2021-yil 28-dekabr kuni “Ipak yo‘li” turizm va madaniy meros xalqaro universitetida Yevropa Ittifoqining Erasmus+ ta’lim sohasidagi grant dasturlari bo‘yicha uslubiy seminar tashkil etildi. Seminarda universitet tadqiqotchilari bilan bir qatorda boshqa universitetlar vakillari ham ishtirok etishdi.
Yevropa Ittifoqining eng muvaffaqiyatli va uzoq muddatli dasturi sifatida eʼtirof etilgan Erasmus+ dasturi taʼlim, sport va yoshlarni qoʻllab-quvvatlash sohalaridagi loyihalar, hamkorlik, turli xil tadbirlar va mobillikni qoʻllab-quvvatlashga qaratilgan.

Tadbirning maqsadi:
• 2021-2027 yillarga mo‘ljallangan Erasmus+ dasturi doirasida 2022 yilga mo‘ljallangan yangi tanlov va O‘zbekiston oliy ta’lim hamjamiyatiga barcha yo‘nalishlar bo‘yicha ishtirok etish shartlari, Erasmus+ loyihalarining joriy faoliyati va dasturning oliy ta'limni modernizatsiya qilishga bo’lgan hissasi haqida ma’lumot berish.
• Tempus yoki Erasmus+ dasturlarida avval ishtirok etmagan yangi universitetlarga loyihalarni ishlab chiqishda uslubiy yordam ko‘rsatish.

Seminar davomida universitet nomidan Erasmus+ grant dasturlariga hujjat topshirishga qaror qilindi.

Ko'plab ilmiy ishlar va muzey ko'rgazmalari bizni insoniyat tarixi haqida deyarli hamma ma’lumotni, tarixchilar esa deyarli har qanday savolga javob bera olishiga ishontiradi. Biroq, uzoq o'tmishga chuqurroq nazar tashlasak, u yerda juda ko'p qarama-qarshiliklar va nomuvofiqliklarni topamiz. Nega, masalan, o'rta asrlar rassomlari qadimgi personajlarni o'zlarining zamondoshlari sifatida rassomning hayot davriga mos keladigan kiyimda tasvirlashgan?
Agar bronza mo'rt modda bo'lsa va bronzadan yaxshi kesuvchi pichoqni yasash qiyin bo'lsa, qadimgi jangchilar o'z dushmanlarini bronza qilichlari bilan qanday mag'lub etishlari mumkin edi?
Qadimgi Misr metallni bilmagan bo'lsa, nima uchun Misr fir'avnlari qabrlarini qazishda po'lat qurollar topilgan? Yoki ular bilarmidilar? Va nihoyat, miloddan avvalgi 2900 yilda qurilgan Xufu piramidasida topilgan po'lat chiselni qanday tushuntira olasiz?

Tarixni sevuvchilar uchun sizni kutubxonamizga taklif qilamiz. Barcha savollaringizga javob topishingiz mumkin.
Kitoblar universitetimiz rektori A.A.Abduhakimov tomonidan sovg'a qilingan. Mazkur imkoniyat uchun rektorimizga minnatdorchilik bildiramiz.

Hurmatli talabalar, shuni ma’lum qilamizki, 'Winter School' 10 yanvardan 21 yanvargacha davom etadi. O‘quvchilar arizalari asosida quyidagi fanlar o‘qitilishi yo‘lga qo‘yiladi:

1. Intercultural and Cross-cultural communication

2. Cultural and Heritage management

3. Human resources management

4. Foreign language (English)

5. Second Foreign language (Chinese)

6. Introduction to accounting

7. Hospitality Industry Financial Accounting

8. Tourism marketing

9. Marketing of tourism hospitality and events

10. Theory and Practice of Marketing

11. Consumer markets and purchasing behaviour

Eslatma: Agar siz tanlov kursida muvaffaqiyatsiz bo'lsangiz, o'quv rejangizda mavjud bo'lmagan kursni tanlov kursi sifatida o'rganishingiz mumkin.
Sizdan ushbu fanlarga ajratilgan kredit summasini Universitet gʻaznasiga toʻlashingiz va kvitansiyani roʻyxatga olish idorasiga 10.01.2022 yilgacha topshirishingiz soʻraladi.

Universitet hisob raqami: 400110860184017094100245001

Kirib kelayotgan Yangi yil arafasida “Ipak yoʼli” Turizm va Madaniy meros Xalqaro Universiteti Xotin-qizlar maslahat kengashi raisi M.Аbbasova va talabalar Samarqand shahridagi “Sahovat uyi”ga tashrif buyurishdi.
Universitet vakillari ushbu maskanda istiqomat qiluvchi qariyalarga sovgʼa-salomlar, oziq-ovqat mahsulotlari olib kelishdi. Yoshi ulugʼ otaxonu onaxonlarni yangi yil bilan qutlab, ularga eng ezgu tilaklarni tilashdi.

Bunday tabdirlar ikki avlod vakillari oʼrtasidagi rishtani mustahkamlab, yoshlarda mehr-oqibat uygʼotishi, ezgu amallar qilishga undashi, shubhasiz.

Universitet Xotin-qizlar maslahat kengashi tashabbusi bilan tashkil etilgan Samarqand viloyat “Saxovat uyi” hamda “SOS Oʼzbekiston bolalar mahallasi” Samarqand filialiga 2022-yil uchun “Zarafshon” va “Самаркандский вестник” gazetalariga yillik imtiyozli obuna Sertifikati topshirildi.

Ikki kunlik seminarda universitet qoshidagi kollej va texnikumlar direktorlari va o'rinbosarlari ishtirok etdilar. Konferensiyada universitetimiz ma'muriyati va o'qituvchilari ishtirok etdilar. Istiqboldagi dolzarb muammolar va rejalar muhokama qilindi.

Mazkur konferensiya O'zbekiston Respublikasi Prezidentining "Turizm, madaniy meros va muzeyshunoslik sohalarida malakali kadrlar tayyorlashning uzluksiz tizimini yanada takomillashtirish chora-tadbirlari to'g'risida"gi 5270-sonli Farmoni ijrosini ta'minlash maqsadida o'tkazildi.

Konferensiyadan video

Bobur Ismoilov zamonamizning mashhur rassomi, kino, animatsiya, teatr, kitob grafikasi va monumental rangtasvirda ijod qiladi.

Bobur Ismoilov o‘zbek milliy tasviriy san’atining boy tasviriy an’analarini zamonaviy talqin qilish, uni nafaqat o‘ziga xos imzo uslubi, balki muhabbat va hayotning chuqur falsafasi bilan sug‘orilgan g‘ayrioddiy qissasi bilan boyitib, ularning tug‘ilishini o‘rganishga beqiyos hissa qo‘shgan.

Bobur kartinalarini butun dunyoda uchratish mumkin, ular Markaziy Osiyoning yuragidan kelgan eng qimmatli suvenirlar, galereyalar va shaxsiy kolleksiyalarni bezab turibdi.

“Ipak yo’li” turizm va madaniy meros xalqaro universitetining Birinchi prorektori, taniqli olim, Turk tilshunoslik jamiyati muxbir a’zosi, jonkuyar rahbar Jo‘liboy Eltazarovning 60 yillik yubileyi Samarqand Davlat universiteti anjumanlar saroyida keng nishonlandi.

Tadbir avvalida O’zbekiston Respublikasi Bosh vaziri o’rinbosari, Turism va sport vaziri, “Ipak yo’li” turizm va madaniy meros xalqaro universiteti rektori A.Abduhakimovning to’g’ridan-to’g’ri onlayn shaklda ishtirok etib tabrik so’zi yo’lladi.    

Shuningdek, Samarqand davlat universiteti o‘quv ishlari bo‘yicha prorektori, professor Ahmadjon Soliev universitet rektori, Oliy Majlis Senati a’zosi, professor Rustam Xolmurodovning tabrigini o‘qib eshittirdi va esdalik sovg‘alarini topshirdi.

    Shundan so‘ng, universitet Axborot xizmati tomonidan tayyorlangan Jo‘liboy Eltazarov hayoti va faoliyati haqidagi film namoyish etildi.

    Shuningdek, bir qator nufuzli mehmonlar:

    Muslihiddin Muhiddinov - Samarqand davlat universiteti professori, O‘zbekistonda xizmat ko‘rsatgan yoshlar murabbiysi, “El-yurt hurmati” ordeni sohibi.

    Suyun Karimov – filologiya fanlari doktori, professor, “Shuhrat” medali sohibi

    Rustam Qobilov – Samarqand viloyati hokimining turizm, sport, madaniyat, madaniy meros va ommaviy kommunikatsiyalar masalalari bo‘yicha o‘rinbosari.

    Komiljon Rashidov – Tashqi ishlar vazirligi boshqarma boshlig‘i.

    Alparslon Akimji - Turkiya elchixonasi madaniyat attashesi.

    Jasur Rizaev - Samarqand davlat tibbiyot instituti rektori, professor.

    Turg‘un Ko‘chkunov - Forishlik mehnat faxriysi.

    Jozef Hoffman - Ipak yo‘li turizm va madaniy meros xalqaro universiteti prorektori o‘zlarining samimiy tilak va dil izhorlarini bildirdilar.

    Tadbir ko‘tarinki va yuqori kayfiyatda davom etdi.

    Jo‘liboy Eltazarov tadbir yakunida barcha tashkilotchilarga minnatdorlik bildirar ekan, o‘z umrining teng yarmini Samarqand davlat universitetida o‘tkazganini va hozirgi kunda “Ipak yo’li” turizm va madaniy meros xalqaro universiteti rivojlantirish va turizm va madaniy meros sohalarida mamlakatimiz uchun etuk kadrlar tayyorlashda o’z hissasini qo’shishdan baxtiyor ekanligini ma’lum qildi. Tadbir davomida dunyoning bir necha xorijiy mamlakatlaridan, jumladan Turkiya davlatidan vakillar onlayn tarzda ishtirok etdilar va olimga o’z tilaklarini bildirdilar.

2021-yilning 28-dekabr kuni soat 9:30 dan 12:30 gacha “Ipak yo‘li” Turizm va madaniy meros xalqaro universitetining anjumanlar zalida Erasmus+ dasturi doirasida loyihalarni tayyorlash yo‘nalishi bo‘yicha uslubiy seminar bo‘lib o‘tadi

Bugun, 24-dekabrda Qozog‘iston Republikasining Turkiston shahrida joylashgan Turizm va mehmondo‘stlik xalqaro universiteti vakillari “Ipak yo‘li” turizm va madaniy meros xalqaro universitetiga tashrif buyurishdi.
Tashrifdan maqsad ikki tomonlama imzolangan hamkorlik memorandumi doirasida amaliy chora tadbirlarni amalga oshirish, ikki universitet o‘rtasida talabalar, tadqiqotchilar va o‘qituvchilar almashinuv dasturlarini yo‘lga qo‘yishdan iborat.

Ikki tomonlama muzokaralarda Birinchi prorektor, professor J. Eltazarov va Rektor maslahatchisi A.Ospanova ikki ta‘lim muassasasidagi mavjud ilmiy va akademik salohiyatdan yetarli darajada foydalanish zarurligi va istiqboldagi rejalar borasida so‘z yuritdilar.

Delegatsiya a‘zolari universitetimizdagi o‘quv jarayonlari va talaba hamda o‘qituvchilar bilan uchrashdilar va universitet kutubxonasiga tashrif buyurdilar.

Universitet xalqarolashtirish va strategik rivojlanish boʻyicha birinchi prorektori, professor Eltazarov J.D
turli nominatsiyalar bo‘yicha eng faol o‘quvchilarni faxriy yorliqlar, shuningdek, talabalar sovg‘alari bilan taqdirladi. Ushbu nominatsiyaga bu yil jami 25 nafardan ortiq talaba tanlab olindi.