2025-yil 16-dekabr kuni “Modern Approaches in Sustainable Development of Tourism and Cultural Heritage” mavzusida o‘tkazilgan talabalar forumi doirasida Turizm kafedrasi dotsenti v.b. Muslima Amiriddinova tomonidan “Smart Destination Development: Innovations in Smart Tourism and Digital Integration” sho‘basi asosida magistratura bosqichi talabalari ishtirokida muhokama (discussion) paneli tashkil etildi.
Mazkur panel davomida smart turizm konsepsiyasining mazmun-mohiyati, raqamli texnologiyalarning turizm sohasiga samarali integratsiyasi, barqaror turizmni rivojlantirishda innovatsion yondashuvlarning o‘rni hamda madaniy meros obyektlarini boshqarishda zamonaviy axborot-kommunikatsiya texnologiyalaridan foydalanish masalalari keng muhokama qilindi.
Muhokama jarayonida magistratura talabalari o‘z ilmiy qarashlari, taklif va mulohazalari bilan faol ishtirok etib, amaliy misollar hamda ilg‘or xalqaro tajribalar yuzasidan fikr almashdilar. Tadbir interaktiv tarzda tashkil etilib, talabalar tomonidan berilgan savollarga asosli va batafsil javoblar berildi.
