Talaba hayotining dastlabki bosqichi — bilim olish, izlanish va yangi manbalar bilan tanishish davridir. Shu maqsadda 1-bosqich talabalari A.S. Pushkin nomidagi viloyat Axborot-kutubxona markazida bo‘lishdi. Tashrif davomida talabalar kutubxonaning boy adabiy va ilmiy fondi, zamonaviy axborot-resurslari hamda xizmat ko‘rsatish tizimi bilan yaqindan tanishishdi. Ularga markaz imkoniyatlari, elektron kutubxona xizmatlari va foydalanish tartibi haqida atroflicha ma’lumot berildi.

Shuningdek, talabalarga 3 yil mobaynida kutubxona xizmatlaridan foydalanish imkonini beradigan shaxsiy ID-kartalar tantanali ravishda topshirildi.

Bu tashrif talabalar uchun bilim xazinalariga yo‘l ochibgina qolmay, balki ularda kitob o‘qish madaniyatini shakllantirish, mustaqil o‘qish va izlanishga bo‘lgan qiziqishni yanada kuchaytirishda muhim qadam bo‘ldi.