“Ipak yo‘li” turizm va madaniy meros xalqaro universitetining iqtidorli talabalari — Rustam Erkinov, Bekhruz Shonazarov va Muhammadjon Ismoilov — hozirda Xitoy Xalq Respublikasining Nanjing turizm va mehmondo‘stlik institutida xalqaro talabalar almashinuv dasturi doirasida tahsil olishmoqda.
Mazkur dastur talabalarga nafaqat o‘z kasbiy salohiyatlarini yanada rivojlantirish, balki turizm sohasidagi zamonaviy tendensiyalar hamda raqamli innovatsiyalarni chuqur o‘rganish imkonini bermoqda. Xalqaro tajriba ularning dunyoqarashini kengaytirib, kasbiy ko‘nikmalarini mustahkamlashda muhim ahamiyat kasb etmoqda.
Bunday ilmiy hamkorliklar mamlakatimizda turizm sohasi rivojiga hissa qo‘shuvchi yangi avlod mutaxassislarini tayyorlashda muhim o‘rin tutadi.
