"Ipak yo‘li” turizm va madaniy meros xalqaro universitetida yapon tilida faoliyat yurituvchi gidlarning kasbiy kompetensiyalarini rivojlantirishga qaratilgan seminar-trening o‘tkazildi.

Tadbir davomida yapon turistlarining madaniyati va xizmat ko‘rsatish xususiyatlari, professional muloqot, ekskursiya olib borish mahorati, konfliktli vaziyatlarni boshqarish, shuningdek, turizm sohasida zamonaviy raqamli texnologiyalar va sun’iy intellektdan foydalanish masalalari muhokama qilindi.

Seminar-trening gidlarning amaliy ko‘nikmalarini takomillashtirish hamda Yaponiya fuqarolariga ko‘rsatiladigan turistik xizmatlar sifatini yanada oshirishga xizmat qildi.