Administrator
“Ipak yo‘li” turizm va madaniy meros xalqaro universiteti hamda Malayziyaning UCSI xalqaro universiteti o‘rtasida anglashinuv memorandumi imzolandi
Samarqand viloyati delegatsiyasi Malayziyadagi tashrifi davomida O‘zbekistonning Malayziyadagi elchisi R. Usmanov hamrohligida QS jahon universitetlari reytingida yuqori 300 talik o‘rinda turuvchi UCSI xalqaro univesitetiga tashrif buyurdi.
Dastlab R. Usmanov tomonidan O‘zbekistondagi universitetlar hamda hukumat tomonidan rivojlangan mamlakatlarning ta’lim muassasalari bilan hamkorlikda amalga oshirilayotgan ishlar to‘g‘risida ma’lumot berildi.
UCSI universitet rektori Hamisah Binti Tapsir delegatsiyani iliq kutib olib, anglashinuv memorandum imzolashga tayyorlgini bildirdi.
“Ipak yo‘li” turizm va madaniy meros xalqaro universitetining birinchi prorektori J. Eltazarov Samarqanddagi xalqaro universitet bo‘yicha taqdimot o‘tkazdi.
Viloyat hokimi o‘rinbosari R. Qobilov UCSI xalqao universiteting Samarqandda filialini tashkil etishni taklif etdi.
Bildirilgan takliflar asosida “Ipak yo‘li” turizm va madaniy meros xalqaro universiteti hamda UCSI xalqaro universiteti o‘rtasida anglashinuv memorandum imzolandi.
Xayr, stress!
Joriy yilning 30-yanvar kuni “Ipak yo‘li” turizm va madaniy meros xalqaro universiteti psixologi Dildora Turdiyeva qishning sovuq kunlarida jamoadoshlari qalbiga iliqlik bag‘ishlash va ko‘tarinki kayfiyat ulashish maqsadida “Xayr, stress!” nomli motivatsion trening tashkil qildi.
Qiziqarli tarzda o‘tgan tadbirda zamonaviy kishi hayotining ajralmas qismiga aylanib ulgurgan stressning biz uchun ijobiy (Ajablanayapsizmi? Aslida ham shunday!) tomonlari, undan xalos bo‘lish usullari haqida gapirildi. Turli relaksatsion mashqlar, to‘g‘ri nafas olish gimnastikasi ichki zo‘riqishning oldini oluvchi, emotsional balans va xotirjamlikka eltuvchi ajoyib vosita bo‘ldi. Trening davomida o‘zaro guruhiy munosabatlarni yaxshilashga erishish, guruhda sog‘lom raqobat muhitini shakllantirish maqsadida tashkil etilgan rolli va harakatli o‘yinlar barcha ishtirokchilarga pozitiv kayfiyat ulashdi. “Qalqon” metodikasi har bir kishining ayni damdagi ruhiy holatini ochib, emotsional-hissiy sohadagi buzilishlar, aybdorlik hissini psixokorreksiya qilishda yordam berdi.
Ish unumdorligi, birinchi navbatda, insonning ruhiy holatiga bog‘liq. Zero, qalb xotirjam, ruhiyat sog‘lom bo‘lsa, qolgan barcha faoliyati samarali va ijobiy kechadi. Dildora Turdiyeva tomonidan o‘tkazilgan motivatsion trening maqsadi ham shu edi.
Joriy yilning 27 - yanvar sanasida Samarqand viloyatidagi Oliy ta’lim muassasalari talabalari o‘rtasida ananaviy tarzda o‘tkaziladigan “Universiada” sport musobaqalarining shaxmat-shashka o‘yin turi bo‘yicha saralash o‘yinlari tashkil etildi
Joriy yilning 27 - yanvar sanasida Samarqand viloyatidagi Oliy ta’lim muassasalari talabalari o‘rtasida ananaviy tarzda o‘tkaziladigan “Universiada” sport musobaqalarining shaxmat-shashka o‘yin turi bo‘yicha saralash o‘yinlari tashkil etildi.
Musobaqada ikki nafar talabamiz munosib ishtirok etdi. Shashkachi qizlar bahslarida universitet shanini himoya qilgan 4-bosqich talabasi Qodirova Onajon 3-o‘rinni, shaxmat o‘g‘il bolalar bahslarida esa universitetmizning 3-bosqich talabasi Yo‘ldoshev Shahriddin 3-o‘rini egalladi.
Sultonov Shohruh futbol bo‘yicha o‘tkazilgan jahon chempionati davrida aeraport Operation Managementda yuqori darajadagi faoliyati uchun ushbu soha bo‘yicha dunyoning eng kuchli mutaxassisi Mr Denis Blankdan maxsus sertifikatni qabul qildi
Hozirgi vaqtda dunyoda yuqori o‘rinlarda turuvchi Hamad Xalqaro Aeraportida Yuqori martabali mijozlarga xizmat ko‘rsatish agenti (Senior Customer Service Agent) sifatida amaliyot o‘tayotgan universitetimiz talabasi Sultonov Shohruh futbol bo‘yicha o‘tkazilgan jahon chempionati davrida aeraport Operation Managementda yuqori darajadagi faoliyati uchun ushbu soha bo‘yicha dunyoning eng kuchli mutaxassisi Mr Denis Blankdan maxsus sertifikatni qabul qildi.
Bu sertifikatning muhim jihati shundaki, dunyodagi eng nomdor musobaqa davrida eng muhim bo‘g‘in bo‘lgan aeraportdagi tajribani o‘zida aks ettiradi va talabamizning kelajakdagi faoliyati uchun juda muhim asos bo‘lib xizmat qiladi.
Online-seminar
Samarqand viloyat Turizm va madaniy meros bosh boshqarmasi, "Ipak yo'li" turizm va madaniy meros xalqaro universiteti rahbariyati va professor o'qituvchilari tomonidan talabalarning qishki ta'til dvrida vaqtlarini mazmunli o'tkazilishini ta'minlash maqsadida ilmiy maqola va tezislar yozish tartibi, plagiatga tekshirish metodologiyasi bo’yicha onlayn seminar-trening tashkil etilmoqda.Seminarda universitetimiz Ilmiy tadqiqotlat bo'limi boshlig'i Mansurova Nargiz Shamsidinovna, "Turizm menejmenti' kafedrasi o'qituvchisi Raximova Nilufar Aminovna hamda "Tarix va madaniy meros" kafedrasi o'qituvchisi Xushvaqtov Nodir Xakimovichlar o'zlarining ma'ruzalari bilan ishtirok etadilar.
-------------------------------------------------------------------------------------------------
“Silk Road” International University of Tourism and Cultural Heritage is inviting you to a scheduled Zoom meeting.
Topic: Online-seminar
Time: Jan 28, 2023 15:00 Islamabad, Karachi, Tashkent
Join Zoom Meeting
https://us02web.zoom.us/j/81854519900?pwd=MUhqZGx5R1B3WU9PU2l3dUtzWWw0Zz09
Meeting ID: 818 5451 9900
Passcode: 844818
2023-yil 28-fevral kuni Toshkent moliya institutida “Iqtisodiyotni raqamlashtirish va moliyaviy xavsizligni ta’minlash sharoitida biznes jarayonlarini trasformatsiyalash” mavzusida ilmiy-amaliy anjuman o’tkaziladi
Anjumanga maqola va tezislar 2023-yilning 15-fevraligacha qabul qilinadi.
Anjuman jarayonida muhokama qilinadigan yo’nalishlar:
?1- sho’’ba. Globallashuv sharoitida iqtisodiy xavfsizlikni ta’minlash va axborot muhofazasini yanada takomillashtirish;
?2- sho’’ba. Bank-moliya tizimida xavfsizlikni ta’minlash va axborot muhofazasini yanada takomillashtirish;
?3- sho’’ba. Innovatsiya va iqtisodiyotni raqamlashtirish sharoitida moliyaviy xavfsizlikni ta’minlash masalalari;
?4- sho’’ba. Iqtisodiyotni raqamlashtirish sharoitida agrar sohada transformatsiya jarayonlari: global oziq-ovqat xavfsizligini ta’minlash.
☎️Murojaat uchun: +998 97 462 25 84 (M. Umarova)
Email: Этот адрес электронной почты защищён от спам-ботов. У вас должен быть включен JavaScript для просмотра..
Qirg'iziston mintaqalarini kompleks rivojlantirish bo'yicha GIZ dasturidan Qirg'ziston Respublikasining Jalol Obod viloyatidagi davlat va nodavlat sektorlar namoyandalarining “Ipak Yo’li” turizm va madaniy meros xalqaro universitetiga tashrifi.
Dastur doirasida 2023-yil, 18-yanvar kuni Qirg'ziston Respublikasining Jalol Obod viloyatidagi davlat va nodavlat sektorlar vakillari “Ipak Yo’li” turizm va madaniy meros xalqaro universitetiga tashrif buyurishdi. Faxriy mehmonlarni universitet birinchi prorektori J.Eltazarov kutib oldi. Tashrif davomida mehmonlarga universitetning o'quv jarayoni, O'zbekiston ta'lim tizimi faoliyati haqida ma'lumot berildi. Mehmonlar o'zlarini qiziqtirgan savollarga javob oldilar. Universitetning noyob smart-kampusi, o‘quv jarayonida qo‘llanilayotgan boshqaruv modeli va ilg‘or texnologiyalar, Buyuk Ipak yo‘lining noyob tarixiy elementlariga boy unikal galereya, hamda universitetning innovatsion kutubxonasi mehmonlarda katta taassurot qoldirdi.
Xorijiy va nodavlat universitetlardan o‘qishlarini “Ipak yo‘li” turizm va madaniy meros xalqaro universitetiga ko‘chirishni istagan talabalar diqqatiga!
Xorijiy va nodavlat universitetlardan o‘qishlarini “Ipak yo‘li” turizm va madaniy meros xalqaro universitetiga ko‘chirishni istagan talabalar diqqatiga!
Agar siz o‘qishingizni zamonaviy va qulay ta’lim muhitiga ega “Ipak yo‘li” turizm va madaniy meros xalqaro universitetida davom ettirishni xohlasangiz unda bu yangilik siz uchun.
“Ipak yo‘li” turizm va madaniy meros xalqaro universiteti 2023-yilning
20-yanvardan 10-fevraliga qadar o‘qishini ko‘chirishni istagan talabalarning hujjatlarini universitetning 317-xonasida qabul qiladi.
Talaba qizlar haq-huquqlari, qadr-qimmati va sha’ni himoyada!
Joriy yilning 17-yanvar kuni «Ipak yo‘li» turizm va madaniy meros xalqaro universiteti Xotin-qizlar kengashi raisi M.Abbasova tomonidan talabalar turar-joyida istiqomat qilayotgan talaba-qizlar o‘rtasida «Talaba qizlar haq-huquqlari, qadr-qimmati va sha’ni himoyada!» mavzusida davra suhbati tashkil etildi. Tadbirda universitet psixologi D.Turdiyeva ishtirok etdi.
Ayni kunlarda talabalar turar-joylariga kelib joylashayotgan talaba-qizlarning yashash sharoitlari va yotoqxonadagi issiqlik manbalari holati o’rganildi. Ushbu o’rganish jarayonida universitet vakillari TTJda istiqomat qiluvchi talaba qizlarga havo haroratining pasayib ketishi natijasida o’z sog’liklariga e’tiborli bo’lish yuzasidan tushuntirish ishlarini olib borishdi.
Xotin-qizlar kengashi tomonidan talaba qizlar o‘rtasida doimiy ravishda o‘tkazib kelinayotgan yig‘ilishlarning bu galgi mavzusi «Talaba qizlar haq-huquqlari, qadr-qimmati va sha’ni himoyada!» deya nomlanib, O‘zbekiston Respublikasi Prezidenti Sh. Mirziyoevning Oliy Majlis va xalqqa Murojaatnomasining mazmun-mohiyatiga to’xtaldi. Ushbu mavzudagi bahs-munozara shaklida o‘tgan davra suhbati qizlarimizning o‘z o‘y-kechinmalarini bildirish imkonini berdi va ularning nechog‘lik ilg‘or, teran va mustaqil fikrli ekanligini namoyon etdi. Ular “Oila oldidagi burchimiz nimadan iborat?”, “Siz oilaviy hayotga tayyormisiz?”, “Oilada erkakning o‘rni qanday bo‘lishi kerak?”, “Oila va nikoh tushunchalariga munosabatingiz”, “Oilaviy nizolar va ularning qanday turlarini bilasiz?”, “Hiyonat va sadoqat tushunchalarini izohlang” kabi savollariga javob berishdi.
M.Abbasova, D. Turdiyeva o‘z hayotiy tajribalaridan kelib chiqib, qizlarga qimmatli maslahat va tavsiyalar berishdi. O‘z navbatida, oila atalmish qurg‘onni qadrlash, avaylash, uni muqaddas sanash, mas’uliyatli bo‘lishga chaqirishdi. Psixolog D.Turdiyeva “Orzular xaritasi” nomli ajoyib motivatsion trening o’tkazdi. Ijobiy emotsional muhitda o’tgan tadbirda qiziqarli o’yinlar, mashqlar barchaga manzur bo’ldi. Shuningdek, oila haqida to‘xtalib, uning inson hayoti, shaxs kamoloti uchun nechog‘lik muhim ekanligini psixologik jihatdan tushuntirdi.
Shuningdek, muloqot davomida talaba qizlar bilan individual tarzda suhbatlar olib borildi. Qizlarning tegishli holatlari yuzasidan fikrlari, taklif-mulohazalari tinglandi.
Mustaqil izlanuvchilikka (PhD, DSc) hujjat topshirmoqchi boʻlgan talabgorlar diqqatiga!
Mustaqil izlanuvchilikka hujjat topshirmoqchi boʻlgan talabgorlar diqqatiga. “Ipak yo‘li” turizm va madaniy meros xalqaro universiteti mustaqil izlanuvchilikka (PhD, DSc) quyidagi ixtisosliklar bo‘yicha tanlov e’lon qiladi:
- 08.00.05- Xizmat ko‘rsatish tarmoqlari iqtisodiyoti
- 08.00.11 - Maketing
- 08.00.13- Menejment
- 08.00.17- Turizm va mehmonxona faoliyati
Hujjatlar 2023-yilning 15-fevraligacha qabul qilinadi.
Mustaqil izlanuvchilikka qabul qilish jarayoni O‘zbekiston Respublikasi Vazirlar Mahkamasining “Oliy ta’limdan keyingi ta’lim tizimini yanada takomillashtirish chora-tadbirlari to‘g‘risida”gi 2017-yil 22-maydagi 304-son Qarori bilan tasdiqlangan “Oliy ta’limdan keyingi ta’limga qo‘yilgan davlat talablari” va “Oliy ta’limdan keyingi ta’lim to‘g‘risidagi Nizom”ga muvofiq amalga oshiriladi.
Falsafa doktori (PhD) ilmiy darajasini olish uchun mustaqil izlanuvchilikka o‘qishga talabgorlar quyidagi talablarga javob berishlari lozim:
- Magistr darajasi yoki oliy ma’lumot (mutaxassislik dasturlari bo‘yicha) to‘g‘risidagi diplomga ega bo‘lish;
- Ilmiy jurnallar va nashrlarda chop etilgan kamida bitta ilmiy maqolaga hamda ilmiy-amaliy konferensiyalar, seminarlarda, tegishli ilmiy yo‘nalishlar bo‘yicha ilmiy ishlar to‘plamlarida kamida ikkita tezisga ega bo‘lish;
- Xorijiy tilni bilish darajasini ko‘rsatuvchi xalqaro yoki unga tenglashtirilgan milliy darajadagi sertifikatga ega bo‘lishi;
Falsafa doktori (PhD) ilmiy darajasini olish uchun mustaqil izlanuvchi sifatida o‘qishga kirishga talabgorlar quyidagi hujjatlarni universitetning Ilmiy tadqiqotlar bo‘limiga taqdim etishlari va https://phd.mininnovation.uz/ veb-sayti orqali onlayn ro‘yxatdan o‘tishlari talab qilinadi:
1) Ariza;
2) Qisqacha biografik ma’lumotnoma (obyektivka)
3) Mehnat daftarchasining belgilangan tartibda tasdiqlangan nusxasi (ishlayotgan talabgorlar uchun);
4) Oliy ta’lim muassasasi magistraturasi diplomi, oliy ma’lumot to‘g‘risidagi diplom nusxasi, ilovalari bilan birgalikda;
5) Nashr etilgan ilmiy ishlar ro‘yxati, shuningdek ularning nusxalari (pdf);
6) Pasport nusxasi;
7) 3x4 rasm, 2 dona;
8) Taxminiy dissertatsiya mavzusi va asosnomasi;
9) Ish joyidan tavsifnoma
10) Til sertifikati
Fan doktori (DSc) ilmiy darajasini olish uchun mustaqil izlanuvchilikka talabgorlar quyidagi talablarga javob berishlari lozim.
- Falsafa doktori (PhD) diplomi yoki xorijda olingan unga tenglashtirilgan boshqa ilmiy darajalar diplomi nusxasi;
- Fan nomzodi yoki falsafa doktori (PhD) ilmiy darajasini olgandan so‘ng muhim ilmiy yutuqlarga erishish, shu jumladan, fan doktori (DSc) ilmiy darajasini olish uchun dissertatsiya tadqiqoti asosini tashkil qilishi mumkin bo‘lgan ilmiy jurnallarda chop etilgan kamida uchta ilmiy maqolaga hamda ilmiy-amaliy konferensiyalar, seminarlar va tegishli ilmiy yo‘nalishlar bo‘yicha ilmiy ishlar to‘plamlarida kamida ikkita tezisga ega bo‘lish.
Fan doktori (DSc) ilmiy darajasini olish uchun mustaqil izlanuvchi sifatida o‘qishga kirishga talabgorlar quyidagi hujjatlarni universitetning Ilmiy tadqiqotlar bo‘limiga taqdim etishlari va https://phd.mininnovation.uz/ veb-sayti orqali onlayn ro‘yxatdan o‘tishlari talab qilinadi:
1) Ariza;
2) Qisqacha biografik ma’lumotnoma (obyektivka)
3) Mehnat daftarchasining belgilangan tartibda tasdiqlangan nusxasi (ishlayotgan talabgorlar uchun);
4) Falsafa doktori (PhD) diplomi yoki xorijda olingan unga tenglashtirilgan boshqa ilmiy darajalar diplomi nusxasi;
5) Nashr etilgan ilmiy ishlar ro‘yxati, shuningdek ularning nusxalari (pdf);
6) Pasport nusxasi;
7) 3x4 rasm, 2 dona;
8) Ish joyidan tavsifnoma
9) Til sertifikati
Mustaqil izlanuvchilikka (PhD, DSc) qabul suhbat natijalari asosida amalga oshiriladi. Suhbat mutaxassislik fanidan bo‘lib o‘tadi. Imtihon kunlari to‘g‘risida qo‘shimcha e’lon beriladi.
Manzilimiz: Samarqand shahri, Universitet xiyoboni 17, “Ipak yo‘li” turizm va madaniy meros xalqaro universiteti Ilmiy tadqiqotlar bo‘limi
Murojaat uchun telefon: +998 90 603 55 23; +998 91 033 80 81
Elektron manzil: Этот адрес электронной почты защищён от спам-ботов. У вас должен быть включен JavaScript для просмотра. Этот адрес электронной почты защищён от спам-ботов. У вас должен быть включен JavaScript для просмотра.
Saytdagi yangiliklar
Aloqalar
140104, O’zbekiston Respublikasi, Samarqand shahri, Universitet xiyoboni, 17
-
dummy+99866 240-67-68
-
dummy info@univ-silkroad.uz