“Turizm menejmenti” kafedrasi o‘qituvchisi Muxammadieva Nodira talabalarga amaliy dars tashkil qilish maqsadida “Business Portfolio” mavzusida tajribali tadbirkor Xurshid To‘rayev ishtirokida  biznes trening tashkil qildi. Bu treningda tadbirkor biznesni tashkil qilishishda o‘z tajribalari bilan o‘rtoqlashdi. Dastur so‘ngida talabalar o‘zlarini qiziqtirgan savollariga javob topishdi. Tadbirkor Xurshid To‘rayev intiluvchan talabalarimizga birga ishlash taklifini ham bildirdi.

“Ipak yo’li” turizm va madaniy meros xalqaro universiteti Birinchi prorektori J.Eltazarov boshchiligidagi universitet vakillari O‘zbekiston Respublikasi Prezidentining 26.04.2023-yildagi 135-sonli qarori ijrosi doirasida Buxoro davlat universitetida 7-8 oktabr kunlari o‘tkazilayotgan “Turizm ta’limi beruvchi oliy ta’lim muassasalari rektorlari forumi”da ishtirok etishdi.

Forum davomida mehmonlar Buxoro davlat universitetida professor-o`qituvchilari hamda talabalar uchun yaratilgan shart-sharoitlar va oliygohda olib borilayotgan yangiliklar bilan tanishishdi.

Shuningdek tadbir ishtirokchilari talabalar turar joyida yaratilgan shart-sharoitlar ularlarning bo`sh vaqtini mazmunli o`tkazish uchun tashkil etilgan "Besh tashabbus" xonalari, “Zakovat” burchagi, "My office" kovorking markazini ko`zdan kechirishdi. Mehmonlar universitetning 500 ming adabiyot sig‘imiga ega Axborot resurs markaziga tashrif buyurib, o`quv zallari, har-bir foydalanuvchiga istalgan axborot resursdan foydalanish imkoniyatlari bilan yaqindan tanishishdi. "Biznes Akselerator" hamda uning tarkibidagi Robotexnika markazi faoliyatini o`rganish bilan birga, Buxoro Davlat universitetdagi Uniwork tizimi haqida  ma'lumotlarga ega bo`lishdi.

Forumning so’ngi kunida Buxoro viloyati, Romitan tumanida joylashgan “BUKHARA DESERT OASIS & SPA” turizm klasteriga tashrif buyurib, klasterda yaratilgan sharoitlar bilan yaqindan tanishishdi.

Forum yakunida bildirilgan takliflar asosida rezolyutsiya qabul qilinishiga kelishib olindi.

Joriy yilning 5-oktabr kuni “Ipak yo‘li” turizm va madaniy meros xalqaro universiteti Birinchi prorektori J.Eltazarov hamda yoshlar siyosati va mahallabay ishlash bo‘limining xodimlari Samarqand shahridagi “Furqat” mahallasida bo‘lib, bu yerdagi  ijtimoiy- ma’naviy muhitni o‘rgandi. “Mahalla beshligi” va mahalla ahli vakillari bilan bo‘lgan uchrashuvlarlarda  OTMlar bilan birgalikda amalga oshirilishi lozim bo‘lgan ishlarni va aholini turmush farovonligini, mahallaga tegishli ko‘cha va xiyobonlarni obodonlashtirish va tartibga keltirish bo‘yicha  vazifalar muhokama qilindi.

Bugungi kunda ushbu mahallada turli millat vakillari istiqomat qilishi bilan birga, aksariyati ziyoli oilalar hisoblandi. Shu bois bu yerda ijtimoiy va ma’naviy muhit ancha namunali. Uchrashuv davomida mahalla raisi, hokim yordamchisi va profilatika inspektori bilan yaqindan muloqot o‘tkazilib, “Temir daftar”, “Ayollar daftari”, “Yoshlar daftari” hamda ijtimoiy reestrga kiritilgan fuqarolar muammolari bo‘yicha ishlash xususida amaliy tavsiyalar berildi.

Joriy yilning 26-29-sentabr kunlari “Ipak yo‘li” turizm va madaniy meros xalqaro universiteti Birinchi prorektori, prof. J.Eltazarov Xitoy Xalq Respublikasining Shandung provinsiyasi Chufu shahrida tashkil etilgan “2023-Nishan ananaviy tamaddunlar forumi va Konfutsiyni xotirlash marosimi” da ishtirok etdi. Ushbu nufuzli forumda prof. J.Eltazarov “Markaziy Osiyodagi qadimgi Turkiy tamaddun va uning eski Xitoy  tamadduni bilan aloqasi” mavzusida ma’ruza qildi. Shandong viloyati ma’muriyatining taklifiga ko‘ra anjumanda maxsus ma’ruza bilan chiqish qilgan notiqning qadimgi Turklar va Xitoy tamadduni o‘rtasidagi o‘zaro munosabatlarga oid muhim tarixiy voqealarni xronologik  tadqiq va tahlil qilishga asoslangan ma’ruzasi anjuman ishtirokchilarida  katta qiziqish uyg‘otdi.

Forum mobaynida turli mamlakatlardan kelgan madaniyat turizmi hamda oliy ta’lim muassasalari vakillari bilan so‘zlashuv hamda muloqotlar amalga oshirildi.

Rus adabiyotini chuqurroq o‘rganishni istagan “Ipak yo‘li” turizm va madaniy meros xalqaro universiteti talabalari uchun!

Klubimizga xush kelibsiz! Sizni har oyning 2 va 4-haftasining dushanba kunlarida soat 14:30 da kutamiz.

So‘zlashuv tili: rus

Murojaat uchun klub a’zosi: @dilfuza_davronovna

Koreys tili va madaniyatini o‘rganishni xohlovchi “Ipak yo‘li” turizm va madaniy meros xalqaro universiteti talabalari diqqatiga!

Sizni har oyning 1- va 3- haftasining seshanba kuni soat 14:30 da Korean Speaking Club to‘garagiga taklif qilamiz.

Telegram havolasi: undefined

206-xona

☎️ 66) 240-67-83

Oʻzbekiston Respublikasi Oliy ta’lim, fan va innovatsiyalar vazirligi huzuridagi Bilim va malakalarni baholash agentligining  https://my.uzbmb.uz/ platformasi orqali ro‘yxatdan o‘tgan va o‘tkazilgan test sinovlarida minimal saralash ball (56,7)ni to‘plagan, biroq to‘lov-kontrakt asosida talabalikka tavsiya etish chizig‘i chegarasigacha yetarli ball to‘play olmagan abituriyentlarni universitet qabul kvotasi doirasida bo‘sh qolgan o‘rinlarga ballar ketma-ketligiga qatʼiy rioya qilingan holda to‘lov-kontrakt asosida talabalikka tavsiya etamiz.

(Oʻzbekiston Respublikasi Oliy ta’lim, fan va innovatsiyalar vazirligi huzuridagi Bilim va malakalarni baholash agentligining  platformasida ro‘yxatdan o‘tishda o‘zining tanlovi sifatida “Ipak yoʻli” turizm va madaniy meros xalqaro universitetini ko‘rsatgan bo‘lishi shart)

Abituriyentlar tomonidan murojaat etishning soʻnggi muddati 2023-yil 1-noyabr.

Qo'shimcha ma'lumotlar uchun quyidagi telefon raqamlariga murojaat qiling:

+998662406770

+998662408616

+998662406786

+998662408606

“Ipak yoʻli” turizm va madaniy meros xalqaro universitetini tanlab, Siz ishonchli kelajakni tanlaysiz!!!

Siz dunyodagi eng go‘zal tillardan birini o‘rganishni xohlaysizmi? Mamnuniyat bilan sizga «Parlons français» to‘garagining ochilishi haqida e’lon qilamiz! To‘garagamizda siz o‘zingiz uchun fransuz tili og‘zaki nutqining yangi jabhalarini o‘rganib, o‘z ko‘nikmalaringizni boshqalar bilan bo‘lishish imkoniyatiga ega bo‘lasiz!                       

To‘garak o‘z faoliyatini 2 haftada bir marta, dushanba kunlari soat 11.00 da 241-xonada olib boradi!

9-oktabr kuni to‘garak faoliyatining shu o‘quv yilidagi birinchi ochiq darsi!

Barcha qiziquvchilarni to‘garakka taklif qilamiz!

https://t.me/+_AhKoWy8lbE5YWYy