2025-yil 11-aprel kuni “Ipak yo‘li” turizm va madaniy meros xalqaro universiteti mashhur turizm marketingi mutaxassisi, Myriad va The Sigmund Project asoschisi Alan Elliottni mehmon sifatida qabul qildi. Turizm sohasida innovatsiyalarni rivojlantirish bo‘yicha katta tajribaga ega mutaxassis universitet rahbariyati bilan uchrashuv o‘tkazdi.
Uchrashuv davomida Webster universiteti bilan hamkorlik aloqalarini o‘rnatish, xususan, qo‘shma akademik va ilmiy loyihalarni yo‘lga qo‘yish masalalari muhokama qilindi. Shuningdek, talabalarning startap loyihalarini qo‘llab-quvvatlash va ularni xalqaro loyihalarga jalb etish imkoniyatlari muhokama markazida bo‘ldi.
Tomonlar turizmni rivojlantirish, innovatsiyalar va ta’lim sohasida xalqaro hamkorlikni kengaytirish zarurligini ta’kidladilar. Alan Elliott esa yoshlar tashabbuslarini qo‘llab-quvvatlashga va universitet bilan birgalikda xalqaro loyihalarda ishtirok etishga tayyorligini bildirdi.
