“El-yurt umidi” jamg'armasining 226 o'ringa mo'ljallangan 2022-yildagi 3-stipendiya tanlovida "Ipak yo'li" tuizm va madaniy meros xalqaro universiteti "Turizm menejmenti" kafedrasi o'qituvchisi Sanjar Jumanazarov jamg'arma stipendiyasi sohibi bo'ldi! Ushbu grant S.Jumanazarovga Buyuk Britanitada 3 yil davomida Turizm sohasi bo'ycha doktoranturani (PhD)yakunlab kelish imkoniyatini beradi.

Festivalda universitet talabalari guruhlari tomonidan turli millat madaniyati va san’ati aks etgan sahna ko‘rinishlari, taqdimotlari namoyish etildi. Namoyish etilgan har bir sahna ko‘rinishi tomoshabinlar qalbida unutilmas taassurotlar qoldirdi. Talabalar o‘z mahoratini nafaqat ilm-fanda, balki san’at, madaniyat sohalarida ham namoyon etdi.

Bugungi ma’naviy uyg‘onishimizning manbai bo‘lib xizmat qilayotgan o‘zbekona bag‘rikenglik, xalqimizga xos etnik, madaniy va diniy sabr-bardoshlilikning ildizlari uzoq tarixga borib taqaladi. Asrlar davomida yirik shaharlarimizda masjid, cherkov va sinagogalarning mavjud bo‘lishi, turli millat va dinga mansub qavmlarning o‘z diniy amallarini emin-erkin ado etib kelayotgani buning tasdig‘idir. Umuman olganda, turli millatlardan tashkil topgan xalqimiz tarixning eng murakkab, og‘ir damlarini yengib o‘tar ekan, o‘zaro hamjihatlik aloqalari mustaqkamlanib borgan. Og‘ir damlarda bir-biriga yordam bergan xalqlar, bir-birlarining e’tiqodlariga ham hurmat bilan yondashganlar. Yurtboshimiz ta’kidlaganlaridek, «Xalqimizning etnik, madaniy va diniy sabr-bardoshi ma’naviy Uyg‘onishning yana bir bitmas-tuganmas manbaidir. Ming yillar mobaynida Markaziy Osiyo g‘oyat xilma-xil dinlar, madaniyatlar va turmush tarzlari tutashgan va tinch-totuv yashagan markaz bo‘lib keldi. Etnik sabr-toqat, bag‘rikenglik hayot bo‘ronlaridan omon qolish va rivojlanish uchun zarur tabiiy me’yorlarga aylandi… Ayni shu zaminda ko‘p asrlar mobaynida jahon madaniyatlari dunyo miqyosida bir-birini boyitgan».

Bunday tadbirlar yoshlarning badiiy-ijodiy mahoratini namoyon etishga ko‘maklashishi bilan birga, ularda kelajagi buyuk davlat vorislariga xos istiqbolga ishonch, ilm-ma’rifat cho‘qqilariga intilish, shijoat singari fazilatlarni tarbiyalashda muhim o‘rin tutadi.

Talabalar festivali bu chinakam talabalar bayrami desak bo‘ladi. Ikki kun  davomida turli xil san’at va madaniyat sohasidagi bellashuvlar talabalarga katta zavq bag‘ishlaydi. Festival har yili 1 marotaba tashkil etilib,  umumiy hisobda ikkinchi marta o‘tkazilib kelinmoqda. Festival qamrovi yildan-yilga tobora ortib, ishtirokchilar soni esa yanada ko‘payib bormoqda.

“Ipak yo‘li” turizm va madaniy meros xalqaro universiteti mahalliy va xorijiy  magistrlari tomonidan  2022 yil 20 dekabr kuni "Xo‘ja Nasriddin" spektakli namoyish etildi.

 Xo‘sh, Xo‘ja Nasriddin Afandi o‘zi kim? Nima uchun bu insonni latifa-yu, askiyalar, kulgi-yu mutoyibalar bilan birga tilga olishadi.

Xo‘ja Nasriddin — O‘rta Osiyo va Yaqin Sharq milliy folklorining milliy qahramoni. U Xo‘ja Nasriddin haqidagi mashhur hazil va hikoyalarda asrlar davomida saqlanib kelingan xayoliy hayot tarzi bilan ajralib turadi. Ayyor chol o‘zining sodiq sherigi bo‘lgan eshak bilan shaharlarni kezib, turli xil vaziyatlarga tushadi.

Aql, donolik, notiqlik, so‘z mahorati – bular Xo‘ja Nasriddinning asosiy xususiyatlaridir. U o‘zining hikoyalarida ochko‘z hukmdorlarni, ikkiyuzlamachilarni, qo‘rqoqlarni, poraxo‘rlarni va boshqa odamlarning yomonliklarini masxara qiladi. Har qanday vaziyatdan nostandart yo‘lni topib, barmog‘ining atrofida ahmoqlarni mohirona kuzatib, u hamma joyda o‘z sarguzashtlari haqida kulgili tarzda gapirib, vaqt o‘tishi bilan keng shuhrat qozonadi.

Shunday qilib, adabiy qahramon Xo‘ja Nasriddin O‘rta Osiyoning ko‘p millatli xalqi orasida milliy qahramonga aylanadi, buni Buxoro, Turkiya va Moskvada qurilgan zamonaviy yodgorliklar tasdiqlaydi.

Namoyish etilgan spektakl  tomoshabinlar qalbida unutilmas taassurotlar qoldirdi. Magistrantlarimiz o‘z mahoratini nafaqat ilm-fanda, balki san’atda sohasida ham namoyon etishdi.

“Ipak yo‘li” turizm va madaniy meros xalqaro universiteti Xotin-qizlar kengashi raisi M.Abbasova tomonidan 2022-yil 22-dekabr kuni universitet Xotin-qizlar kengashining faollari va “Lider qizlar” klubi yetakchilari bilan kengash yig‘ilishi o‘tkazdi.

Yig‘ilishda 20-dekabr kuni O‘zbekiston Respublikasi Prezidentining Parlamentga Murojaatnomasi mazmun-mohiyati va unda ilgari surilgan tashabbuslar targ‘ibotiga bag‘ishlandi. Kengash raisi M.Abbasova so‘zga chiqib, jonajon O‘zbekistonimiz milliy rivojlanishining yangi davrida taraqqiyotimizning yangi bosqichi bo‘lgan 2022-yilda amalga oshirilgan asosiy ishlar yakuni va respublikamizning 2023-yilda ijtimoiy-iqtisodiy rivojlantirishning eng ustuvor yo‘nalishlariga bag‘ishlangan Murojaatnomasining mazmun-mohiyatiga urg‘u berdi. Mazkur mavzu yuzasidan fakultet boshlig'i R.Toshniyozova so'zga chiqib,  yig’ilish ishtirokchilarining e’tiborini Prezidentning Murojaatnomasida asosiy va eng katta investisiya bo‘lgan ta‘limni qullab-quvvatlashga qaratilganligiga urg'u berdi.

 “Najot– ta'limda, najot – tarbiyada, najot – bilimda. Chunki, barcha ezgu maqsadlarga bilim va tarbiya tufayli erishiladi”. Ma'rifatparvar bobolarimizning bu so'zlari deputat va senatorlarimiz, siyosiy partiyalar, mahalliy kengashlar, butun davlat apparati, keng jamoatchilikning amaliy harakatiga aylanishi kerak" deyiladi Murojaatnomada. Universitetning axborot resurs markazi yetakchi mutaxassisi A.Izbasarova esa ma’rifat o‘rnini jaholat egallashiga yo‘l qo‘ymasligimiz, talaba yoshlarimiz ongida Inson qadri hamma narsadan ustunligini unutmasliklari to‘g’risida alohida to‘xtalib o‘tdi va Prezidentimiz tomonidan 2023-yilni “Insonga e‘tibor - sifatli ta‘lim yili” deb e‘lon qilinganligini to‘liq yoritib berdi. Ushbu Murojaatnoma to‘g‘risida universitetning Ilmiy tadqiqotlar bo‘limi boshlig‘i N.Mansurova o‘tgan yilda yurtimizda barqaror iqtisodiy o‘sish, eksport hajmi o‘shganligi, iqtisodiyotni, ijtimoiy sohani rivojlantirish kabi yo‘nalishlar bo‘yicha muhim vazifalar belgilab berilganligini ta‘kidlab o‘tdi.

Shuningdek, universitet psixologi D.Turdiyeva xotin-qizlarni qo‘llab-quvvatlashga va ularga psixologik yordam ko‘rsatishga doir ishlarga o‘zining  ijobiy fikr va mulohazalarini bildirdi, tyutorlar G.Husainova, M.Abduraxmonovalar ham Murojaatnomaning istiqbolli rejalari bo‘yicha tahliliy munosabat bildirishdi.

Yig‘ilish davomida videorolik va taqdimot namoyish etildi, ishtirokchilar tomonidan ko`pgina savollar berildi va takliflar ko`rib chiqildi. Ko‘rilgan masalalar yuzasidan chora-tadbirlar belgilab olindi.

Joriy yilning 12-15 dekabr kunlari “Ipak yo‘li” turizm va madaniy meros xalqaro universiteti Sportklubi va Yoshlar bilan mahallabay ishlash va tadbirlar bo‘limi bilan hamkorlikda O‘zbekiston Respublikasi Konstitutsiyasining 30-yilligiga bag‘ishlangan Universitet birinchiligi musobaqasi o‘tkazildi.

Unda 37 nafar talaba qatnashdi, musobaqa yakunida g‘oliblar va sovrindorlar aniqlandi:

1-o‘rin – Norbekov Sherbek (3-bosqich, ommaviy tadbirlar yo‘nalishi);

2-o‘rin – Mustafoev Timur (2-bosqich, media yo‘nalishi);

3-o‘rin – Rabbimkulov Oxun (3-bosqich, turizm menejmenti yo‘nalishi).

          “Ipak yo‘li” turizm va madaniy meros xalqaro universiteti Ilmiy ishlar va innovatsiyalar bo‘yicha prorektori Zou Tong Qian tomonidan universitetimiz professor o‘qituvchilari, doktorantlari mustaqil izlanuvchilari hamda talabalari uchun xalqaro jurnallarda maqolalar chop etish hamda ilmiy tadqiqot ishlarini sifatini oshirish maqsadida webinar o‘tkazildi. Webinarda Amerika Qo‘shma Shtatlari George Washington universiteti, Mehmondo‘stlik sanoati boshqaruvi hamda Biznes maktablari professori, Dr Larry Yu o‘zining Scopus va Google Scholarda indexlanuvchi Tourism Management, Journal of Travel Research, International Journal of Hospitality Management, International Journal of Contemporary Hospitality Management, Tourism Geographies, Event Management, Journal of Hospitality Marketing and Management, Journal of Heritage Tourism, Cornell Hotel and Restaurant Administration Quarterly, Journal of Hospitality and Tourism Research kabi top jurnallarda maqolalar chop etish bo‘yicha o‘zining ma’ruzasi bilan ishtirok etdi.Webinar davomida ishtirokchilar o‘zlarini qiziqtirgan ko‘plab savollarga javob olishdi.

2022-yil 13-15-dekabr sanalarida O’zbekiston Respublikasi Prezidentining 2019-yil 30-iyuldagi “Xalqaro tiklanish va taraqqiyot banki “O‘rta shaharlarni komleks rivojlantirish” loyihasini amalga oshirish chora-tadbirlar to‘g‘risida”gi PQ-4409-son qarori doirasida Investetsiyalar va tashqi savdo vazirligining loyiha amalga oshirish, xalqaro va mahalliy eksportlar guruhlari ishtirokida tashkil etilgan o‘quv seminarida “Ipak yo‘li” turizm va madaniy meros xalaqaro universiteti “Marketing va rekruiting” bo‘limi mas’ul xodimi, 2-kurs talabalari F.Bakhramkulova, Z.Bakhramkulova, N.Ahmedov hamda N.Davronovalar faol qatnashishganligi munosabati bilan maxsus seritifikat bilan taqdirlanishdi.