2026-yil 16-dekabr kuni “Havo transportni boshqarish” fani doirasida Log-124 guruh talabalari Samarqand Xalqaro Aeroportiga amaliy tashrif buyurishdi. Tashrifga fan o‘qituvchisi Mohammad Shahparan rahbarlik qildi. Tashrif davomida talabalar aeroportning ishlash tizimi, ichki va xalqaro havo qatnovlariga xizmat ko‘rsatish jarayonlari hamda zamonaviy infratuzilmasi bilan tanishdilar. Aeroportda yo‘lovchilarga xizmat ko‘rsatish, xavfsizlikni ta’minlash va harakat oqimini boshqarish jarayonlariga alohida e’tibor qaratildi. Shuningdek, aeroportning turli bo‘limlari o‘rtasidagi hamkorlik va samaradorlikni oshirishga qaratilgan chora-tadbirlar ham kuzatildi. Amaliy tashrif orqali talabalar nazariy bilimlarini mustahkamlash imkoniyatiga ega bo‘ldilar.
