“Ipak yo‘li” turizm va madaniy meros xalqaro universitetida 2025-yilning 15-dekabr kunida talabalar, magistrlar, tadqiqotchilar, tayanch doktorantlar oʻrtasida “Turizm va madaniy meros sohasini barqaror rivojlantirishda zamonaviy yondashuvlar” mavzusida talabalar forumi doirasida ilmiy-amaliy konferensiya tashkil etilmoqda. Konferensiyada eng yaxshi maqolalar tanlovini o‘tkazish rejalashtirilgan. Tanlovda guruh va kursidan qat’iy nazar universitetning bakalavr va magistratura bosqichi talabalari ishtirok etishlari mumkin. Tanlovda maqolalar ingliz tilida qabul qilinadi. Har bir yo‘nalish bo‘yicha eng yaxshi deb topilgan dastlabki uchta maqola mualliflari sertifikatlar bilan taqdirlanishadi va universitet rahbariyati tomonidan rag‘batlantiriladi. Talabgorlar quyidagi sho‘balar bo‘yicha maqolalarni mas’ul shaxslarga yuborishlari mumkin.
Konferensiya sho‘balari:
1-sho‘ba: “Raqamli transformatsiya jarayonida xalqaro biznes va kreativ sohalarning rivojlanishi”
2-sho‘ba: “Ipak yo'li madaniyati (etnogenez va moddiy, nomoddiy madaniy meros) va ekologiya (ekoturizm): tabiat va an'analarning o'zaro bog'liqligini o'rganish”
3-sho‘ba: “Smart destinatsiyalarni rivojlantirish: Smart turizm va raqamli integratsiyadagi innovatsiyalar”
4-sho‘ba: “Tarjima va amaliyotning yangi ufqlari: sun’iy intellekt, tabiiy tilni qayta ishlash va tarjimada kreativlik”
5-sho‘ba: “Globallashuv davrida xorijiy tillar, madaniyatlararo muloqot va diplomatiya integratsiyasining zamonaviy tendensiyalari”
Maqolalarni rasmiylashtirish talablari hamda sho‘balar bo‘yicha mas’ul shaxslar haqidagi ma’lumotlar axborot xatida keltirilgan:
Muddat: maqolalarni 2025-yilning 10-dekabrga qadar ko‘rsatilgan sho‘balar bo‘yicha mas’ul shaxslarga yuborishingiz mumkin.
Eslatma: Tegishli talablarga javob bermaydigan, ilmiy-amaliy tavsiyaga ega bo‘lmagan va kechikib topshirilgan maqolalar hamda startap loyihalar tanlovga qabul qilinmaydi va muallifga qaytarilmaydi.
Qo‘shimcha ma’lumotlarni “Ipak yo‘li” turizm va madaniy meros xalqaro universiteti ilmiy tadqiqotlar bo’limi 322 xona.
Telefon raqami: +998 66 240 67 85 (Telegram https://t.me/n_xoliqov )
