Turizm qo‘mitasi tashabbusi bilan tashkil qilingan Mo‘ynoqdagi “Stixiya” festivalida turizm va madaniyat tadbirlarida universitetimiz talabalari ham faol ishtirok etib, turli ijodiy chiqishlar qilishdi va yoshlarning o‘zaro muloqot jarayonlarida ishtirok etishdi.
Shuningdek, sayohat davomida Orol dengizi muzeyiga tashrif buyurib, ekologik vaziyat va hudud tarixi haqida ko‘plab ma’lumotlarga ega bo‘lishdi. Ahamiyatlisi, talabalarimiz tadbirlarda faol ishtirok etib, o‘z loyihalari bilan qatnashishdi. Talaba-yoshlar hududga xorijiy va mahalliy sayyohlarni jalb qilish hamda uning madaniy hayotini rivojlantirish borasidagi taqdimotlar orqali barqaror rivojlanish, ekologik xabardorlik hamda ijodiy yondashuvlarini namoyish etishdi.
