2025-yil 6–8-dekabr kunlari universitetimiz prorektori, professor Zou Tongqian boshchiligidagi xalqaro PhD va magistrantlar guruhi Xorazm, Buxoro va Navoiy viloyatlarida madaniy meros, ekologiya va turizm yo‘nalishlarida ilmiy tadqiqot o‘tkazish maqsadida safar uyushtirdi.
Dastlab guruh a’zolarining tashrifi qadimiy Xiva shahridan boshlandi. Talabalar Ichan qal’a yodgorliklari, Kalta Minor va Juma masjidini ko‘zdan kechirib, Ipak yo‘li sivilizatsiyalari uyg‘unligini o‘rganishdi.
Keyingi manzil — Amudaryo bo‘yidagi Tuyamuyun gidrokompleksi bo‘lib, bu yerda suv resurslari boshqaruvi, ekologik muammolar va turizm imkoniyatlari haqida tahlillar olib borishdi.
Buxoroda esa Boqi-Kalon majmuasi, Mir Arab madrasasi va Kalon minorasining restavratsiya jarayonlari hamda madaniy merosdan turizmda foydalanish masalalari muhokama qilindi.
Safarning yakunida guruh Navoiy viloyatidagi “Eng yaxshi turizm qishlog‘i” — Sentobga tashrif buyurdi. Tabiiy go‘zallik, qadimiy tarix, aholi mehmondo‘stligi va qishloq turizmi tajribasi ishtirokchilarda katta taassurot qoldirdi.
Ushbu safar talabalar va ustozlarga madaniy meros, ekologiya va turizm o‘rtasidagi chambarchas bog‘liqlikni amaliy ravishda anglash imkonini berdi.
