“Ipak yo‘li” turizm va madaniy meros xalqaro universiteti bo‘limlardagi bo‘sh ish o‘rinlariga munosib nomzodlarni ishga taklif qiladi
Lavozim nomi: Ilmiy-tadqiqotlar bo‘limi yetakchi mutaxassisi
Ma’lumot: Oliy (bakalavr yoki magistr).
Mutaxassislik: Iqtisodiyot, turizm, tarix (arxeologiya).(TOP-500, TOP-1000 ro‘yxatidagi OTMlarni tugatgan nomzodlarga qo‘shimcha ball beriladi.)
Xorijiy tilni bilish darajasi: Rus va ingliz tillarini bilishi, ingliz tili (IELTS 6,0 yoki davlat test markazi tomonidan beriladigan chet tilini bilish to‘g‘risidagi sertifikat-CEFR B2 darajasida bilishi).
Kompyuter savodxonligi: Microsoft Office (Word, Excel, Power point), ofis dasturlarini mukammal bilishi, internet va ijtimoiy tarmoqlardan foydalana olishi hamda Kompyuterda ishlash bo‘yicha amaliy ko‘nikmalarga ega bo‘lishi lozim.
Lavozim majburiyatlari: Ilmiy tadqiqotlar bo‘limi yetakchi mutaxassis O‘zbekiston Respublikasi Konstitutsiyasi va qonunlarini, turizm faoliyati bilan bog‘liq bo‘lgan me’yoriy hujjatlarni, O‘zbekiston Respublikasi Mehnat Kodeksini, universitet Ustavi, ish yuritish qoidalarini, o‘z faoliyatiga taalluqli Nizom, yo‘riqnomalar va me’yoriy hujjatlarni, universitet ichki tartib-qoidalarini bilishi shart.
Ilmiy tadqiqotlar bo‘limi yetakchi mutaxassis Ilmiy-tadqiqotlar bo‘limi Nizomiga muvofiq quyidagi funksiyalarni bajaradi: bo‘limga taqdim etiladigan hisobotlarning to‘g‘ri tuzilishi va o‘z vaqtida topshirilishi bo‘yicha nazoratni olib boradi; doktorantura, tayanch doktorantura, mustaqil tadqiqotchilar va stajor tadqiqotchilarning barcha hujjatlarini Oliy ta’lim fan va innovatsiyalar vazirligi veb-saytiga yuklaydi;
Doktorantura, tayanch doktorantura, mustaqil izlanuvchilar va stajor-tadqiqotchilarning ilmiy ishlari mavzularini universitet Ilmiy Kengashiga tasdiqlatish va keyinchalik uni Oliy Attestatsiya Komissiyasi byulleteniga chiqarish bilan bog‘liq barcha ishlarni tashkillashtiradi; turli darajadagi ilmiy-amaliy konferentsiyalarni tashkil etishda qatnashadi; bo‘lim faoliyatining asosiy yo‘nalishlariga ta’alluqli axborot va materiallarni tayyorlashda ishtirok etadi; talabalarning Startup loyihalari bo‘yicha tanlovlarni tashkil etishda ishtirok etadi; kafedra (maktab, markaz) tarkibidagi ilmiy-tadqiqot guruhlari bilan hamkorlikda ilmiy faoliyatni muvofiqlashtiradi.
Lavozim nomi: Yuridik byuro bo‘limi boshlig‘i.
Ma’lumot: Oliy (bakalavr yoki magistr).
Mutaxassislik: huquqshunos
(TOP-500, TOP-1000 ro‘yxatidagi OTMlarni tugatgan nomzodlarga qo‘shimcha ball beriladi).
Mehnat staji: Yurispendensiya sohasida davlat organlari va uning tizim tashkilotlarida kamida 3-6 yillik yil ish stajiga ega bo‘lishi lozim.
Xorijiy tilni bilish darajasi: Rus va ingliz tillarini bilishi, ingliz tili (IELTS 6,0 yoki davlat test markazi tomonidan beriladigan chet tilini bilish to‘g‘risidagi sertifikat-CEFR B2 darajasida bilishi).
Kompyuter savodxonligi: Microsoft Office (Word, Excel, Power point), ofis dasturlarini mukammal bilishi, internet tarmoqlaridan foydalana olishi
hamda kompyuterda ishlash bo‘yicha amaliy ko‘nikmalarga ega bo‘lishi lozim.
Lavozim majburiyatlari:
Ta’lim muassasasining barcha huquqiy hujjatlarini, bitimlarni yuridik ekspertizasini o‘tkazish;
ish yuritish va hujjatlar bilan ishlash bo‘yicha malakaga ega bo‘lishi;
iqtisodiy, mehnat, fuqarolik protsessual qonunchilikni yaxshi bilish;
barcha turdagi protsessual hujjatlar loyihalarini tayyorlash (shartnomalar, arizalar, iltimosnomalar, tushuntirishlar va boshqalar) va ularni huquqiy tahlil qilish;
sud instansiyalari va davlat organlarida ishonchli vakillarning manfaatlarini ifodalash uchun hujjatlarni to‘plash, tahlil qilish va tayyorlash;
tizimli fikrlash, stressga chidamlilik, xushmuomalalik, ziddiyatsizlik, aniqlik, vazifalarni mustaqil va ijodiy bajarish qobiliyatiga ega bo‘lish;
Lavozim nomi: Korrupsiyaga qarshi kurashish bo‘yicha bosh mutaxassis.
Ma’lumot: Oliy (bakalavr yoki magistr).
Mutaxassislik: Korrupsiyaga qarshi kurashish va komplayens nazorati, Buxgalteriya hisobi va audit, moliya va iqtisodiyot yo‘nalishlari
(TOP-500, TOP-1000 ro‘yxatidagi OTMlarni tugatgan nomzodlarga qo‘shimcha ball beriladi.)
Mehnat staji: Korrupsiyaga qarshi kurashish sohasida davlat organlari va uning tizim tashkilotlarida kamida 3 yil ish stajiga ega bo‘lishi lozim.
Xorijiy tilni bilish darajasi: Rus va ingliz tillarini bilishi, ingliz tili (IELTS 6,0 yoki davlat test markazi tomonidan beriladigan chet tilini bilish to‘g‘risidagi sertifikat-CEFR B2 darajasida bilishi).
Kompyuter savodxonligi: Microsoft Office (Word, Excel, Power point), ofis dasturlarini mukammal bilishi, internet va ijtimoiy tarmoqlardan foydalana olishi
hamda Kompyuterda ishlash bo‘yicha amaliy ko‘nikmalarga ega bo‘lishi lozim.
Lavozim majburiyatlari: Soha bo‘yicha normativ-huquqiy hujjatlarni bilishi, korrupsiyaga qarshi kurashish bo‘limi bosh mutaxassisining asosiy maqsadi tashkilotda, shuningdek, uning hududiy va tarkibiy bo‘linmalarida korrupsiyaga qarshi kurash bo‘yicha ISO37001:2016 xalqaro standarti talablariga javob beruvchi kompleks tizimni, xususan, korrupsiyaga qarshi kurashish tizimini joriy etish va rivojlantirish, korrupsiyaviy holatlarni barvaqt aniqlash va ularning sabab va shart-sharoitlarini bartaraf etish, korrupsiyaviy xatti-harakatlar sodir etilishining oldini olish, tashkilot tizimi xodimlarida korrupsiyaga nisbatan murosasiz munosabatni shakllantirish maqsadida ularning huquqiy ongi va madaniyatini oshirish, tashkilot tizimida korrupsiyaga qarshi profilaktik chora-tadbirlarni tashkil etish, korrupsiyaga qarshi kurashish sohasidagi hujjatlar ijrosini ta’minlashdan iborat.
“Ipak yo’li” turizm va madaniy meros xalqaro universiteti nomzodlarga:
Ish tartibi: dushanbadan juma kuniga qadar
Ish vaqti: 09:00 dan 18:00 gacha
Dam olish kuni: shanba, yakshanba.
Hujjatlarni topshirish muddati: 2024- yil 15-mart (shu kuni soat 18:00 qadar).
Nomzodlar Этот адрес электронной почты защищён от спам-ботов. У вас должен быть включен JavaScript для просмотра. elektron manziliga yoki +998 93 523 22 95 telegram raqamiga quyidagi ma’lumotlarni yuborishi kerak:
Ma’lumot uchun telefonlar:
+998 66 240-67-73
Bugun bahorning ilk kuni 1-mart. Ushbu kunda o‘zbek xalqining otashnafas shoiralaridan biri Zulfiyaxonim tavallud topgan. Shu munosabat bilan oliygohimiz xotin-qizlar kengashi tashabbusi bilan “Sadoqat saroyining mangu malikasi yoxud Zulfiyaxonim” nomli ma’naviy-ma’rifiy tadbir tashkil qilindi. She’riyat kechasiga Yozuvchilar uyushmasi viloyat bo‘limi rahbari T.Tugalov va shoirlar taklif qilindi. Dastlab tadbirni universitetimiz Birinchi prorektori J.Eltazarov kirish so‘zi bilan ochib barchani bahorning birinchi kuni bilan qutladi va Zulfiyaxonim ijodi va faoliyatiga to‘xtalib o‘tdi.
Bu yil Zulfiyaxonim tavalludining 109 yilligi nishonlanmoqda. Tadbirda Yozuvchilar uyushmasi viloyat bo‘limi rahbari T.Tugalov va shoir Yu. Axmedov so‘z olib shoira ijodidan namunalar o‘qish bilan birga ijodkorning betakror isteʼdodi, vatanga, yorga bo‘lgan muhabbatini ta’riflab berishdi. She’riyat kechasida universitetimiz talabalari ham turli tillarda Zulfiyaxonim ijodidan she’rlar o‘qib, qo‘shiqlar kuylashdi. Tadbirning viktorina ya’niy savol-javob qismida ko‘plab talabalarimiz faol ishtirok etib shoira she’rlaridan o‘qidi. Tadbir so‘nggida Zulfiyaxonim va uning turmush o‘rtog‘i H.Olimjon haqilagi videofilm namoyish qilindi. Bir so‘z bilan aytganda o‘zbek xalqining buyuk shoirasi Zulfiyaxonim tavalludiga bag‘ishlangan tadbir talabalarimizda katta taassurot qoldirganligi bilan ahamiyatli bo‘ldi.
-Meni universitetimizda ham Zulfiyaxonim izdoshlari borligi xursand qiladi. Birgina joriy yilda Zulfiya nomidagi davlat mukofotining respublika bosqichida to‘rt nafar qizlarimizning ishtirok etganligi ham ushbu fikrimizga yaqqol misol bo‘la oladi,-deydi universitetimiz xotin-qizlar kengashi raisi M.Abbasova.
Joriy yilning 30-yanvar kuni “Ipak yo‘li” turizm va madaniy meros xalqaro universiteti hamda Ixtisoslashtirilgan ta’lim muasassalari agentligi tizimidagi Samarqand tumani ixtisoslashtirilgan maktabi o‘rtasida memorandum imzolandi. Ushbu memorandumni “Ipak yo‘li” turizm va madaniy meros xalqaro universiteti Birinchi prorektori J.Eltazarov va Samarqand tumani ixtisoslashtirilgan maktabi maslahatchisi O. Shamsiev imzoladi.
Aniq va tabiy fanlarga ixtisoslashgan ushbu maktabda 343 nafar o‘quvchi ta’lim-tarbiya oladi. Ushbu memorandum doirasida professor-o‘qituvchilar tomonidan Samarqand tumani ixtisoslashtirilgan maktabida ochiq dars jarayonlari tashkil qilinishi, o‘quvchi-yoshlarning universitetga sayohatini tashkil qilinish kabi tadbirlar ko‘zda tutilgan. Ahamiyatlisi, ushbu maktab o‘quvchilarning ko‘pchiligi universitetimizda ta’lim olishga qiziqishmoqda.
Shu yil 23-sentyabr kuni “Ipak yo‘li” turizm va madaniy meros xalqaro universiteti birinchi prorektori, prof. J.Eltazarov boshchiligida universitet xodimlari “Qo‘shchinor” mahallasida yashovchi jamiyat ko‘magi va e’tiboriga muhtoj yoshlar bilan uchrashdi. Universitet xodimlari dastlab Berdimurodova Gulnoza va Xodjaev Mo‘min xonadonlariga tashrif buyurib, ushbu mahalla yoshlarining turmush tarzi, muammolari, qiziqishlari va kelajakdagi rejalari bilan tanishdilar.
Universitet jamoasining ushbu tashabbusi hayotda qiyinchiliklarga duch kelayotgan yoshlarni qo‘llab-quvvatlashga qaratilgan. Uchrashuv yakunida universitet xodimlari yosh aholiga ta’lim va taraqqiyotga chaqiruvchi kitoblar sovg‘a qilishdilar.
Uchrashuv chog‘ida J.Eltazarov bu “Qo‘shchinor” mahalla yoshlari bilan uzoq muddatli hamkorlikning boshlanishi ekanligiga umid bildirib, universitetning ijtimoiy mas’uliyati muhimligini ta’kidladi. Shuningdek, u yoshlarni qo‘llab-quvvatlash va ularga e’tibor jamiyat kelajagi va taraqqiyotiga sarmoya ekanligini ta’kidladi.
Joriy yilning 21-senyatbr kuni “Ipak yo‘li” turizm va madaniy meros xalqaro unversitetida 2023/2024-yilida oliygoh jamoasi oldida turgan vazifalarni beldgilab olish masalalariga bag‘ishlangan tanqidiy va tahliliy yig‘ilish o‘tkazildi.
Yig‘ilishni univernsitet Birinchi prorektori J.Eltazarov olib bordi. Ta’kidlandiki, ushbu o‘quv yilida universitet jamoasi oldida qator dolzarb vazifalar bo‘lib, buni amalga oshirishda birinchi navbatda qat’iy mehnat intizomiga rioya qilinishi talab qilinadi. Bundan tashqari o‘qituvchilar o‘z ustida ko‘proq ishlashi, dars jarayonlariga puxta tayyorlangan holda talabalarga chuqur bilim berishi va ilmiy adabiyotlarga boy bo‘lgan kutubxonadan unumli foydalanishi lozimligi aytildi.
Shuningdek yig‘ilishda fakultet, kafedra va bo‘limlardagi muammolar va ularning yechimlari xususida Yoshlar bilan ishlash va tadbirlar bo‘limi boshlig‘i N.Abduvohidova, Turizm menejmenti fakulteti dekani R.Toshniyozova, moliya xo‘jalik departamenti boshlig‘i A.Gadoev, kafedra mudirlari A.Odilov, T.Sultonov, M.Siddiqova, ta’lim sifatini ta’minlash va akkereditatsiya bo‘limi boshlig‘i A.To‘xtamishov, HoRiCa akademiyasi boshlig‘i A.Sultonov va boshqalar kun tartibidagi masala yuzasidan axborot berishdi. Tanqidiy va tahliliy ruhda o‘tgan yig‘ilishda o‘tgan o‘quv yilidagi ta’lim berish sifati tahlil qilindi va ushbu o‘quv yilida mavjud muammo va kamchiliklarni bartaraf qilish bo‘yicha ma’sullarga zarur topshiriqlar berildi. Yig‘ilishda jamoa va yoshlar o‘rtasida diniy ekstremistik kayfiyatlarga moyilikning oldini olish choralari to‘g‘risida universitet rektorining yoshlar bo‘yicha maslahatchisi M.Roziqov o‘z fikrlarini bildirdi.
Yig‘ilishda ko‘rilgan masalalar bo‘yicha chora-tadbirlar belgilab olindi va mutasaddilarga zarur ko‘rsatma va topshiriqlar berildi.
“Ipak yo‘li” turizm va madaniy meros xalqaro universiteti tayanch doktoranturaga (PhD), stajor tadqiqotchilikka 08.00.17-Turizm va mehmonxona faoliyati ixtisosligi bo‘yicha, mustaqil izlanuvchilikka (PhD, DSc) 08.00.05-Xizmat ko‘rsatish tarmoqlari iqtisodiyoti,
08.00.11-Marketing, 08.00.13-Manejment, 08.00.17-Turizm va mehmonxona faoliyati ixtisosliklari bo‘yicha tanlov e’lon qiladi.
Tayanch doktotorantura (PhD), mustaqil izlanuvchilk(PhD, DSc)ga o‘qishga talabgorlar quyidagi hujjatlarni tadqim etishlari zarur:
1) Ariza;
2) Qisqacha biografik ma’lumotnoma (obyektivka)
3) Mehnat daftarchasining belgilangan tartibda tasdiqlangan nusxasi (ishlayotgan talabgorlar uchun);
4) Oliy ta’lim muassasasi magistraturasi diplomi, oliy ma’lumot to‘g‘risidagi diplom nusxasi, ilovalari bilan birgalikda;
5) Nashr etilgan ilmiy ishlar ro‘yxati, shuningdek ularning nusxalari (pdf);
6) Pasport nusxasi;
7) 3x4 rasm, 2 dona;
8) Taxminiy dissertatsiya mavzusi va asosnomasi;
9) Ish joyidan tavsifnoma
10) Til bo‘yicha milliy yoki unga mos darajadagi xalqaro sertifikat
11) O‘zbekiston Respublikasi Prezidenti Davlat stipendiyasi hujjat nusxasi (agar mavjud bo‘lsa).
Stajor tadqiqotchilik instituti oliy ta’limdan keyengi ta’lim institutiga tayyorgarlik boshqichi hisoblanishi belgilanganligi sababli talabgorlardan chet tilini bilish darajasini tasdiqlovchi sertifikat talab etilmaydi.
Barcha hujjatlar pdf shaklda tayyorlanib Oliy ta’limdan keyingi ta’limni muvofiqlashtiruvchi yagona elektron tizim http://phd.mininnovation.uz orqali ro‘yxatdan o‘tgan holda yuboriladi.
Qabul: 15-sentabrdan 15-oktabrgacha
“Ipak yo‘li” turizm va madaniy meros xalqaro universitetida Oliy ta’limdan keyingi ta’lim institutlariga huttaj topshirgan talabgorlar uchun kirish imtihonlari mutaxassislik fanidan bo‘lib o‘tadi. Imtihon kunlari to‘g‘risida qo‘shimcha e’lon beriladi.
Manzilimiz: Samarqand shahri, Universitet xiyoboni 17, “Ipak yo‘li” turizm va madaniy meros xalqaro universiteti Ilmiy tadqiqotlar bo‘limi
Murojaat uchun telefon: +998 66 240 67 85
Elektron manzil: Этот адрес электронной почты защищён от спам-ботов. У вас должен быть включен JavaScript для просмотра.; Этот адрес электронной почты защищён от спам-ботов. У вас должен быть включен JavaScript для просмотра.
“Ipak yo‘li” turizm va madaniy meros xalqaro universitetining bakalavriat ta’lim yo‘nalishi kunduzgi ta’lim shaklida tahsil oluvchi talabalarga ta’lim jarayoni joriy o‘quv yili uchun tasdiqlangan dars jadvallari asosida 18-sentabrdan boshlanadi.
“Orientation week” faqat birinchi bosqichga qabul qilingan talabalar uchun tatbiq etiladi.
O‘ZBEKISTON RESPUBLIKASI OLIY TA’LIM, FAN VA INNOVATSIYALAR VAZIRLIGI
O‘ZBEKISTON RESPUBLIKASI TURIZM QO‘MITASI
“IPAK YO‘LI” TURIZM VA MADANIY MEROS XALQARO UNIVERSITETI
AXBOROT XATI
“Ipak yo‘li” turizm va madaniy meros xalqaro universiteti 2023-yil 20-oktabr sanasida Samarqand shahrida o‘tkaziladigan Butunjahon turizm tashkiloti (UNWTO) Bosh assambleyasining yubiley 25-sessiyasi doirasida universitetda ShHT mamlakatlari ishtirokida bo‘lib o‘tadigan “ShHT mamlakatlarida barqaror turizm va madaniy meros sohasini rivojlantirish istiqbollari” mavzusidagi xalqaro ilmiy-amaliy konferensiyaga taklif etadi.
ILMIY-AMALIY KONFERENSIYA MAQSADI VA VAZIFALARI:
O‘zbekiston Respublikasi Prezidenti Administratsiyasining 2023-yil 7-iyuldagi 02-1137xdfu-son topshirig‘i ijrosini ta’minlash hamda ShHT mamlakatlari tarixi, arxeologiyasi, madaniy merosi, sayyohlik imkoniyatlari, ShHT mamlakatlari xalqlarining zamonaviy ijtimoiy-iqtisodiy, siyosiy va madaniy aloqalarini amalga oshirish, ShHT mamlakatlari doirasida turizm va madaniy meros sohasini transformatsiyalash, respublikamiz va mamlakatimizda olib borilayotgan tadqiqotlar bilan fikr almashishga bag‘ishlangan konferensiya yosh olimlar, magistrantlar, doktorantlar va mutaxassislarning ilmiy-tadqiqot ishlari sifati va samaradorligini oshirish, konferensiya doirasida olimlar va yosh tadqiqotchilar tajribasini o‘rganish, muhokama qilish va tavsiyalar berish hamda bugungi kunda turizm sohasidagi mavjud muammolarni hal qilishga qaratilgan xulosa va takliflar tayyorlash va amalga oshirish.
Konferensiya o‘tkazilishidan maqsad jahon yutuqlari, akademik bilim va tajriba almashishdir. Anjumanda turizm sohasidagi yetakchi mahalliy va xorijiy olimlar, tadbirkorlik subyektlari ishtirok etishi rejalashtirilgan.
Ilmiy-amaliy anjuman tashkilotchilari:
Konferensiyada quyadagi maslalar muhokama etiladi va ushbu yo‘nalishlar bo‘yicha maqola va tezislar qabul qilinadi:
Konferensiyaning rasmiy tillari: oʻzbek, ingliz, rus.
Konferensiya formati: gibrid (oflayn va onlayn tadbir platformasi).
AXBOROT XATIGA ILOVA
Maqola va tezislarni taqdim etish qoidalari
Talablarga muvofiq bajarilgan ishlar, shuningdek, to‘ldirilgan anketa (1-ilova) konferensiya tashkiliy qo‘mitasining elektron pochtasiga yuborilishi shart.
Ilova va tezislar Word formatida yuborilishi kerak - birinchi muallifning ismi ko‘rsatilgan fayllar, masalan: “Azizov.tezis.doc”. Maktubning mavzusi: “Konferensiya”.
Barcha ishlar antiplagiat tekshiruvidan o‘tkaziladi. Formatlash talablariga javob bermaydigan materiallar tahririyat tomonidan rad etiladi.
Arizalar 2023-yil 1-oktabrga qadar quyidagi elektron pochta orqali qabul qilinadi:
Этот адрес электронной почты защищён от спам-ботов. У вас должен быть включен JavaScript для просмотра.
Этот адрес электронной почты защищён от спам-ботов. У вас должен быть включен JavaScript для просмотра.
Telegram raqami: +998 91 033 80 81
Konferensiya tili: oʻzbek, ingliz va rus.
namuna
Xalqaro ilmiy-amaliy konferensiya ishtirokchisidan
ARIZA
“ShHT mamlakatlarida barqaror turizm va madaniy meros sohasini rivojlantirish istiqbollari”
(Samarqand, 2023-yil 20-oktabr)
Familiya, ism, otasining ismi (to‘liq) |
Lavozim |
Institutning nomi |
Institutning manzili |
Ilmiy darajasi, ilmiy unvoni |
Elektron pochta manzili: |
Ishtirok etish shakli: Materiallarni nashr etish Materiallarni taqdim etish/nashr etish Delegat sifatida qatnashish (shaxsan yoki onlayn) |
Tezis matnlarini rasmiylashtirishga qo‘yiladigan talablar:
- tezislar matnlari Times New Roman shriftida, 14 o‘lchamda, 1,5 intervalda, 5-10 bet hajmda yozilishi va tahrir qilinishi;
- avtoreferat mavzusi tepasida muallifning ismi-sharifi, unvoni, lavozimi, ilmiy darajasi va unvoni, ish joyi, telefon raqami va elektron pochta manzili to‘liq ko‘rsatilishi kerak;
- mavzudan keyin konspekt, uchta tilda (o‘zbek, rus, ingliz) kalit so‘zlar va to‘liq mazmuni yoziladi;
- avtoreferat oxirida alohida ilmiy, nazariy va amaliy ahamiyatga ega bo‘lgan taklif va tavsiyalar berilishi kerak;
- matnni joylashtirishda sahifa chegaralari o‘rnatiladi: tepadan 2,5 sm, pastdan 2,5 sm, o‘ngdan 2,5 sm, chapdan 2,5 sm;
- tezislar matni 1 nusxada qog‘ozda va elektron shaklda “Microsoft Word 2003, 2007” formatida taqdim etiladi;
- referat matni mavzuga oid nazariy masalalarni amaliy yechimlari bilan bir qatorda qamrab olishi kerak.
Muallif to‘lovi: Konferensiyani tashkil etish va to‘plamni nashr etish bilan bog‘liq xarajatlarni qoplash uchun har bir maqola sahifasi uchun 20 000 so‘m.
Muddat: Maqolalar 2023-yil 1-oktabrgacha qabul qilinadi va chop etiladi.
TEZIS MAVZUSI
Muallifning ismi (to‘liq)
Ish joyi
Ilmiy daraja va lavozimi
Telefon raqami va elektron pochtasi
Kirish. Matn, matn, matn.
Maqsad. Matn, matn, matn.
Materiallar va usullar. Matn, matn, matn.
Natijalar. Matn, matn, matn.
Xulosa. Matn, matn, matn.
Foydalanilgan adabiyotlar ro‘yxati
Tashkiliy qo‘mita manzili:
O‘zbekiston Respublikasi, 140104, Samarqand, Universitet xiyoboni, 17
Mas’ul shaxslar:
Eltazarov Jo‘liboy Danaboyevich – “Ipak yo‘li” turizm va madaniy meros xalqaro universiteti Birinchi prorektori;
Mansurova Nargiza Shamsidinovna – universitet Ilmiy-tadqiqotlar bo‘limi boshlig‘i;
Samariddinov Sardor O‘ktam o‘g‘li – universitet Xalqaro aloqalar bo‘limi boshlig‘i;
Sidikova Mastura Xakberdievna - Tarix va madaniy meros kafedrasi mudiri;
Odilov Akmaljon Odilovich – Turizm menejmenti kafedrasi mudiri.
Murojat uchun tel: +998 66 240 67 85; +998 91 033 80 81;
Sizlarni anjumanda ko‘rishdan xursand bo‘lamiz!
Tashkiliy qo‘mita.
140104, O’zbekiston Respublikasi, Samarqand shahri, Universitet xiyoboni, 17
dummy+99866 240-67-68
dummy info@univ-silkroad.uz