03.10.2025
1 daq o'qish
1
“Ipak yo‘li” turizm va madaniy meros xalqaro universiteti talabalari Toshkent shahrining Olmazor tumanida joylashgan “G‘alaba bog‘i” yodgorlik majmuasi hamda uning tarkibidagi “Shon-sharaf” davlat muzeyiga amaliy sayohat uyushtirishdi
Ushbu tashrifdan ko‘zlangan asosiy maqsad — talaba-yoshlar qalbida vatanparvarlik, tarixiy xotira va faxr tuyg‘ularini shakllantirish, yurtimiz tinchligi yo‘lida jonini fido qilgan mard va jasur yurtdoshlarimizning jasorat yo‘li bilan yaqindan tanishtirishdan iborat bo‘ldi. Talabalar ushbu muqaddas maskan orqali mardlik va sadoqat timsoliga aylangan qahramonlar hayoti hamda ularning bebaho merosi bilan yaqindan tanishish imkoniga ega bo‘lishdi.
