Ta’lim muassasasida talaba-yoshlar o‘rtasida “Korrupsiya – taraqqiyot kushandasi” mavzusida ma’naviy-ma’rifiy tadbir o‘tkazildi. Mazkur tadbirning asosiy maqsadi yoshlar ongida korrupsiyaga nisbatan murosasiz munosabatni shakllantirish, ularning huquqiy savodxonligini oshirish hamda halollik va adolat tamoyillarini keng targ‘ib qilishdan iborat bo‘ldi.
Tadbir davomida soha mutaxassislari tomonidan korrupsiyaning jamiyat taraqqiyotiga salbiy ta’siri, uning ijtimoiy-iqtisodiy oqibatlari hamda oldini olish choralari haqida ma’ruzalar qilindi. Shuningdek, talaba-yoshlar bilan ochiq muloqot tashkil etilib, ularning fikr va mulohazalari tinglandi. Savol-javoblar jarayonida ishtirokchilar o‘zlarini qiziqtirgan masalalar yuzasidan batafsil ma’lumot oldilar.
Tadbirda korrupsiyaga qarshi kurashish har bir fuqaroning, ayniqsa yoshlarning fuqarolik burchi ekani alohida ta’kidlandi. Halollik, vijdonlilik va mas’uliyat kabi fazilatlar jamiyat taraqqiyotining muhim omili ekanligi qayd etildi.
Yakunda ishtirokchilar korrupsiyaga qarshi kurashishda faol bo‘lish, qonunlarga hurmat bilan qarash va shaffof muhitni shakllantirishga o‘z hissasini qo‘shishga chaqirildi.
