2025-yil 21-oktabr kuni “Ipak yo‘li” turizm va madaniy meros xalqaro universitetida “Yosh Diplomatlar” to‘garagining ochilish marosimi bo‘lib o‘tdi. Tadbir “Tillar va global tadqiqotlar” kafedrasi tashabbusi bilan tashkil etilib, global fikrlovchi va yetakchilik qobiliyatiga ega yoshlarni tayyorlashni maqsad qildi.
Marosimda diplomatiya, madaniyatlararo muloqot va xalqaro hamkorlikning ahamiyati ta’kidlandi. To‘garak doirasida haftalik muhokamalar, BMT Modeli simulyatsiyalari hamda “Mini Diplomatic Reception” va “Crisis Simulation Game” kabi tadbirlar o‘tkazilishi rejalashtirilgan.
Tadbir yakunida talabalar norasmiy muloqot qilib, umumiy suratga tushdilar. “Yosh Diplomatlar” to‘garagi talabalar uchun o‘sish va do‘stlik maydoniga aylanishi kutilmoqda.
