“Ipak yo‘li” turizm va madaniy meros xalqaro universitetida talaba-yoshlarning Mirzo Ulug‘bekning faoliyatini o‘rganish, uning ibratli hayoti va ijodini tadbiq etish, boy ilmiy merosini chuqur tahlil qilish, bizga meros bo‘lib qoldirgan asarlari, g‘oyalari va fidoyiligini ilmiy jihatdan chuqurroq o‘rganishi maqsadida “Mirzo UIug‘bek vorislari” maqolalar tanlovi e’lon qilinadi. Tanlov 3 bosqichda bo‘lib o’tadi.
1 — universitet bosqichi;
2 — respublika saralash bosqichi;
3 — respublika final bosqichi.
Tanlov ishtirokchilari Mirzo Ulug‘bekning hayoti va faoliyati, ilm-fanga qo‘shgan hissasi to‘g‘risida ixtiyoriy mavzu bo‘yicha maqola yozadilar. Universitet bosqichida g’olib bo’lgan 1 ta maqola, 2-bosqich respublika saralash bosqichiga yuboriladi. Saralash bosqichidan muvaffaqiyatli o’tgan maqolalar 3-bosqichga yo’naltiriladi hamda Hakamlar hay’ati tomonidan ko’rib chiqiladi. G’olib bo’lgan maqolalar quyidagicha rag‘batlantiriladi:
1-o‘rin - 5 000 000 so‘m;
2-o‘rin - 4 000 000 so‘m;
3-o‘rin - 3 000 000 so‘m.
Tanlovda 1-4 kurs universitet talabalari o’z maqolalari bilan qatnashishi mumkin. Maqolalar о‘zbek va qoraqalpoq tillarida (lotin alifbosi grafikasida) yozilishi kerak. Maqolalar 2026-yilning 10-martiga qadar https://t.me/n_xoliqov telegram manzili orqali qabul qilinadi.
Maqolalarni rasmiylashtirish talablari mazkur e’lon faylida keltirilgan.
Eslatma: Tegishli talablarga javob bermaydigan hamda kechikib topshirilgan maqolalar tanlovga qabul qilinmaydi va muallifga qaytarilmaydi.
Qo‘shimcha ma’lumotlar: “Ipak yo‘li” turizm va madaniy meros xalqaro universiteti ilmiy tadqiqotlar bo’limi 322 xona.
Telefon raqami: +998 66 240 67 85 (Telegram https://t.me/n_xoliqov )
Maqolalarga qo‘yilgan talabalar:
- Maqola materiallari elektron shaklda fayl kо‘rinishida, Word 2003, 2007 formatida Times New Roman, 14 o‘lcham (kegel), satrlar oralig‘i 1,5 sm, sahifalar chapdan va yuqoridan 2,5 sm, pastdan va о‘ngdan 2 sm qoldirilgan holda taqdim etilishi lozim.
- birinchi qatorda, sahifaning o‘rtasida bosh va qalin harflar bilan maqolaning nomi, ikkinchi qatorda muallifning familiyasi, ismi va otasining ismi, uchinchi qatorda muallifning ish joyi, lavozimi, ilmiy darajasi va unvoni, to‘rtinchi qatorda matn yoziladi.
- asosiy matn satrlar oralig‘i 1,5 intervalda, satr boshi- 1 sm, satrlarni eniga to‘g‘rilash, so‘zlarni boshqa qatorga kо‘chirish - avtomatik tarzda bo‘lishi lozim.
- adabiyotlarning to‘liq ro‘yxati asosiy matndan so‘ng alifbo tartibida kо‘rsatilishi lozim.
- manba va adabiyotga havolalar asosiy matn ichida kо‘rinishda bo‘lishi lozim.
- taqdim etilayotgan maqolalar hajmi 4-6 sahifagacha bo‘lishi kerak.
- maqolalar о‘zbek va qoraqalpoq tillarida (lotin alifbosi grafikasida) qabul qilinadi.
- maqolada annotatsiya va kalit so‘zlari talab etiladi.
- xulosa va takliflar keltirilishi kerak.
- matn ilmiy-uslubiy tahrir qilingan bo‘lishi shart.
- talablarga javob bergan va tahrir hay ’ati kо‘rigidan о‘tgan maqolalar keyingi bosqichga tavsiya etiladi.
- respublika final bosqichida g‘olib bo‘lgan ishtirokchilarning maqolalari Talaba va о‘quvchilarning ijtimoiy faolligini oshirish markazining “Yoshlar va ilm fan” ilmiy-ommabop, о‘quv-metodik, ma’naviy-ma’rifiy jurnalida chop etiladi.
