Hurmatli talaba! Sizda liderlik qobiliyati bormi? Siz universitetning strategik rivojlanishida ishtirok etishga tayyormisiz? Chetda qolmang, bu sizning imkoniyatingiz boʻlishi mumkin!
“Ipak yoʻli” turizm va madaniy meros xalqaro universiteti Talabalar Parlamentiga Prezident saylovi uchun nomzodlarni saralash bosqichi boshlanganligini e’lon qiladi!
Talabalar Parlamentiga Prezident saylovi quyidagi mezonlarga muvofiq oʻtkaziladi:
ixtiyoriylik;
oshkoralik;
xolislik;
huquqlarning tengligi;
tashabbus.
Asosiysi, nomzodlar oʻziga ishongan, faol hayotiy pozitsiyaga, yetakchilik fazilatlariga va tashkilotchilik qobiliyatiga ega boʻlishi kerak. Har bir universitet talabasi talabalar Parlamentiga ovoz berish huquqiga ega. Ovoz berish huquqi boʻyicha hech qanday imtiyoz va cheklovlarga yoʻl qoʻyilmaydi. Kunduzgi oʻquv shaklida oʻqiyotgan har bir talaba oʻz nomidan talabalar Parlamenti Prezidentlikka nomzodini qoʻyishi mumkin.
Universitet Talabalar parlamenti prezidentligiga nomzodlarga quyiladigan talablar:
1. Akademik talablar:
• Talaba universitetning kunduzgi bakalavr ta’lim shaklida o‘qiyotgan bo‘lishi;
• Yuqori darajadi GPA koʻrsatkichlari;
2. Etik va ijtimoiy talablar:
• Universitet ichki tartib-qoidalarini buzmagan bo‘lishi;
• Intizomiy jazo choralari qo‘llanmagan bo‘lishi;
• Yaxshi axloq va liderlik fazilatlariga ega bo‘lishi;
3. Nomzodlik jarayoni bo‘yicha talablar:
• Ariza va motivatsion xat topshirilishi;
• Oʻzbek, ingliz va rus tillarida ish yuritish qobiliyatiga ega boʻlishi;
• Rasmiy hujjatlar bilan ishlay olish qobiliyatiga ega boʻlishi
• Saylovoldi dasturi tayyorlangan bo‘lishi;
• “Men talabalar Parlamentining Prezidentiman” mavzusida qisqa videorolik tayyorlash, unda nomzod kelajakdagi ish rejalari, ushbu lavozimga strategik qarashlari va universitet talabalari uchun yangi loyihalari haqida ma’lumotlar taqdim etishi kerak boʻladi.
Hurmatli talabalar, siz universitet talabalar parlamenti prezidentligi uchun o’z nomzodingizni quymoqchi bo’lsangiz quyidagi havola orqali ro’yxatdan o’tishingiz kerak:
https://forms.gle/UUuQNniyxPwNmEQ8A
Ro’yxatdan oʻtishning oxirgi muddati: 2025-yil 30-aprel
