2025-yil 25-sentabr kuni “Ipak yo‘li” turizm va madaniy meros xalqaro universitetida Yoshlar bilan ishlash, ma’naviyat va ma’rifat bo‘limi tashabbusi bilan, Samarqand viloyati Ichki ishlar boshqarmasi huzuridagi Axborot texnologiyalari sohasidagi jinoyatlarga qarshi kurashish bo‘limi hamkorligida 1-bosqich talabalari uchun axborot xavfsizligi va kiberjinoyatchilik mavzusida ma’rifiy uchrashuv tashkil etildi.
Tadbirda mazkur soha mutaxassislari — kapitan J.Nuraliyev va leytenant Y.Aslamkulov ishtirok etib, axborot xavfsizligining dolzarb jihatlari, internet madaniyati, kiberjinoyatlarning oldini olish hamda yoshlarning huquqiy savodxonligini oshirishga qaratilgan mazmunli ma’ruzalarni taqdim etdilar.
Shuningdek, talabalarga ijtimoiy tarmoqlarda shaxsiy ma’lumotlarni himoya qilish, firibgarlik va noqonuniy axborot oqimlariga qarshi ogoh bo‘lish, shuningdek, zamonaviy axborot xavfsizligi talablariga rioya qilish borasida aniq amaliy tavsiyalar berildi.
Tadbir davomida talabalar o‘zlarini qiziqtirgan savollarga batafsil javob olishdi. Mutaxassislar tomonidan berilgan tavsiyalar va maslahatlar yoshlarning axborot madaniyatini yuksaltirish, ularni kiberjinoyatlardan himoyalash, shuningdek, bu borada mas’uliyatli fuqarolik pozitsiyasini shakllantirishga xizmat qildi.
