Mazkur nufuzli xalqaro dastur doirasida ishtirokchilar turizm va mehmonxona menejmenti sohalaridagi eng so‘nggi tendensiyalar, innovatsion yondashuvlar hamda ilg‘or xalqaro tajribalarni o‘rganish imkoniyatiga ega bo‘lishmoqda. Shuningdek, turli mamlakatlardan tashrif buyurgan yetakchi mutaxassislar va sohaga oid ekspertlar bilan ochiq muloqotlar olib borilmoqda.
Bu kabi dasturlar ishtirokchilarning kasbiy salohiyatini oshirish, global fikrlashni shakllantirish va xalqaro ilmiy hamkorlikni mustahkamlashda muhim ahamiyat kasb etadi.
