Joriy yilning 23 avgust kuni “Ipak yo‘li” turizm va madaniy meros xalqaro universitetida o‘tgan yili Yaponiyaning Tokio shahrida o‘tkazilgan go‘zallik tanlovida eng yaxshi deb topilgan milliy libosni topshirishga bag‘ishlangan tadbir o‘tkazildi. Ma’lumki, Yaponiyaning Tokio shahrida o‘tkazilgan “Miss Xalqaro-2022“ tanlovida ilk bor yurtimiz vakili Nigina Faxriddinova qatnashib “Eng zo‘r milliy libos” nominatsiyasida g‘olib bo‘ldi. Ushbu yangilik dunyo ommaviy axborot vositalari orqali keng namoyish qilinib, o‘zbek xalqining qadriyatlari haqida iliq fikrlar aytildi.

     Milliy liboslar o‘zbek xalqining durdona asarlaridan biri bo‘lib, xaqiqiy ma’noda xalqimizning faxri, g‘ururi hisoblanadi. Tadbirda Samarqanddagi Turkiyaning bosh konsuli Salih Janer, Samarqand xalqaro Texnologiya universiteti rektori Yu.Abdullaev va boshqa xorijlik olimlar, san’atshunoslar va keng jamoatchilik vakillari hamda ommaviy axborot vositalari  ishtirok etishdi. Tadbirni “Ipak yo‘li” turizm va madaniy meros xalqaro universiteti Birinchi prorektori J.Eltazarov kirish so‘zi bilan ochib berdi. Shundan so‘ng ramziy lenta kesilib barcha ishtirokchilar ushbu milliy libos bilan yaqindan tanishish imkoniga ega bo‘ldi. Shuningdek tadbir davomida ommaviy axborot vositalari uchun matbuot anjumani tashkil qilinib unda Yaponiyaning Tokio shahrida o‘tkazilgan “Miss Xalqaro-2022“ tanlovi haqida so‘zlab berildi.

    “Egnimdagi milliy libos  va undagi naqshlar o‘zbek xalqining milliy qadriyatlaridan biri bo‘lib, dunyoda bunaqasi takrorlanmas men uni kiyib tanlovda ishtirok etganligimdan va sahnaga chiqqanimda tomoshabinlarning olqishiga sazovor bo‘lganligim menga g‘urur baxshida etdi”,- deydi xalqaro tanlov sovrindori Nigina Faxriddinova.

Joriy yilning 19 avgust kuni soat “Ipak yo‘li” turizm va madaniy meros xalqaro universitetining katta anjumanlar zalida universitet huzuridagi Ilmiy darajalar beruvchi DSc.33/01.02.2022.I.145.01 raqamli Ilmiy kengashda Toshkent davlat iqtisodiyot universiteti Samarqand filiali tayanch doktoranti Abduraxmanova Aqida Fayzulla qizining 08.00.17 – “Turizm va mehmonxona faoliyati” ixtisosligi bo‘yicha falsafa doktori (PhD) ilmiy darajasini olish uchun “Hududlarda ekologik turizm salohiyatidan samarali foydalanish usularini takomillashtirish” mavzusidagi va  shu kunning o‘zida Samarqand iqtisodiyot va servis instituti mustaqil izlanuvchisi Abdullayeva  Zulfiya  Izzatovnaning ham “Turizm va mehmonxona faoliyati” ixtisosligi bo‘yicha falsafa doktori (PhD) ilmiy darajasini olish uchun “Mehmonxona biznesini rivojlantirishning tashkiliy-iqtisodiy mexanizmini takomillashtirish yo‘llari mavzusidagi dissertatsiyasi ishining himoyasi o‘tkazildi.

Joriy yilning 15-sentabriga qadar (shu kuni ham) quyidagi hujjatlar yig‘ma jildini universitetning qabul komissiyasiga taqdim qilishingizni so‘raymiz:

1. Fuqarolik pasporti yoki ID-karta nusxasi (3 dona);

2. Attestat yoki diplomning asl nusxasi (ilovasi bilan)

3. Ingliz tilini (IELTS/TOEFL/CEFR) bilish to‘g‘risidagi sertifikat (asli, agar mavjud bo'lsa);

4. 3,5 × 4,5 o‘lchamdagi 12 ta rasm;

5. uzbmb.uz tomonidan berilgan abituriyent ruxsatnomasi;

6. uzbmb.uz tomonidan berilgan javoblar varaqasi;

7. Konvert (1 dona);

8. Qog‘oz uchun papka.

Qo‘shimcha ma’lumotlar uchun telefonlar:

+99(866) 240-67-70

+99(866) 240-86-16

+99(866) 240-67-86

+99(866) 240-86-06

“Ipak yo‘li” turizm va madaniy meros xalqaro universiteti turizm sohasida ikkinchi mutaxassislik bo‘yicha sirtqi ta’lim yo‘nalishiga hujjat topshirgan talabgorlar uchun suhbat sanasini e’lon qiladi!

Manzil: Samarqand viloyati, Samarqand shahri, Universitet xiyoboni, 17

Sana: 28-avgust, 2023-yil

Vaqti: 9:00

Joyi: Universitet o‘quv binosi, 108-xona

Imtihon savollari

“Ipak yo‘li” turizm va madaniy meros xalqaro universitetining suzish havzasida Samarqand shahridagi maktab o‘quvchilari va yaqin mahalla yoshlari o‘rtasida suzish bo‘yicha sport musobaqasi o‘tkazildi. Musobaqada 200 nafardan ortiq bolalar va o‘smirlar ishtirok etishdi. Sport musobaqasi yakuniga ko‘ra g‘oliblar diplom va sertifikatlar bilan taqdirlandi.