Mazkur dastur universitet Ilmiy tadqiqotlar va innovatsiya ishlari bo‘yicha prorektori, professor Zou Tongqian tashabbusi hamda Pekin xalqaro tadqiqotlar universiteti (Beijing International Studies University, BISU) va “Ipak yo‘li” turizm va madaniy meros xalqaro universiteti o‘rtasida imzolangan xalqaro hamkorlik kelishuvi doirasida yo‘lga qo‘yilgan. Tadbirda BISU vitse-prezidenti, professor Cheng Wei, shuningdek, ikkala universitetdan bir qator professor-o‘qituvchilar va ilmiy rahbarlar ishtirok etdilar. Ular doktorantlarni qutlab, hamkorlik loyihalari orqali ilmiy salohiyatni oshirish, qo‘shma tadqiqotlarni amalga oshirish va xalqaro ta’lim dasturlarida faol ishtirok etish bo‘yicha o‘z tilak va tavsiyalarini bildirdilar. Marosimda doktorantura ta’lim jarayonining asosiy qoidalari, ilmiy faoliyatda erishilishi lozim bo‘lgan ko‘rsatkichlar, xalqaro ilmiy loyihalar va konferensiyalarda ishtirok etish imkoniyatlari batafsil tushuntirib berildi. Ochilish marosimi PhD talabalari uchun yangi bosqichning rasmiy boshlanishini ifoda etdi. Universitet tomonidan doktorantlarga ilmiy tadqiqotlarni qo‘llab-quvvatlash, xalqaro hamkorlikdagi loyihalarda ishtirok etish va ilmiy maqolalar chop etishda keng imkoniyatlar yaratib berilishi alohida ta’kidlandi.
