Joriy yilda universitetda tahsil olayotgan 200 ga yaqin talabalar xorijiy mamlakatlardan Turkiya davlatiga - 129 nafar, Germaniya Federasiyasiga – 5 nafar, AQSHga - 2 nafar 1-3 kurs talabalari “Work & Travel” dasturi orqali yuborildi. Shuningdek, bitiruvchi talabalardan 2 nafari Janubiy Koreya va 2 nafari Italiya davlatlarida magistratura bosqichida ta’lim olmoqda.

Xalqaro va respublika miqyosidagi ma’naviy-ma’rifiy ko‘rik-tanlovlarda, olimpiadalarda, sport musobaqalarida sovrinli o‘rinlarni egallagan talabalarimiz;

“Yilning eng faol tadbirkor talabasi” nominatsiyasi bo‘yicha 1-o‘rinni 3-bosqich talabasi Bahromqulova Fotima universitet bosqichida egalladi.

 “Yil talabasi” tanlovinining  universitet bosqichida “Yilning eng faol bilimdon talabasi” nominatsiyasi bo‘yicha 1-o‘rinni Oromjonova Shahrizoda egalladi.

 “Yil talabasi” tanlovinining  universitet bosqichida “Yilning eng faol bilimdon talabasi” nominatsiyasi bo‘yicha  2-o'rinni 3-bosqich talabasi Bahromqulova Zuhra egalladi.

Besh Tashabbus doirasida;

Birinchi tashabbus yoshlarning musiqa, rassomlik, adabiyot, teatr va san’at ga qiziqishlarini oshirishga bag‘ishlab 2023-yilning o‘tgan davrida jami 25 ta tadbir tashkil etildi va 350 yaqin talaba-yoshlar jalb qilindi.

Ikkinchi tashabbus yoshlarni jismoniy chiniqtirish, ularning sport sohasida qobiliyatini namoyon qilishlariga bag‘ishlab 37 ta ommaviy sport tadbirlari o‘tkazilib, ularga 700 dan ortiq talabalar va yoshlar jalb etilgan, ulardan 360 nafardan ortig‘ini xotin-qizlar tashkil etadi.

Uchinchi tashabbus aholi va yoshlar o‘rtasida kompyuter texnologiyalari va internetdan samarali foydalanishni tashkil etish bo‘yicha 1 ta IT-klubi tashkil etildi.     

To‘rtinchi tashabbus yoshlar ma’naviyatini yuksaltirish, ular o‘rtasida kitobxonlikni keng targ‘ib qilish bo‘yicha tizimli ishlar yo‘lga qo‘yilib, 2 ta Yosh kitobxonlar to‘garagi va “Book lovers club” tashkil etilgan.

Ushbu tashkil etilgan to‘garaklarga universitetning 250 nafar talabasi jalb etilgan. Universitet talabalari o‘rtasida “Mening yaxshi ko‘rgan asarim” mavzusida 5 marta kitobxonlik tanlovlari, “Yosh kitobxon” va “Zukko kutubxon” mavzusida 7 marta kitobxonlik uchrashuvlari o‘tkazilgan.

Beshinchi tashabbus xotin-qizlarni ish bilan ta’minlash masalalarini nazarda tutadi. 2023-yil dekabr oyi holatiga ko‘ra, kunduzgi bakalavr darajasida ta’lim olayotgan jami 570  nafar 1-3 kurs talabalaridan 180 nafari ish bilan bandligi aniqlandi hamda so‘rovnoma natijasida - 270 nafar talabaning ishlash ehtiyoji aniqlandi. Talabalarning davlat idoralarida haq to‘lanadigan stajirovka (amaliyot) o‘tashi tartibi tasdiqlandi hamda 28 ta korxona-tashkilotlar bilan shartnomalar tuzildi.

Universitetda tahsil olayotgan talabalarni teatr san’atiga muhabbat ruhida tarbiyalash va ma’naviy kamolotga yo‘naltirish hamda iqtidorli yoshlarga o‘z imkoniyatlarini, iqtidorlarini yuzaga chiqarish maqsadida 2022-yildan boshlab har yili doimiy ravishda “Talabalar teatr studiyalari” ko‘rik-tanlovlari o‘tkazilishi byelgilangan. SHu munosabat bilan Turizm menejmenti fakulteti talabalari o‘rtasida o‘tkazilgan “Talabalar teatr studiyalari” ko‘rik tanlovining universitet bosqichi o‘tkazildi.

2022-yil universitet AQSH Elchixonasining “Talabalar drama klubi”ni tashkil etish uchun granti sovrindori bo‘ldi. Grant koordinatori - universitet professori Kamol Mustayev hisoblanadi.

2023 yil 4-martda Samarqand shahridagi “Qo‘g‘irchoq teatri”da Samarqand viloyatidagi oliy ta’lim muassasasalari o‘rtasida “Teatr studiyalari” ko‘rik-tanlovining Samarqand viloyati bosqichida universitet “Talabalar teatr studiyasi” jamoasi ham ishtirok etishdi va faxrli 3-o‘rinni egalladi va mintaqaviy bosqichga yo‘llanma oldi.

2024 yilda bu kabi ishlar yanada jonlantirilishi bo‘yicha chora-tadbirlar belgilab olingan.

O‘zbekiston Respublikasi Prezidentining 2021-yil 30-oktabrdagi “Turizm, madaniy meros va muzeyshunoslik sohalarida malakali kadrlar tayyorlashning uzluksiz tizimini yanada takomillashtirish chora-tadbirlari to‘g‘risida”gi qaroriga asosan, fan, ta’lim va ishlab chiqarishning integratsiyasini ta’minlash maqsadida 2024 o‘quv yili davomida “Ipak yo‘li” turizm va madaniy meros xalqaro universitetining professor-o‘qituvchilari va talabalari Samarqand viloyatidagi barcha tarixiy va madaniy-meros yodgorliklariga bepul kirish imkoniyatiga ega bo‘lishdi. Ushbu ajoyib imkoniyatdan barcha professor-o‘qituvchilar hamda talabalarimiz unumli foydalanib o‘z bilim va tajribasini orttirishga harakat qiladi.

     Ziyorat turizmini rivojlantirish, turistik infratuzilmani takomillashtirish, aholining madaniy dam olishi qulayliklarini yaratish maqsadida, 6-yanvar kuni “Ipak yo‘li” turizm va madaniy meros xalqaro universiteti bir guruh professor-o‘qituvchilari va xodimlari ko‘hna va hamisha navqiron Samarqand shahridagi tarixiy obidalarida bo‘lishdi. Dastlab ziyorat Temuriylar mangu qo‘nim topgan Amir Temur maqbarasidan boshlandi. Shundan so‘ng universitetimiz jamoasi Xo‘ja Doniyor ziyoratgohi va Shohi Zinda masjid majumasida bo‘lib, yana bir bor ushbu tarixiy obidalarning kecha va buguni haqidagi ma’lumotlarni tinglab o‘tgan ulug‘ ajdodlarimiz haqqiga duo qilishdi.

     Bu kabi ziyoratlar yil davomida nafaqat shahrimiz balki yurtimizning barcha tarixiy obidalari va so‘lim go‘shalari bo‘ylab tashkil qilinadi.

Ma’lumki, har yili universitetimiz professor-o‘qituvchilari dunyoning ko‘plab davlatlaridagi universitetlarda turizm sohasida bo‘lib o‘tayotgan xalqaro ilmiy-amaliy konferensiyalarda, seminarlarda ishtirok etib o‘z bilim va mahoratlarini oshirib kelishmoqda.

Joriy yilning 4-yanvarida oliygohimiz professori Nargiz Nurulla Xo‘jaeva ham Gonkong Politexnika Universiteti mehmonxona va turizm menejmenti maktabi tomonidan tashkil etilgan “Buyuk Ipak yo‘li savdogarlari: Qadimgi Ipak yo‘lining turizm durdonalari” mavzuidagi seminarda ishtirok etdi. Ushbu seminarda Buyuk Ipak yo‘li tarixi, undagi savdogarlar hayoti, eramizdan avvalgi 6-asrdan Chingiziylar davrigacha bo‘lgan boylik va integratsiya haqidagi qiziqarli ma’lumotlar o‘rtaga tashlandi. Ushbu seminar o‘sha davrdayoq xalqaro savdo aloqalarining yuksalganligi, shaharlar hayotining nechog‘lik qizg‘in bo‘lib, turizmning ilk ko‘rinishlari paydo bo‘la boshlaganligini aks ettirganligi bilan ahamiyatli bo‘ldi.

Seminarda “Ipak yo‘li” turizm va madaniy meros xalqaro universiteti professorining faol ishtiroki e’tirof etildi.

Joriy yilning 5-yanvar kuni universitetning faollar zalida universitet jamoasining kengaytirilgan yig‘ilishi bo‘lib o‘tdi. Yig‘ilishni universitetning Birinchi prorektori J.Eltazarov olib bordi. Birinchi prorektor J.Eltazarov yig‘ilish ishtirokchilarini hisobot yilida Oliy ta’lim, fan va innovatsiyalar vazirligi tomonidan o‘tkazilgan attestatsiya va davlat akkreditatsiyasi bo‘yicha “Ipak yo‘li” turizm va madaniy meros xalqaro universitetini tashqi baholash xulosasi” bilan tanishtirdi.

Majlis kun tartibidagi masala bo‘yicha universitetning “Ta’lim sifatini ta’minlash va akkreditatsiya” bo‘limi boshlig‘i A.To‘xtamishov so‘zga chiqib, Tashqi baholash jarayonida aniqlangan muammo va kamchiliklarni bartaraf etish bo‘yicha takliflarini bayon qildi. Shundan so‘ng yig‘ilish jarayonida Tashqi baholash jarayonida aniqlangan kamchiliklarni bartaraf etish bo‘yicha “Yo‘l xaritasi” ishlab chiqildi va tasdiqlandi. Tanqidiy ruhda o‘tgan mazkur yig‘ilishda O‘zbekiston Respublikasi Oliy ta’lim tizimini 2030-yilgacha rivojlantirish konsepsiyasi doirasida “Ipak yo‘li” turizm va madaniy meros xalqaro universitetining 2023-yil uchun belgilangan maqsadli ko‘rsatkichlarining bajarilish holati ham tahlil qilindi. Tahlil natijasida hisobot yilida universitet jamoasi tomonidan erishilgan yutuqlar e’tirof etilishi bilan bir qatorda belgilangan ko‘rsatkichlar yetarli darajada bajarilmagan bandlar bo‘yicha mas’ullarning hisobotlari ham tinglandi va tegishli qarorlar qabul qilindi. Yig‘ilishda Konsepsiya doirasida “Ipak yo‘li” turizm va madaniy meros xalqaro universitetining 2024-yil uchun maqsadli ko‘rsatkichlar ishlab chiqildi. Shuningdek, yig‘ilishda universitet jamoasining 2024-yilda amalga oshiradigan ustivor vazifalari ham muhokama etilib, mas’ullarga tegishli topshiriqlar va ko‘rsatmalar berildi.

Yig‘ilish so‘ngida O‘zbekiston Respublikasi Prezidentining 2023-yil 11-sentabrdagi “O‘zbekiston-2030 strategiyasi to‘g‘risida”gi PF-158-son Farmoni asosida oliy ta’lim bilan qamrovni yanada kengaytirish, oliy ma’lumotli mutaxassislar tayyorlash sifatini oshirish hamda ta’lim muassasasining xalqaro jozibadorligini ta’minlash maqsadida universitetning mavjud ta’lim dasturlarini xalqaro akkreditatsiyadan o‘tkazish bo‘yicha nazorat rejasi ishlab chiqildi va tasdiqlandi.

Hurmatli “Ipak yo‘li” turizm va madaniy meros xalqaro universitetining professor-o‘qituvchilari, mutaxassislari va aziz talabalar! Siz azizlarni kirib kelayotgan 2024-yil bilan chin yurakdan muborakbod etaman. Oilangizga tinchlik-omonlik, o‘zingizga mustahkam sog‘lik va ilmiy faoliyatingizda yuqori marralarni zabt etishingizni tilab qolaman. 

Tan olib aytish kerakki, bugun shiddat bilan rivojlanib borayotgan dunyoda Siz kabi professor-o‘qituvchilar yosh avlodni tarbiyalashda, kundan-kunga yuksalib borayotgan turizm sohasi uchun  har tomonlama bilimli va malakali mutaxassislarni tayyorlab berishda jonbozlik ko‘rsatmoqdasiz. Ma’lumki, o‘tayotgan 2023-yil Samarqand shahrida tashkil qilingan xalqaro darajadagi anjumanlarda universitetimiz professor-o‘qituvchilari bilan birga, talabalarimizning faol ishtiroki va qatnashchilar tomonidan e’tirof etilganligi ham yoshlarimizning nechog‘lik bilimli va zukko ekanligidan dalolat beradi. O‘tayotgan yilda Turizm Akademiyasining faoliyati yo‘lga qo‘yilganligi ham juda katta yangiliklardan biri bo‘ldi. Ushbu Turizm Akademiyasi talaba-yoshlar uchun nazariya bilan amaliyotning uyg‘un ravishda olib borishiga juda katta hissa qo‘shishi bilan ahamiyatli bo‘ladi. Bundan tashqari universitetimiz dunyoning ko‘plab davlatlaridagi nufuzli universitetlari va tashkilotlari bilan hamkorlik shartnomalarini imzoladi. Bu ham kelajakda akademik va talabalar almashinuvida, o‘zaro tajriba oshirishda muhim ahamiyat kasb etadi. O‘tayotgan 2023-yil universitetimiz jamoasining muvaffaqiyatlarining ko‘lami kengligi bilan eng yaxshi yillardan biri sifatida tarixga muhrlanib qoldi. Yangi yilda jamoa bilan birgalikda ulkan rejalarni amalga oshirib Prezidentimiz boshchiligidagi islohatlarga o‘z hissamizni qo‘shamiz, degan umiddaman.

 Yana bir bor barchangizni Yangi 2024-yil bilan muborakbod etaman. Yangi yil jamoamiz uchun omadli, xayrli va barokatli bo‘lsin!

Hurmat bilan  “Ipak yo‘li” turizm va madaniy meros xalqaro universiteti rektori A.A.Abduxakimov

Ma’lumki joriy yilning 22-dekabr kuni O‘zbekiston Respublikasi Prezidenti Shavkat Mirziyoev raisligida Ma’naviyat va ma’rifat kengashining kengaytirilgan yig‘ilishi bo‘lib o‘tdi. Yig‘ilishda Muxtaram Prezidentimiz ma’naviyat va ma’rifat sohasi bo‘yicha  9 ta yo‘nalishda muhim tashabbuslarni ilgari surdi. Ushbu yig‘ilishda Prezidentimiz tomonidan ma’naviyat, ma’rifat, madaniyat, san’at va ijod sohalarida amalga oshirilayotgan islohotlar natijadorligi va kelgusidagi ustuvor yo‘nalishlarni belgilash vazifalari qo‘yildi. Ushbu vazifalarni o‘z vaqtida bajarish maqsadida joriy yilning 28-dekabr kuni “Ipak yo‘li” turizm va madaniy meros xalqaro universitetida ham prorektorlar, professor-o‘qituvchilar va mutaxassislar ishtirokida seminar o‘tkazildi.

Seminarni universitet Birinchi prorektori J.Eltazarov kirish so‘zi bilan ochib Prezidentimiz tomonidan belgilab berilgan vazifalar naqadar muhim ekanligi xususida gapirdi. Shundan so‘ng seminarda so‘z olgan universitet Yoshlar bilan mahallabay ishlash va tadbirlar bo‘limi boshlig‘i N.Abduvoxidova ushbu sohadagi ishlarni yanada jonlantirishda professor-o‘qituvchilar, mutaxassislar oldida turgan vazifalarga to‘xtalib o‘tdi. Ma’lumki, bugungi kunda “Ipak yo‘li” turizm va madaniy meros xalqaro universitetida Ma’naviyat, ma’rifat sohasida bir qator amaliy ishlarga qo‘l urilgan bo‘lsada, hali qilinishi lozim bo‘lgan vazifalar ham talaygina. Tadbirda Prezidentimiz tomonidan belgilab berilgan vazifalardan kelib chiqib universitetda amalga oshiriladigan ishlar belgilab olindi va mas’ullarga zarur ko‘rsatma va topshiriqlar berildi.

Joriy yilning 27  dekabr kuni “Ipak yo‘li” turizm va madaniy meros xalqaro universiteti qoshidagi Art Station san’at galeriyasida “Samarqandning jannat bog‘lari: Islom me’morchiligida ornamentlar xilma-xilligidagi birlik g‘oyasi” mavzuida ko‘rgazma tashkil qilindi. Tadbirda so‘z olganlar tadbir tashkilotchilari, soha mutaxassislari hamda professor-o‘qituvchilar ushbu ko‘rgazmaning ahamiyati xususida gapirishdi.  

Ko‘rgazmada Samarqandning mavjud me’moriy yodgorliklaridan olingan ornament namunalari taqdim etilgan. Ushbu ko‘rgazma O‘zbekiston Respublikasi Ekologiya, atrof-muhitni muhofaza qilish va iqlim o‘zgarishi vaziri Aziz Abduxakimov ko‘magida, Dona Qulmatova rahbarligida tashkil etilgan bo‘lib, “Ipak yo‘li” turizm va madaniy meros xalqaro universiteti yosh tadqiqotchilari Shahrizoda Oromjonova, Albina Xoliyeva, Mirjalol Ochilov, Fotima va Zuhra Baxromqulovalarning izlanishlari natijasi hisoblanadi. Shuningdek “Turizm menejmenti” fakulteti dekani Ra’no Toshniyozova ilmiy rahbarligida Samarqand shahrining temuriylar davri me’moriy yodgorliklaridagi ornamentlar bo‘yicha tahliliy tadqiqot ishlari olib borilgan.

Vengriya hukumati har yili 90ga yaqin mamlakatlarga ta’lim grantlar ajratadi, shu jumladan O‘zbekiston fuqarolari uchun bakalavriat va magistratura hamda PhD doktorantura dasturi uchun grantlarini taklif etadi.

Xujjatlar talabgorlar uchun onlayn tartibda 2024-yil 15-yanvarga qadar topshirishi mumkin.

Batafsil ma’lumotlar ilovа etiladi.
ilova_1.pdf
ilova_2