“Ipak yoʻli” turizm va madaniy meros xalqaro universiteti talabalari uchun Sharof Rashidov nomidagi Samarqand davlat universiteti professori, tarix fanlari doktori Farhod Nabiyevning “Najot maʼnaviyatda” nomli kitobi taqdimoti tashkil etildi.
Tadbirda professor Farhod Nabiyev maʼnaviyatning inson hayotidagi oʻrni, yoshlar tarbiyasidagi ahamiyati hamda milliy qadriyatlarni asrab-avaylash masalalari haqida atroflicha soʻz yuritdi. Shuningdek, kitob mazmuni, uning asosiy gʻoyasi va yosh avlodni maʼnaviy kamolotga chorlashdagi ahamiyati xususida tushunchalar berib oʻtdi.
Taqdimot davomida talabalar va ishtirokchilar oʻzlarini qiziqtirgan savollarga javob oldilar, kitob yuzasidan fikr-mulohazalar bildirildi. Mazkur asar yoshlar ongida maʼnaviy immunitetni shakllantirish, milliy va umuminsoniy qadriyatlarga hurmat ruhini mustahkamlashga xizmat qilishi taʼkidlandi.
Maʼlumot oʻrnida, Farhod Nabiyev Samarqand davlat universitetida uzoq yillardan buyon faoliyat yuritib kelayotgan yetakchi olimlardan biri boʻlib, u qator ilmiy asarlar va oʻquv qoʻllanmalar muallifidir .
