O‘zbekiston Respublikasi Prezidentining 2021-yil 28-yanvardagi PQ-4965-son qarori bilan tasdiqlangan Intellektual mulk muhofazasini mustahkamlash va zamonaviy axborot-kommunikatsiya texnologiyalarini joriy etish bo‘yicha “Yo‘l xarita”ning 19-bandida har yili bir marta (15-fevral-15-mart) respublika bo‘yicha kontrafakt mahsulotlar realizatsiyasiga qarshi samarali kurashish maqsadida “Kontrafaktsiz oy” oyligi deb e’lon qilingan.

Joriy yilning 10-mart kuni “Ipak yo‘li” turizm va madaniy meros xalqaro universiteti, Samarqand viloyat Adliya boshqarmasi bilan hamkorlikda “Kontrafaktsiz oy” oyligi doirasida “Intellektual mulk obyektlarining huquqiy muhofazasi va himoyasi” mavzusida seminar-trening tashkil etidi. Seminar-treningni Samarqand viloyat Adliya boshqarmasi mutahassisi Uzoqov Hasan olib bordi.