Samarqand turizm va madaniy meros texnikumi o‘quvchilari uchun ingliz tili dars mashg‘ulotlari Oliy ta’lim muassasalari xorijiy tili professor-o‘qituvchilari tomonidan muntazam ravishda olib borilmoqda, jumladan, 2023-yil 12-iyun kuni “Ipak yo‘li” turizm va madaniy meros xalqaro universiteti o‘qituvchisi Xudayorova Safura To‘lqin qizi texnikum o‘quvchilari uchun dars mashg‘ulotlarini olib bordi.

Joriy yilning 14-iyun kuni universitetimiz talabalari qiziqarli “Zakovat” intellektual o‘yinida ishtirok etib, o‘z iqtidorlari va intellektual qobiliyatlarini namoyish etdilar. Tadbir yoshlar oyligi doirasida Yoshlar markazida tashkil etilib, turli ta’lim muassasalaridan ko‘plab ishtirokchilar ishtirok etishdi.

“Zakovat” - bu nafaqat ishtirokchilarning bilimini, balki ularning mantiqiy fikrlashi, jamoaviy ishlashi va tezkor qaror qabul qilish qobiliyatini ham sinovdan o‘tkazadigan o‘yin. Talabalar bilimdonligi va jamoada ishlash qobiliyatlari bilan qiyinchiliklarni yengib, yuqori natijalarga erishdilar.

2023-yil 14-iyun kuni “Ipak yo‘li” turizm va madaniy meros xalqaro universiteti xotin-qizlar Kengashi raisi M.Abbasova hamda Axbarot resurs markazi yetakchi mutaxassislari A.Izbasarova va S.Samiyevlar tomonidan “Men Malalaman” kitobining taqdimoti o‘tkazildi. Ushbu asar talabalarda katta qiziqish uyg‘otdi.

Asar “23,5 burchak ostida” (https://t.me/burchakostida) loyihasi doirasida ilk bora o‘zbek tiliga tarjima qilindi. Asar nobel mukofoti laureati, 24 yashar pokistonlik Malala Yusufzoy tomonidan yozilgan bo‘lib, muallif bu asarda o‘z mamlakatidagi qizlar ta’limiga nisbatan to‘sqinliklar, ayollar huquqining poymol bo‘lishi haqida yozadi. Bir qancha qiyinchiliklar tug‘ilishiga qaramay, ilm olish hamda o‘zining va boshqalarning huquqlarini himoya qilishdan chekinmagan Malala ko‘plab yoshlarga o‘rnak bo‘ladi.

Asar talaba yoshlar o‘rtasida muhokamaga sabab bo‘ldi. Bundan xulosa qilish mumkinki, xotin-qizlarimiz yurtimizdagi tinchlik va osoyishta hayotda ta’lim olishi va yashashi uchun qancha imkoniyalar borligini his qilib shukronalik tuyg‘usi bilan yashashni o‘rganadi.

Shu kunlarda “Ipak yo‘li” turizm va madaniy meros xalqaro universiteti talabalari o‘quv yili davomida o‘tgan fanlari bo‘yicha yakuniy imtihonlarini topshirishmoqda. Oliygohning “Tarix va madaniy meros” kafedrasi o‘qituvchisi, mohir pedagog Kamol Mustaev “Madaniyatlar chorrahasi, madaniyatlararo muloqot“ fanidan “Turizm menejmenti” fakultetining 1-bosqich 122 va 222-guruh talabalarini ingliz tilida sinovdan o‘tkazdi.

Shuningdek universitetning turkiyalik o‘qituvchisi Hasan Safo Tursun ham  “Cost accounting” fanidan 3-bosqich talabalarini og‘zaki tarzda sinovdan o‘tkazdi.

30-iyun Yoshlar kuni munosabati bilan “Yoshlar oyligi” doirasida “Ipak yo‘li” turizm va madaniy meros xalqaro universitetitida ZAKOVAT QUIZ intellektual o‘yinlari tashkil etildi.

O‘yin natijalariga ko‘ra;

1-o‘rin - “MONOPOLIYA” jamoasi;

2-o‘rin - “URFON” jamoasi;

3-o‘rin - “UTOPIYA” jamoalari egalladi.

G‘olib jamoalarga kitoblar jamlanmalari topshirildi.

G‘olib jamoalarni qutlab qolamiz!

Bilim va tafakkurimiz - shu el uchun, shu yurt uchun!

30-iyun Yoshlar kuni munosabati bilan “Yoshlar oyligi” doirasida “Ipak yo‘li” turizm va madaniy meros xalqaro universitetitida Kiber Sport bo‘yicha universitet kubogi tashkil etildi. O‘yinda 10ta jamoa ishtirok etdi.

G‘olib jamoalar:

• ASSASSINS
• INVISIBLE
• LOGISTICS