Bugun 9-fevral ulug‘ o‘zbek shoiri, mutafakkir va davlat arbobi 1441-yil Hirot shahrida tavallud topgan bobokalonimiz tavalludining 583 yilligi keng nishonlanmoqda.

Bugun ertalabdan Samarqand viloyati jamoatchiligi xususan “Ipak yo‘li” turizm va madaniy meros xalqaro universiteti professor-o‘qituvchilari, talabalar Alisher Navoiy nomli markaziy istirohat bog‘ida o‘rnatilgan Navoiy bobomizga haykali poyiga gulchambar qo‘yilib hurmat, ehtirom ko‘rsatildi.

Tadbirda Hazrat Navoiy asarlari dunyo xalqlarining bebaho ma’naviy merosiga aylangani qayd etildi. Turli tillarda g‘azal va ruboiylaridan namunalar o‘qildi. Musiqali drama teatr san’atkorlari tomonidan Navoiy siymosi aks ettirilgan sahna ko‘rinishlari namoyish etildi.

Joriy yilning Sentabr oyidan boshlab bir semester muddatga Wakayama universiteti tomonidan bepul o‘qish uchun “Ipak yo‘li” turizm va madaniy meros xalqaro universitetidan 2 nafar talabalar uchun kvotalar achratildi. Ushbu dasturga universitetning sentabr oyida 2 yoki 3-bosqichga o‘tgan talabalar hujjat topshirishlari mumkin.

Nomzodlar suhbat asosida tanlab olinadi

IELTS 6.0 (yoki undan yuqori) til bilish sertikatiga ega bo‘lgan talabalar ro‘yxatdan o‘tishlari mumkin. Ro‘yxatdan o‘tish tartibi va batafsil ma’lumotlar uchun Xalqaro hamkorlik bo‘limiga (204-xona) murojaat etishingiz mumkin. 

         “El-yurt umidi” jamgʻarmasi tomonidan joriy yilning 8-fevral kuni soat 15.00 da taʼlim muassasalari bitiruvchi bosqich talabalari hamda oʻquvchilari shuningdek, professor-oʻqituvchilari uchun “Ispaniya universitetlarida bakalavriat, magistratura va doktoranturada tahsil olish imkoniyatlari” mavzusida zoom platformasi orqali onlayn vebinar tashkil etiladi.

         Mazkur vebinarda ishtirok etish uchun ingliz tilida soʻzlasha oladigan va kelgusida Ispaniya universitetlarida taʼlim olish hamda ilmiy izlanish olib borishni rejalashtirgan bitiruvchi bosqich talabalari hamda ilmiy xodimlar uchun tashkillashtirilgan. Iltimos ushbu vebinarda qatnashmoqchi bo‘lgan talabalar universitetimiz professor-oʻqituvchilarning dars jarayonlariga halal bermagan holda ishtirok etishlari mumkin.

 Konferetsiya identifikatora: 883 7854 1580

 Kirish kodi: 2024

Universitetimizning to'rtinchi bosqich Mar-220 guruhi talabasi Javoxir Matnazarov o'zining ajoyib qobiliyati va universitetimiz tomonidan taqdim etilgan imkoniyatlar natijasida  IELTS imtihonini imtiyozli ravishda topshirish imkoniyatiga ega bo‘ldi.

-“Men avvalo, talabalar uchun ko'plab imkoniyatlar yaratgani uchun universitetimiz rahbariyatiga va professor-o‘qituvchilariga  o'z minnatdorchiligimni bildiraman. Menga berilgan imtiyoz natijasida  IELTS imtihonini topshirish imkoniyatiga ega bo‘lganimdan juda xursandman.Ushbu imkoniyat mening maqsadlarimga erishish va o‘z soham bo‘yicha tajriba almashishda muhim rol o‘ynaydi”,-deydi Javoxir Matnazarov.

Albatta Javohir kabi shijoatli va talabchan talabalarimiz borligidan faxrlanamiz.  Ushbu tanlovda o'z bilim va iqtidorini namoyish etgan barcha ishtirokchilarga hamkorlarimiz IDP IELTS va Edu Action MCHJlariga  ushbu tanlovni o‘tkazishda yorlam berganligi uchun o‘z minnatdorchilik bildirib qolamiz.

Joriy yilning 7 fevral kuni “Ipak yo‘li” turizm va madaniy meros xalqaro universitetida 11-fevral “Ilm-fan sohasidagi ayollar va qizlar xalqaro kuni” oldidan “XXI-asr ilm-vani va ta’lim sohasida ayollar; yutuq va muammolar” mavzuida uchrashuv tashkil qilindi. Tadbirda universitetimizda faoliyat yuritib kelayotgan xotin-qizlardan iborat professor-o‘qituvchilar, bo‘lim boshliqlari va magistratura bosqichi talabalari ishtirok etdi.

Dastlab uchrashuvda so‘z olgan universitet xotin-qizlar qo‘mitasi raisi M.Abbasova keyingi yillarda xotin-qizlarning jamiyatning barcha jabhalari qatori ilm-fan yo‘nalishida ham faol ekanligi, bu borada  oliygohimizdagi barcha ayollar ham boshqalarga o‘rnak bo‘lib kelayotganligi xususida gapirdi.  Shundan so‘ng tadbirda Yoshlar bilan mahallabay ishlash va tadbirlar bo‘limi boshligi
N. Abduvohidova so‘z olib universitetda ilm-fan sohasida faoliyat olib borayotgan xotin-qizlarni ijtimoiy himoyalash maqsadida amalga oshirilgan ishlar xususida gapirdi. Ta’kidlandiki, o‘tgan yilda universittetimiz bo‘yicha 20 nafarga xotin-qizlarga amaliy yordam ko‘rsatildi. Bundan tashqari ko‘plab talabalar qizlarning ijara xonadonlariga, yashash uylariga tashrif buyurildi. Shuningdek tadbirda universitet Madaniy meros kafedrasi mudiri M. Xaqberidieva xotin-qizlarning ilm-fan yo‘nalishidagi faoliyati xususida, universitet psixilogi D.Turdieva ayrim talaba-qizlar bilan yaqindan suhbat qilish va ularga  psixologik yordam ko‘rsatish kabi mavzular yuzasidan o‘z-fikrlarini bildirdi.

Qizg‘in davra suhbati tarzida o‘tgan tadbirda universitet xotin-qizlar qo‘mitasi oliygohimizning barcha ilm-fan yo‘nalishida faoliyat olib borayotgan xotin-qizlarini har tomonlama qo‘llab-quvvatlashi va buning uchun bor kuch, g‘ayratini ishga solishi xususida gapirdi.  

Joriy yilning 06-fevral kuni Bolgariyaning Sofia shahridagi Milliy va Jahon Iqtisodiyoti Universiteti (UNWE) rektori Dimitr Dimitrov boshchiligidagi delegatsiya a’zolari universitetimizga tashrif buyurdi.

Faxriy mehmonlar va univesitetning o‘quv ishlari bo‘yicha prorektori prof. J.Hoffman va Ilmiy va innovatsiya ishlari bo‘yicha prorektori prof. T.Zou o‘rtasida uchrashuv tashkil etildi.

Uchrashuv davomida mehmonlarga universitetda yaratilgan sharoitlar, xorijiy standartlar asosida olib borilayotgan o‘quv tizimi xususida batafsil ma’lumot berildi.

O‘zaro muloqot davomida Bolgariyaning Sofia shahridagi Milliy va Jahon Iqtisodiyoti Universiteti (UNWE) rektori Dimitr Dimitrovga universitetimizning doktorantura bosqichida tahsil olishni istagan taqdiqotchilar uchun amalga oshirilayotgan loyihalarda hamkorlik o‘rnatish taklifi bildirildi va ushbu tashabbus qo‘llab-quvvatlandi.

Ma’lumot uchun: Sofia shahridagi Milliy va Jahon Iqtisodiyoti Universiteti (UNWE) Bolgariya va Janubi-Sharqiy Yevropadagi eng yirik oliy iqtisodiyot ta’lim muassasasi hisoblanadi va 100 yillik tarixga ega. Universitetda 43 ta bakalavr darajasidagi mutaxassisliklar va 108 magistratura mutaxassisliklari mavjud. Jami talabalar soni 21000 nafardan ziyod. 

Uchrashuv yakunida mehmonlar Turizm Akademiyasiga ham tashrif buyurishdi va ushbu yirik loyiha turizm sohasida mutaxassislar tayyorlashda muhim ahamiyat kasb etishi xususida aytildi.

2024-yil 3-fevral kuni “Ipak yo‘li” turizm va madaniy meros xalqaro universiteti qoshidagi iqtisodiyot fanlari bo‘yicha ilmiy darajalar beruvchi DSc.33/01.02.2022.I.145.01 raqamli Ilmiy kengash huzuridagi Ilmiy seminarda universitet mustaqil izlanuvchisi To‘xtamishov Aziz Qahramonovichning PhD ilmiy darajasini olish uchun yozilgan “Turizm sohasining innovatsion rivojlanishida klaster yondashuvining iqtisodiy mexanizmini takomillashtirish” mavzusidagi dissertatsiya ishi muhokamasi bo‘lib o‘tdi. Ilmiy seminar dovomida tadqiqotchining klasterli yondashuv asosida turizm sohasini innovatsion rivojlantirish mexanizmini takomillashtirish bo‘yicha ilmiy asoslangan taklif va tavsiyalari muhokama qilindi. Ilmiy seminar a’zolari tomonidan tadqiqotchining dissertatsiya ishi ilmiy yangiliklari yetarli darajada asoslanganligi hamda ushbu dissertatsiya ishi O‘zbekiston Respublikasi Oliy ta’lim, fan va innovatsiyalar vazirligi huzuridagi Oliy attestatsiya komissiyasining talablariga to‘liq javob berishi ta’kidlandi hamda dissertatsiya ishi Ilmiy kengashda himoyaga tavsiya etildi.

Shu kunning o‘zida Termiz davlat universiteti muztaqil tadqiqotchisi Xamzayeva Dilfuza Samarovnaning 08.00.17-“Turizm va mehmonxona faoliyati” ixtisosligi bo‘yicha iqtisodiyot fanlari bo‘yicha falsafa doktori (PhD) ilmiy darajasini olish uchun yozilgan “Turistik mahsulotlarni diversifikatsiyalash va mavsumiylashtirishning ustuvor yo‘nalishlari” mavzusidagi dissertatsiya ishi muhokamasi ham bo‘lib o‘tdi.

Ilmiy seminar davomida turistik mahsulotlarni diversifikatsiyalash bilan bogʻlik tushunchalarning ijtimoiy-iqtisodiy mohiyatini tahlil etish va nazariy qarashlarni tizimlashtirish, turistik mahsulotlarni diversifikatsiyalash va mavsumiylashtirishning xususiyatlarini tadqiq etish, turistik mahsulotlarni diversifikatsiyalash va mavsumiylashtirishning jahon tajribasi va undan Oʻzbekistondan foydalanish imkoniyatlarini aniqlash, hududlarda turizm sohasining rivojlanish holati va tendensiyalarini tahlil qilish, mamlakatimiz turizm sohasida mavsumiylashtirishning iqtisodiy koʻrsatkichlarini  tahlil qilish, turistik mahsulotlarni diversifikatsiyalash va mavsumiylashtirishning ustuvor yoʻnalishlarini ishlab chiqish kabi ustuvor vazifalar muhokama qilindi. Ilmiy seminar a’zolari tomonidan tadqiqot davomida ilmiy izlanuvchi tomonidan yo‘l qo‘yilgan xato va kamchiliklar ko‘rsatib o‘tildi hamda ko‘rsatilgan kamchiliklarni bartaraf etish uchun tavsiyalar berildi hamda ushbu kamchiliklar dissertatsiya ishining asosiy himoyasiga qadar bartaraf etishi lozimligi ta’kidlab o‘tildi.

O‘zbekiston Respublikasi Prezidentining 2023-yil 11-sentabrdagi “O‘zbekiston — 2030” strategiyasi to‘g‘risida”gi Farmonida davlatimiz rahbari jamiyatimizdagi barcha sohalarni qamrab olgan holda ushbu muhim hujjatni qabul qildi. Ushbu hujjat haqiqiy ma’noda mamlakatimizning ijtimoiy-iqtisodiy yo‘nalishlarini belgilab berganligi bilan ahamiyatli bo‘ldi.

-  Men ko‘p yillik proffesor-o‘qituvchi sifatida ushbu farmonni diqqat bilan o‘qib chiqdim va O‘zbekistonning 2030-yilgacha bo‘lgan strategik qadamlari yuzasidan to‘liq ma’lumotlarga ega bo‘ldim, - deydi “Ipak yo‘li” turizm va madaniy meros xalqaro universiteti birinchi prorektori, professor J.Eltazarov.

Ushbu “O‘zbekiston — 2030” strategiyasida ta’lim yo‘nalishi xususan oliy ta’limning keyingi rivojlanish bosqichi uchun alohida bo‘lim ajratilgan. Unda ilmiy tashkilot va ta’lim muassasalari kesimida akkreditatsiyadan o‘tgan ixtisosliklar bo‘yicha oliy ta’limdan keyingi ta’lim institutlarining samaradorlik ko‘rsatkichlarini oshirishi lozimligi aytilgan. 2018-yilda Muxtaram Prezidentimiz tashabbusi bilan tashkil qilingan “Ipak yo‘li” turizm va madaniy meros xalqaro universiteti O‘zbekiston Respublikasi Vazirlar Mahkamasining 2019-yil 7-iyundagi 470-son qarori bilan tasdiqlangan “Davlat ta’lim muassasalari hamda nodavlat ta’lim tashkilotlarini attestatsiyadan va davlat akkreditatsiyasidan o‘tkazish tartibi to‘g‘risida”gi Nizomi asosida milliy sertifikatga ega bo‘ldi. Endigi maqsad kelgusida xalqaro attestatsiyadan va akkreditatsiyadan o‘tgan holda dunyodagi Top mingtalik universitetlar qatoriga kirishdan iborat. Hozirda universitetimizda bu borada barcha tashkiliy ishlar amalga oshirilmoqda.

Bundan tashqari yana bir muhim masala.

O‘zbekiston Respublikasi Prezidentining “Xorijiy davlatlarda O‘zbekiston tarixi va madaniyati, o‘zbek tili va adabiyotini o‘rganishni keng targ‘ib qilish orqali turistlar oqimini ko‘paytirish hamda mamlakatimiz nufuzini yanada oshirishga doir qo‘shimcha chora-tadbirlar to‘g‘risida” 2024-yil 12-yanvardagi PQ-19-son qarori 1-ilovasiga muvofiq tasdiqlangan “O‘zbekiston tarixi va madaniyati, o‘zbek tili va adabiyotini o‘rganishni xorijiy davlatlarda keng targ‘ib qilish bo‘yicha chora-tadbirlar” Dasturining 11-bandida 2024-yil fevral oyiga qadar Alisher Navoiy nomidagi Toshkent davlat o‘zbek tili va adabiyoti universitetining markazlarini hamda “Ipak yo‘li” turizm va madaniy meros xalqaro universitetining “O‘zbekshunoslik” (“Uzbek Studies”) kafedralarda xorijiy mamlakatlarning yetakchi universitetlari bilan hamkorlikda ilmiy-tadqiqot va ta’lim dasturlarini kuchaytirish uchun qisqa intensiv ma’ruzalar tashkil qilish, qo‘shma tadqiqotlar o‘tkazish yosh tadqiqotchilarga o‘qish va tadqiqot olib borish imkoniyatini taqdim etish vazifasi qo‘yilgan.

Shuningdek, yurtimizning boy ilmiy, tarixiy, madaniy va ma’naviy merosini o‘rganishga qiziqish yuqori bo‘lgan xorijiy ta’lim va ilmiy tashkilotlarda “Ipak yo‘li” turizm va madaniy meros xalqaro universitetining “O‘zbekshunoslik” (“Uzbek Studies”) kafedralari faoliyatini tashkil etish belgilanganligini ko‘rish mumkin. Umuman olganda bugungi kunda davlatimiz rahbari tomonidan ilgari surilayotgan ushbu ayni vaqtidagi farmon va qarorlarning ijrosi natijasida barcha sohalarda juda katta islohatlar izchilligi ta’minlanib, xalqimizning ijtimoiy-iqtisodiy hayotidagi o‘zgarishlarga bosh omil bo‘lib xizmat qiladi.

Jo‘liboy Eltazarov

“Ipak yo‘li” turizm va madaniy meros xalqaro
universiteti Birinchi prorektori, professor