Yangiliklar: Sentyabr 2024

2024-yil 14-sentabrda Xitoyning Milliy falsafa va ijtimoiy fanlarni rejalashtirish idorasi “Ipak yo‘li” turizm va madaniy meros xalqaro universiteti prorektori professor Zou Tongqian Xitoy Milliy ijtimoiy fanlar jamg‘armasi tomonidan moliyalashtiriladigan asosiy loyiha uchun tasdiqlanganligini e’lon qildi. Bugungi kunga kelib, professor Zou Xitoy ijtimoiy fanlar fondidan asosiy loyiha, asosiy loyiha va umumiy loyihani, shuningdek, Xitoy tabiiy fanlar fondidan umumiy loyihani oldi. Milliy ijtimoiy fanlar jamg'armasi va milliy tabiiy fanlar jamg'armasi mos ravishda Xitoyda ijtimoiy fanlar va tabiiy fanlar uchun eng yuqori ilmiy moliyalashtiruvchi organlardir.

Yangi tasdiqlangan loyiha "Omni-media davridagi mashhur Internet-turizm iqtisodiyotining operatsion mexanizmi va boshqaruvini tadqiq qilish" deb nomlanadi. Ushbu loyiha sayyohlik internet mashhur iqtisodiyotining noyob dinamikasini va uning Xitoyda turizm rivojlanishiga ta'sirini o'rganishga qaratilgan. Tadqiqot onlayn platformalar va ijtimoiy media orqali mashhurlikka erishgan sayyohlik yo'nalishlarini boshqarish va marketingi bo'yicha qimmatli fikrlarni taqdim etadi. Mashhur internet iqtisodiyotining rivojlanayotgan dinamikasini o'rganib chiqib, loyiha davlat boshqaruvi va internetdagi mashhur sayyohlik yo'nalishlarining barqaror rivojlanishi uchun amaliy strategiyalarni taqdim etishga intiladi.

Professor Zouning tadqiqotlari uni Xitoyning rivojlanayotgan turizm sanoatida yetakchi o‘ringa qo‘yishda davom etmoqda va siyosatchilar va turizm manfaatdor tomonlarini qo‘llab-quvvatlovchi tanqidiy tahlillarni taqdim etadi. Topilmalar butun dunyo bo‘ylab turizm sohasidagi nazariy tadqiqotlarga ham hissa qo‘shadi.

Oliy ta’lim, fan va innovatsiyalar vazirligining 2024-yil 14-iyundagi 211-sonli 2024/2025 o‘quv yilidan boshlab oliy ta’lim muassasalarining magistratura mutaxassisliklariga hamda oliy ta’limdan keyingi ta’lim ixtisosliklariga hujjat topshirishda talab etiladigan xorijiy tiilarni bilish darajasini baholovchi milliy va xalqaro tan olingan sertifikatlar ro‘yxati va ularning darajalarini tasdiqlash to‘g‘risidagi buyrig‘iga asosan, Oliy ta’limdan keyingi ta’lim to‘g‘risidagi Nizomning 3-bob 16, 18 va 19-xatboshlariga ko‘ra, Oliy talim, fan va innovatsiyalar vazirligining stajor-tadqiqotchilik va tayanch doktoranturaga quyidagilarga ega bo‘lganlar qabul qilinadi:

Magistr darajasiga yoxud klinik ordinaturani tugatgan (tibbiyot fanlari uchun), oliy ma’lumot to‘g‘risidagi diplom (mutaxassislik dasturlari bo‘yicha) ega bo‘lganlar;

Oliy ta’limdan keyingi ta’lim ixtisosliklariga qabul qilishda xorijiy tillar yo‘nalishlari bo‘yicha - kamida Cl darajasida, gumanitar, biologik va turdosh fanlar, matematika va statistika, biznes va boshqaruv, huquq, xizmat ko‘rsatish, ijtimoiy va xulq-atvorga mansub fanlar, jumalistika va axborot, axborot-kommunikatsiya texnologiyalari ta’lim sohalari bo‘yicha - kamida B2 darajasida, boshqa ta’lim sohalari hamda madaniyat va sport mutaxassisliklari (ixtisosliklari) bo‘yicha -kamida Bl darajasida xorijiy tilni bilish darajasini belgilovchi milliy yoki xalqaro sertifikatlaga ega bo‘lganlar;  

Falsafa doktori (PhD) ilmiy darajasini olish uchun dissertatsiya tadqiqoti asosini tashkil qilishi mumkin bo‘lgan ilmiy natijalar, shu jumladan ilmiy jurnallarda chop etilgan kamida bitta maqola hamda tegishli yo‘nalishlar bo‘yicha ikkitadan kam bo‘lmagan ilmiy ishlar to‘plamlariga kiritilgan ma’ruza tezislariga ega bo‘lganlar;

Doktoranturaga quyidagilarga ega bo‘lganlar qabul qilinadi:

Fan nomzodi yoki falsafa doktori (PhD) yoxud ularga tenglashtirilgan xorijiy davlatlarda olingan ilmiy darajalar;

Oliy ta’limdan keyingi ta’lim ixtisosliklariga qabul qilishda xorijiy tillar yo‘nalishlari bo‘yicha - kamida Cl darajasida, gumanitar, biologik va turdosh fanlar, matematika va statistika, biznes va boshqaruv, huquq, xizmat ko‘rsatish, ijtimoiy va xulq-atvorga mansub fanlar, jumalistika va axborot, axborot-kommunikatsiya texnologiyalari ta’lim sohalari bo‘yicha - kamida B2 darajasida, boshqa ta’lim sohalari hamda madaniyat va sport mutaxassisliklari (ixtisosliklari) bo‘yicha -kamida Bl darajasida xorijiy tilni bilish darajasini belgilovchi milliy yoki xalqaro sertifikatlaga ega bo‘lganlar;  

Fan nomzodi yoki falsafa doktori (PhD) ilmiy darajasi yoxud ularga tenglashtirilgan boshqa ilmiy darajalar olgandan so‘ng muhim ilmiy yutuqlarga erishish, shu jumladan, fan doktori (DSc) ilmiy darajasini olish uchun dissertatsiya tadqiqoti asosini tashkil qilishi mumkin bo‘lgan ilmiy jurnallarda chop etilgan kamida uchta ilmiy maqolaga hamda ilmiy-amaliy konferensiyalar, seminarlar va tegishli ilmiy yo‘nalishlar bo‘yicha ilmiy ishlar to‘plamlarida kamida ikkita tezisga ega bo‘lish.

Tayanch doktorantura uchun talab qilinadigan hujjatlar: (ishlab chiqarishdan ajratilgan holda o‘qish uchun)
ariza;

xorijiy tilni bilish darajasini belgilovchi milliy yoki xalqaro sertifikat;

qisqacha biografik ma’lumotnoma;

mehnat daftarchasining belgilangan tartibda tasdiqlangan nusxasi (ishlayotgan talabgorlar uchun);

oliy ta’lim muassasasi magistraturasi diplomi yoki klinik ordinaturani tugatganlik (tibbiyot fanlari uchun), oliy ma’lumot (mutaxassislik dasturlari bo‘yicha) to‘g‘risidagi diplom nusxasi;

nashr etilgan ilmiy ishlar ro‘yxati, shuningdek ularning nusxalari;

O‘zbekiston Respublikasi Prezidenti Davlat stipendiyasi sohiblari tegishli hujjat nusxasini taqdim etadilar;

Tayanch doktoranturada o‘qish uchun talabgorlar mutaxassislik bo‘yicha kirish imtihonlari topshiradilar.

Doktorantura uchun talab qilinadigan hujjatlar: (ishlab chiqarishdan ajratilgan holda o‘qish uchun)
ariza;
xorijiy tilni bilish darajasini belgilovchi milliy yoki xalqaro sertifikat;
qisqacha biografik ma’lumotnoma;
mehnat daftarchasining belgilangan tartibda tasdiqlangan nusxasi (ishlayotgan talabgorlar uchun);
oliy ma’lumot, fan nomzodi yoxud falsafa doktori (PhD) yoki xorijiy davlatlarda unga tenglashtirilgan ilmiy darajaga ega bo‘lganligi to‘g‘risidagi diplom nusxasi;
tadqiqot mavzusi bo‘yicha ilmiy ma’ruza va fan doktori (DSc) ilmiy darajasini olish uchun tayyorlangan doktorlik dissertatsiyasi rejasining mufassal loyihasi;
nashr etilgan ilmiy ishlar ro‘yxati, shuningdek ularning nusxalari.

Mustaqil izlanuvchilik uchun talab qilinadigan hujjatlar:(ishlab chiqarishdan ajralmagan holda o‘qish uchun)
qisqacha biografik ma’lumotnoma;
falsafa doktori (PhD) ilmiy darajasini olish uchun mustaqil izlanuvchi sifatida rasmiylashtirish uchun magistrlik yoki klinik ordinatura (tibbiyot fanlari uchun) yoki oliy ma’lumot (mutaxassislik dasturi bo‘yicha) to‘g‘risidagi diplom nusxasi;
mehnat daftarchasining belgilangan tartibda tasdiqlangan nusxasi;
ilmiy ishlar ro‘yxati va ularning nusxasi;
fan doktori (DSc) ilmiy darajasini olish uchun mustaqil izlanuvchi sifatida rasmiylashtirish uchun fan nomzodi yoki falsafa doktori (PhD) diplomi yoki xorijda olingan unga tenglashtirilgan boshqa ilmiy darajalar diplomi nusxasi;
ish joyidan tavsifnoma.

Mustaqil izlanuvchilikka talabgorlarni tanlab olish har chorakning uchinchi oyigacha bo‘lgan muddatda ixtisoslik bo‘yicha suhbat natijalari va ta’lim muassasasidagi qabul komissiyasining tegishli xulosasi bo‘yicha amalga oshiriladi.

Hujjatlar (pdf) shaklida tayyorlanib 2024-yil 15-sentabrdan 15-oktabrgacha  Oliy taʼlimdan keyingi taʼlimni muvofiqlashtiruvchi Yagona elektron tizimi (https://daraja.ilmiy.uz) orqali roʻyxatdan oʻtgan holda qabul qilinadi. Kirish imtihonlari joriy yilning 1-25 noyabr kunlari bo‘lib o‘tadi.

Manzil: 140104, O’zbekiston Respublikasi, Samarqand shahri, Universitet xiyoboni, 17

Ma’lumot uchun telefonlar: +998 66 240 67 85

2021-yildan buyon Ipak yo‘li turizm va madaniy meros xalqaro universiteti va Germaniyaning Konstanz shahridagi Amaliy fanlar universiteti o‘rtasida tuzilgan memorandum asosida ko‘plab qo‘shma loyihalar amalga oshirilmoqda. Jumladan, universitetimiz professor-o‘qituvchilari va xodimlari har yili DAAD grand dasturi orqali amaliyot o‘tab kelishmoqda, ilmiy ishlarini rivojlantirib, Konstanz universiteti talabalari bilan o‘z bilimlarini baham ko‘rishmoqda.

2024-yilning 13-sentabr kuni ikki universitet tashabbusi bilan “Barqaror turizm menejmenti va Oʻzbekistonda Jahon merosi obyektlari” mavzusida akademik muloqot konferensiyasi tashkil etildi. Ushbu anjuman ana shu hamkorlikning davomi sifatida butun dunyo bo‘ylab olimlar, tadqiqotchilar, mutaxassislar va amaliyotchilar umumiy maqsad – bizning bebaho meros obyektlarimizni boshqarish uchun barqaror yechimlarni o‘rganish bilan birlashishgan.

2024-yil 17-sentabr kuni “Ipak yo‘li” turizm va madaniy meros xalqaro universiteti xotin-qizlar kengashi raisi M.Abbasova, universitet Yoshlar yetakchisi S.Haydarov, Yoshlar bilan mahallabay ishlash va tadbirlar bo‘limi mutaxassisi D.Vastayevalar universitetning 1-bosqichida qabul qilingan talaba-qizlar va ularning ota-onalari bilan yaqindan muloqotda bo’lib, yangi o‘quv yilida Talabalar turar joyida talaba-qizlar uchun yaratilgan shart-sharoitlar bilan yaqindan tanishtirib kelmoqdalar.

Ijara xonadonlarida va talabalar turar joyida yashash istagi bo’lgan talabalar-qizlarga ma’lumotlar bilan tanishtirish davom etmoqda.

Bugungi kunda talabalar turar joyi va ijara xonadonlari masalasi yuzasidan markazga murojaat qilayotgan ota-onalar va talabalar o‘z muammo va masalalarini ijobiy hal qilib kelmoqdalar.

Belarus Respublikasining Minsk shahrida o‘tkazilgan mazkur tadbir davlatlar o‘rtasida tashkillashtirilgan birinchi forum hisoblanadi. Bo‘lib o‘tgan forumda ikki davlat vazirlik va qo‘mita rahbariyat vakillari, turizm yo‘nalishida ta‘lim berib kelayotgan oliy ta‘lim muassasalari, va turistik agentliklar vakillari ishtirok etdi.

“Ipak yo‘li” ” turizm va madaniy meros xalqaro universiteti vakillari  tomonidan universitet hamda turizm akademiyasi faoliyatida olib borilayotgan ishlar to‘g‘risida o‘z chiqishlarida ma‘lumot berib o‘tdilar va bir nechta Belarus Oliy ta’lim muassasalari bilan hamkorlikda amalga oshiriladigan yo‘nalishlar bo‘yicha muzokaralar o‘tkazdilar.

Ma’lumki, 2023-yil 20-oktyabrda shahrimizda Butunjahon turizm tashkiloti Bosh Assambleyasining 25-sessiyasi doirasida UNWTO hamkorligidagi tematik ofis ochilgan edi. “Ipak yo‘li” xalqaro brendi loyihalari, tashabbuslari va tadqiqotlarini olib borish maqsadida tashkil etilgan mazkur tematik ofis bugungi kunda universitetimizning tadqiqotchilari va doktorantlarining doimiy to‘planadigan, ilmiy ishlarini muhokama etadigan, shuningdek ilmiy tadqiqot natijalarini keng jamoatchilikka ma’lum qiladigan sevimli maskanga aylanib ulgurdi. Bu boradi ilmiy tadqiqotchilarga va doktorantlariga yetarli shart-sharoit yaratish, ilmiy tadqiqot mavzulariga oid turli seminarlarni tashkil etish, shuningdek turizm va madaniy meros sohasi bo‘yicha nufuzli mahalliy va xorijiy olimlarni jalb etish orqali ilmiy-tadqiqot mavzulari bo‘yicha mahorat darslarini tashkil etishda jonbozlik ko‘rsatayotgan universitet Ilmiy tadqiqotlar bo‘limi xodimlarining tashabbuslarini alohida e’tirof etish maqsadga muvofiq.

Joriy yilning 10-sentabr kuni UNWTO tematik ofisiga tashrif buyurgan Ekologiya, atrof-muhitni muhofaza qilish va iqlim o‘zgarishi vaziri, universitet rektori Aziz Abduxakimov hamda BMT Butunjahon turizm tashkiloti bosh kotibi, “Ipak yo‘li” turizm va madaniy meros xalqaro universiteti faxriy professori Zurab Pololikashvili tadqiqotchilar uchun yaratilgan shart-sharoitlar bilan yaqindan tanishib, bu yerda yaratilgan ilmiy muhitni yuqori baholashdi va “Ipak yo‘li” turizm va madaniy meros xalqaro universiteti huzuridagi ilmiy darajalar beruvchi DSc. 33/01.02.2022.I.145.01 raqamli Ilmiy Kengashning kelgusidagi barcha yig‘ilishlarini UNWTO tematik ofisida o‘tkazishga ko‘rsatma berdilar. Shu sababli, joriy yilning 13-sentabr kuni UNWTO tematik ofisida universitet huzuridagi iqtisodiyot fanlari bo‘yicha ilmiy darajalar beruvchi Ilmiy Kengash huzuridagi Ilmiy seminarida universitet tadqiqotchisi Karshiyev Adxam Anvarovichning 08.00.17-“Turizm va mehmonxona faoliyati” ixtisosligi bo‘yicha “Hududlarda turizm sohasini strategik rivojlantirishning tashkiliy-iqtisodiy mexanizmini takomillashtirish” mavzusidagi iqtisodiyot fanlari bo‘yicha falsafa doktori (PhD) ilmiy darajasini olish uchun yozilgan dissertatsiyasi muhokamasi bo‘lib o‘tdi. Bundan tashqari, universitetning yana bir tadqiqotchisi Xashimova Madina Muradxanovnaning 08.00.17-“Turizm va mehmonxona faoliyati” ixtisosligi bo‘yicha “Hududlar ekoturistik salohiyatidan samarali foydalanish yo‘llari” mavzusidagi iqtisodiyot fanlari bo‘yicha falsafa doktori (PhD) ilmiy darajasini olish uchun yozilgan dissertatsiyasi muhokamasi ham bo‘lib o‘tdi. Qizg‘in o‘tgan seminar muhokamasi jarayonida tadqiqotchilarning olib borgan ilmiy tadqiqot natijalari komissiya a’zolari tomonidan yuqori baholanib, tadqiqotchilarga ilmiy ishlarini “Ipak yo‘li” turizm va madaniy meros xalqaro universiteti huzuridagi 08.00.17-“Turizm va mehmonxona faoliyati” ixtisosligi bo‘yicha iqtisodiyot fanlari bo‘yicha falsafa doktori (PhD) ilmiy darajasini olish uchun dissertatsiyalar himoyasi bo‘yicha Ilmiy kengashda himoya etishga tavsiya etishdi.

Shuningdek, joriy kunda universitet tadqiqotchisi Xamdamov Amriddin Xamdam o‘g‘lining 08.00.17-“Turizm va mehmonxona faoliyati” ixtisosligi bo‘yicha “Turizm sohasida raqamli integratsiya resurslaridan samarali foydalanishning tashkiliy-iqtisodiy mexanizmini takomillashtirish” mavzusidagi iqtisodiyot fanlari bo‘yicha falsafa doktori (PhD) ilmiy darajasini olish uchun yozilgan dissertatsiya ishi himoyasi bo‘lib o‘tdi.

Qizg‘in bahslarga boy o‘tgan dissertatsiya ishi himoyasi natijasiga ko‘ra, Ilmiy kengash a’zolari tomonidan Xamdamov Amriddin Xamdam o‘g‘lining                   08.00.17-“Turizm va mehmonxona faoliyati” ixtisosligi bo‘yicha iqtisodiyot fanlaridan falsafa doktori (PhD) ilmiy darajasini olish uchun taqdim etilgan “Turizm sohasida raqamli integratsiya resurslaridan samarali foydalanishning tashkiliy-iqtisodiy mexanizmini takomillashtirish” mavzusidagi dissertatsiyasi dolzarb mavzuga bag‘ishlanganligi, ilmiy yangiliklari yetarli darajada asoslanganligi va tugallangan ilmiy tadqiqot ishi ekanligi hisobga olinib, O‘zbekiston Respublikasi Oliy ta’lim, fan va innovatsiyalar huzuridagi Oliy attestatsiya komissiyasining “Fan doktori ilmiy darajasini berish tartibi to‘g‘risida”gi Nizomida (PhD) qo‘yilgan talablariga to‘la javob berishligi e’tirof etildi va tadqiqotchi da’vo qilayotgan iqtisodiyot fanlari bo‘yicha falsafa doktori (PhD) ilmiy darajasiga loyiq deb topildi.

Bundan tashqari universitet huzuridagi Ilmiy Kengashning mazkur majlisida Kengash raisi A.Eshtayev O‘zbekiston Respublikasi Oliy ta’lim, fan va innovatsiyalar huzuridagi Oliy attestatsiya komissiyasi tomonidan universitet Ilmiy Kengashining 2024-yil 20-iyuldagi 7-son qarori tasdiqlanganligini ma’lum qilib, universitet tadqiqotchisi To‘xtamishov Aziz Qahramonovichga 08.00.17 – “Turizm va mehmonxona faoliyati” ixtisosligi bo‘yicha iqtisodiyot fanlaridan falsafa doktori (PhD) ilmiy darajasi berilganligini ma’lum qildi hamda iqtisodiyot fanlaridan falsafa doktori (PhD) diplomini tantanali topshirdi. Kengash a’zolari ham To‘xtamishov Aziz Qahramonovichni erishgan muvaffaqiyati bilan qizg‘in tabriklashdi va kelgusidagi ilmiy faoliyatiga ulkan muvaffaqiyalar tilashdi.

Ma’lumot uchun: “Ipak yo‘li” turizm va madaniy meros xalqaro universiteti huzuridagi ilmiy darajalar beruvchi DSc. 33/01.02.2022.I.145.01 raqamli Ilmiy Kengash Muhtaram Prezidentimizning 2021-yil 30-oktabrdagi “Turizm, madaniy meros va muzeyshunoslik sohalarida malakali kadrlar tayyorlashning uzluksiz tizimini yanada takomillashtirish chora-tadbirlari to‘g‘risida”gi PQ-5270-sonli Qarori asosida tashkil etilgan bo‘lib, bugungi kunda turizm va madaniy meros sohalarida faol ilmiy tadqiqot ishlarini olib borayotgan tadqiqotchilarga o‘zlarining ilmiy yangiliklari va yutuqlarini ilmiy jamoatchilikka ma’lum qilish imkoniyatini bermoqda.

         Joriy yilning 10-sentabr kuni Butunjahon turizm tashkiloti bosh kotibi Zurab Pololikashivili Samarqand shahridagi Xalqaro turizm akademiyasiga tashrif buyurdi. Zurab Pololikashvili o‘zining tashrifi davomida “Ipak yo‘li” turizm va madaniy meros xalqaro universiteti rektori Aziz Abduxakimov hamrohligida Xalqaro turizm akademiyasi faoliyati va ta’lim jarayonlari bilan yaqindan tanishdi.

         Ma’lumot o‘rnida aytish kerakki, Xalqaro turizm akademiyasi 2023 yilning oktabr oyida Samarqand shahrida bo‘lib o‘tgan Butunjahon turizm tashkiloti Bosh Assambleyasining 25-yubiley sessiyasi doirasida ochilgan edi. Akademiyaning o‘quv dasturi Shveysariya mehmondo‘stlik maktablari tajribasini hisobga olgan holda ishlab chiqilgan. Mashg‘ulotlar chet ellik o‘qituvchilar tomonidan olib boriladi. Akademiyani tamomlaganlarga hamkor ta’lim muassasalari tomonidan tan olingan sertifikat beriladi. Har bir modulni tugatgandan so‘ng talabalar xususiy sektor hamkor kompaniyalarida amaliyot o‘tash orqali soha bo‘yicha tajribaga ega bo‘ladi.

–  O‘tgan yilgi yubiley sessiyamiz chog‘ida mazkur akademiyani ochganimizda hali bu yerda ishlar yakuniga yetmagan edi. Bugun esa akademiyada butunlay o‘zgacha muhit yaratilganiga guvoh bo‘lib turibmiz. Buning uchun O‘zbekiston rahbariyatiga minnatdorlik bildiraman. Dunyoda bunday muassasalar ko‘p emas, Samarqanddagi akademiyamiz ular orasida o‘z imkoniyatlari bilan ajralib turishi, shubhasiz. Ayni paytda Afrika, Lotin Amerikasi davlatlarida ham turizm sohasi bo‘yicha mutaxassislar tayyorlovchi ta’lim muassasalari tashkil etishga qiziqish bildirilmoqda. Men bugun shunga amin bo‘ldimki, ularga Samarqand akademiyasini namuna qilib ko‘rsatishimiz mumkin ekan. Biz kelgusi yilda Samarqandda turizm uchun kadrlar tayyorlash masalalariga bag‘ishlangan ikkinchi xalqaro forumni o‘tkazmoqchimiz. Mazkur akademiya esa bunda asosiy baza bo‘ladi.- deydi Butunjahon turizm tashkiloti bosh kotibi Zurab Pololikashivili.

         Tadbir chog‘ida Butunjahon turizm tashkiloti bosh kotibi Zurab Pololikashviliga “Ipak yo‘li” turizm va madaniy meros xalqaro universitetining faxriy professori unvoni berildi.

VET4UZ loyihasi doirasida ishlab chiqilgan “41010302 – Mehmonxona xo‘jaligini tashkil etish va boshqarish” mutaxassisligi bo‘yicha dual ta’lim dasturini sifatli amalga oshirish maqsadida, loyiha doirasida 2024-yil 9–10-sentabr kunlari “International” mehmonxonasida “Mehmonxona sanoatida dual ta’limni joriy etish” mavzusidagi trening o‘tkazildi.

Trening Professional ta’limni rivojlantirish instituti ekspertlari tomonidan mehmonxona xo‘jaligi sohasidagi xususiy sektor vakillari bilan hamkorlikda viloyat boshqarmalari, hamkor institutlar, universitetlar va mehmonxonalar hamda pilot kollej va texnikumlar vakillari uchun o‘tkazildi.
Ochilish nutqlari bilan Oliy ta’lim, fan va innovatsiyalar vazirligi Professional ta’limni rivojlantirish departamenti boshlig‘i Utkirjon Alijonov va shveytsariyalik VET4UZ loyihasi rahbari Simone Strasburger so‘zga chiqdilar.

Trening davomida ekspertlar dual ta’limning ahamiyati va uning ish beruvchilar uchun afzalliklari, professional ta’lim tizimida dual ta’limni tashkil etish, uni amalga oshirishdagi mumkin bo‘lgan muammolar va ularning yechimlari, shuningdek, loyiha doirasida “Mehmonxona xo‘jaligini tashkil etish va boshqarish” mutaxassisligi bo‘yicha dual ta’lim dasturini ishlab chiqish bosqichlari haqida ma’lumot berdilar. Bundan tashqari, ishtirokchilar materialni yanada chuqurroq o‘zlashtirish, hamkorlik ko‘nikmalarini rivojlantirish va nazariy bilimlarni amaliyotda samarali qo‘llash uchun tajriba almashish imkonini beruvchi guruh ishlarida amaliy topshiriqlarni bajarishdi.

“Ipak yo‘li” turizm va madaniy meros xalqaro universitetida “Xon atlas” haftaligi doirasida “Milliy liboslar” aksiyasi  tashkil etilib, universitetning barcha professor-o‘qituvchi hamda xodimlari ko‘tarinki kayfiyatda Milliyligimizni targ‘ib qiluvchi milliy liboslarimizda ish kunlarini boshlashdi.

Universitetimizda faoliyat yuritayotgan xorijiy professor-o‘qituvchilar
Milliy liboslarimizni  ko‘rib xayratlarini yashirishmadi.

2024-yil 13-sentabr kuni soat 11:30 da (Tematik ofisi) “Ipak yo‘li” turizm va madaniy meros xalqaro universiteti qoshidagi iqtisodiyot fanlari bo‘yicha ilmiy darajalar beruvchi DSc.33/01.02.2022.I.145.01 raqamli Ilmiy Kengash huzuridagi Ilmiy seminarda “Ipak yo‘li” turizm va madaniy meros xalqaro universiteti tadqiqotchisi Xashimova Madina Muradxanovnaning 08.00.17 – “Turizm va mehmonxona faoliyati” ixtisosligi bo‘yicha “Hududlar ekoturistik salohiyatidan samarali foydalanish yo‘llari” mavzusidagi iqtisodiyot fanlari bo‘yicha falsafa doktori (PhD) ilmiy darajasini olish uchun, yozilgan dissertatsiyasi Ilmiy seminar muhokamasi bo‘lib o‘tadi.

Manzil: Samarqand shahar, Bobur Mirzo ko'chasi 3-uy