Joriy yilning 21-sentabr kuni universitetimizga Ukrainaning Xarkov milliy universiteti rektori Tatyana Kaganovskaya boshchiligidagi delegatsiya tashrif buyurdi, mehmonlarni universitet Birinchi prorektori, prof. J.Eltazarov kutib oldi. Dastlab mehmonlarga universitetimizda turizm va madaniy meros sohasida mutaxassislar tayyorlash borasida amalga oshirilayotgan keng ko‘lamdagi ishlar xususida to‘liq ma’lumot berildi. Shundan so‘ng ikki tomonlama hamkorlik aloqalarini yo‘lga qo‘yish orqali turizm sohasida yetuk mutaxassislarni tayyorlash borasida fikr almashildi. Shuningdek mehmonlar universitetimiz o‘quv ishlari bo‘yicha prorektori J.Hoffman bilan ham uchrashuv o‘tkazdi.

Hurmatli 1-bosqich talabalari! Aziz do‘stlar! Hayotingizda quvonchli voqea yuz berdi! Mamlakatimiz maktablarining eng iste’dodli va yorqin bitiruvchilari o‘zlarining yangi qobiliyatlarini, yangi yutuqlarni namoyish etdilar va universitetimiz talabasi bo‘lish sharafiga muyassar bo‘lishdi!

Bu katta yutuq, ulkan muvaffaqiyat va maqsadlaringizga erishish va hayotdagi orzularingizni ro‘yobga chiqarish qanchalik muhimligining namunasidir! Siz o‘zingizning aql-idrokingiz va tinimsiz mehnatingiz bilan ushbu natijaga erishdingiz.

Sizga nafaqat ilm-fan va texnologiyalarning maksimal cho‘qqilariga erishish, balki zamonaviylikning juda dolzarb va muhim muammolarini hal qilish uchun barcha iste’dodingizni saqlab, ehtirosingizni yo‘qotmasligingizni tilaymiz!

Biz bilamizki, siz qiyin o‘qish uchun barcha kerakli fazilatlarga egasiz va bu yo‘lni munosib va muvaffaqiyatli bajarish yo‘lida tinmay mehnat qilasiz. Ushbu xalqaro universitetda ta’lim olish sizlarga yangi bilim va ko‘nikmalarni beradi va natijada siz o‘z sohangizda professional mutaxassis bo‘lib yetishasiz.

Bizning universitetimizda chuqur bilim olish uchun barcha shart-sharoit va imkoniyatlar yetarli. Siz bulardan foydalanishda o‘ta qat’iyatli bo‘ling, oldinga intiling va yangi cho‘qqilarni zabt eting! Vaqt tez o‘tadi, lekin hayotning yangi qirralarini ochadigan bebaho tajribani qoldiradi. Sizga omad va omad tilaymiz!

Tanishuv haftaligi tadbirlari doirasida universitet sport klubi raisi o‘rinbosari Z.Kafiyev 1-bosqich talabalariga yoshlar o‘rtasida sog‘lom raqobat muhitini shakllantirish va ularni ommaviy sport turlariga bo‘lgan qiziqishlarini oshirish maqsadida oliygoh suzish havzasi hamda sport zalida yaratilgan sharoitlar bilan tanishtirdi. Sportga va suzishga qiziqishi bo‘lgan talabalarni universitetimizda tashkil qilingan to‘garaklarda qatnashish taklifini bildirdi va berilgan savollarga javob qaytardi.

Hurmatli universitetimiz o‘qituvchi hamda talabalari, Sizlarni joriy yilning 20-sentabr kuni soat 13:00 da Samarqand shahridagi Konsert zalida o‘tkaziladigan jazz-blyuz jam konsert dasturiga hamda xorijlik san’atkorlar ishtirokidagi uchrashuvga taklif qilamiz.

Ushbu konsert dasturida “Ipak yo‘li” xalqaro turizm va madaniy meros universitetining musiqiy jamoasi va Moskvadan taklif yetilgan musiqachilarning o‘zlari ijro etiladigan eng ajoyib taronalarini tinglaysiz.

Konsert dasturiga marhamat qiling va bir biridan ajoyib bo‘lgan kuy va qo‘shiqlardan bahramand bo‘ling

Joriy yilnig 10-14 sentabr kunlari Bishkek shahrida “MDH Ijodiy va ilmiy ziyolilari“ xalqaro forumi bo‘lib o‘tdi. Ushbu xalqaro forum yig‘ilishida, universitietimizning Yoshlar bilan mahallabay ishlash va tadbirlar bo‘limi boshlig‘i N.Abduvaxidova ishtirok etdi. Quvonarlisi, oliygohimiz bo‘lim boshlig‘i N.Abduvaxidova ushbu forumda 2024-yilda Samarqand shahriga “Hamdo‘stlik Madaniyat poytaxti”, Toshkent shahriga “Hamdo‘stlik Yoshlar poytaxti” maqomi berilgani mavzusida ma’ruza qildi va taqdimot o‘tkazdi.

Forumda bugungi kunda O‘zbekistonda madaniy-ma’rifiy sohadagi yangilanishlar, yoshlarga ko‘rsatilayotgan ulkan e’tibor va yaratilayotgan sharoitlar, imkoniyatlar yaratish borasida olib borilayotgan islohatlar xaqida batafsil ma’lumotlar berildi.

Joriy yilning 18-sentabr kuni Xitoy davlatining Shandun provinsiyasi partiya komiteti tomonidan Samarqand viloyat hokimligiga berilgan 9 tomdan iborat noyob qo‘lyozma nusxalaridan iborat kitoblar to‘plami universitetimiz kutubxonasiga topshirildi. Ushbu noyob manbalarni viloyat hokimi Erkinjon Turdimov nomidan viloyat hokimi o‘rinbosari Rustam Qobilov topshirdi. Kitoblarni universitetimiz Birinchi prorektori, prof. J.Eltazarov qabul qilib, ushbu qimmatli manbalar oliygohimiz professor-o‘qituvchilari hamda talabalar uchun zarur bilim manbai bo‘lib xizmat qilishini ta’kidladi va viloyat hokimiga o‘z minnatdorchiligini bildirdi. 

2023-yilning 7-oktabr kuni soat 10:30da “Ipak yo‘li” turizm va madaniy meros xalqaro universitetining katta anjumanlar zalida universitet huzuridagi Ilmiy darajalar beruvchi DSc.33/01.02.2022.I.145.01 raqamli Ilmiy kengashda Sharof Rashidov nomidagi Samarqand davlat universiteti tayanch doktoranti Xolbayev Shaxriyor Abdullayevichninging 08.00.17 – “Turizm va mehmonxona faoliyati” ixtisosligi bo‘yicha falsafa doktori (PhD) ilmiy darajasini olish uchun “Turizm sohasida iqtisodiy salohiyatdan foydalanish samaradorligini oshirish” mavzusidagi dissertatsiya ishi himoyasi bo‘lib o‘tadi.