O‘zbekiston Respublikasi Bosh vazirining 2025-yil 28-oktabrdagi “O‘zbekiston Respublikasi Prezidentining ‘Davlat tilini yanada rivojlantirishga oid qo‘shimcha chora-tadbirlar to‘g‘risida’gi 2025-yil 20-oktabrdagi PQ-308-son qarorida belgilangan vazirlik va idoralarga yuklatilgan vazifalar ijrosini amalga oshirish bo‘yicha nazorat rejasi”ning 2-bandi ijrosini ta’minlash maqsadida 2025-yil 10-noyabr kuni “Ipak yo‘li” turizm va madaniy meros xalqaro universitetida professor-o‘qituvchilar va xodimlar o‘rtasida “Umummilliy diktant” loyihasi o‘tkazildi.

Mazkur tashabbus davlat tilini rivojlantirish, xodimlarning savodxonligi va nutq madaniyatini oshirish, shuningdek, jami ishtirokchilarda lingvistik mas’uliyatni kuchaytirishga qaratildi.