bo‘lishi shart;
- Ishtirokchilar yoshi, ilmiy darajasi, unvoni, lavozimi va ish joyidan qat’i nazar, 40 yoshdan oshmasligi lozim;
• Har bir ishtirokchi tanlovda faqat 1 ta loyiha bilan ishtirok etishi mumkin.
Tanlovga topshiriladigan startap loyihalarga qoʻyiladigan talablar:
- Startap loyiha faqatgina ekologiya sohasiga tegishli boʻlishi;
- Startap loyiha anʼanaviy biznes turlaridan ilmiy yangiligi yoki innovatsion elementiga asosan farqli boʻlishi;
- Startap loyihaning jamiyat va iqtisodiyotdagi maʼlum bir muammoning yechimiga qaratilgan boʻlishi;
- Startap loyihani amalga oshirish uchun talab etiladigan mablagʻlar aniq koʻrsatilishi va asoslantirilishi;
- Startap loyihaning aniq amalga oshirish mexanizmlari, muddati va dastlabki natijalari koʻrsatilgan boʻlishi;
- Startap loyihani amalga oshirishga soʻralgan mablagʻ miqdori bazaviy hisoblash miqdorining 3000 barobarigacha boʻlishi;
- Taqdim etilgan startap loyihalar tanlov talablariga qatʼiy rioya qilingan, startap loyiha materiallari ishonchli va haqqoniy, koʻchirmachilikka (plagiat) yoʻl qoʻyilmagan, belgilangan talablar asosida shakllantirilgan boʻlishi;
- Startap loyihalarni amalga oshirishning eng koʻp muddati 12 oydan oshmasligi;
- Taqdim etilgan startap loyihaning maʼlumotlari haqqoniyligi
va ishonchliligi, tanlov dasturlari vazifalarida belgilangan, kutilayotgan natijalarni toʻla va oʻz vaqtida sifatli bajarilishiga startap loyiha mualliflari shaxsan javobgar hisoblanadi.
Tanlov doirasida arizalar 2025-yil 9-dekabrdan 25-dekabr kuni soat 23:59 ga qadar qabul qilinadi (25-dekabr kuni ham arizalar qabul qilinadi).
Batafsil ma’lumot:
