Yangiliklar: Sentyabr 2024

Universitetimiz o‘qituvchisi Kobilova Maftuna Xitoyning Sian shahridagi Savdo-sanoat palatasiga maxsus mehmon sifatida tashrif buyurib, MICE turizmi bo‘yicha o‘z tajribalari bilan o‘rtoqlashdi. Palata vakillari universitetimiz bilan yaqin hamkorlik masalalarini muhokama qildilar. Bundan tashqari, universitetimiz o‘qituvchisi Sian shahridagi “Zhong Si Wei Group” kompaniyasi va “Spring Tour” sayyohlik kompaniyalarida bo‘lib, xitoylik mutaxassislarni O‘zbekiston turizmi imkoniyatlari bilan tanishtib o'tgan.

Karimov Anvar Aktam o‘g‘lining 08.00.17 – “Turizm va mehmonxona faoliyati” ixtisosligi bo‘yicha “Turistik destinatsiyalarni samarali rivojlantirishning tashkiliy-iqtisodiy mexanizmlarini takomillashtirish (Navoiy viloyati misolida)” mavzusidagi iqtisodiyot fanlari bo‘yicha falsafa doktori (PhD) ilmiy darajasini olish uchun yozilgan dissertatsiya ishi himoyasi “Ipak yo‘li” turizm va madaniy meros xalqaro universiteti huzuridagi DSc.33/01.02.2022.I.145.01 raqamli Ilmiy kengashning 2024 yil 14 sentabr kuni soat 10:00 dagi majlisida bo‘lib o‘tadi.

Norboyev Allayor Ismoilovichning 08.00.17 – Turizm va mehmonxona faoliyati ixtisosligi bo‘yicha "Hududlarda yoshlar turizmini samarali rivojlantirishning tashkiliy-iqtisodiy mexanizmini takomillashtirish" mavzusidagi iqtisodiyot fanlari bo‘yicha falsafa doktori (PhD) ilmiy darajasini olish uchun yozilgan dissertatsiya ish himoyasi “Ipak yo‘li” turizm va madaniy meros xalqaro universiteti huzuridagi DSc.33/01.02.2022.I.145.01 raqamli Ilmiy kengashning 2024-yil 14-sentabr kuni soat 11:00 dagi majlisida bo‘lib o‘tadi.

Xamdamov Amriddin Xamdam o'g'li 08.00.17 – “Turizm va mehmonxona faoliyati” ixtisosligi bo‘yicha “Turizm sohasida raqamli integratsiya resurslaridan samarali foydalanishning tashkiliy-iqtisodiy mexanizmini takomillashtirish” mavzusidagi iqtisodiyot fanlari bo‘yicha falsafa doktori (PhD) ilmiy darajasini olish uchun yozilgan dissertatsiya ishi himoyasi “Ipak yo‘li” turizm va madaniy meros xalqaro universiteti huzuridagi DSc.33/01.02.2022.I.145.01 raqamli Ilmiy kengashning 2024-yil 13-sentabr kuni soat 16:30 dagi majlisida bo‘lib o‘tadi.

“Ipak yo’li” turizm va madaniy meros xalqaro universiteti Xotin-qizlar Kengashi raisi M.Abbasova, Yoshlar bilan mahallabay ishlash va tadbirlar bo’limi xodimasi D.Vastaeva, hamda ta’lim sifatini ta’minlash va akkreditatsiya bo’limining yetakchi mutaxassisi E.Xalilovalar joriy yilning 6-sentabr kuni universitet TTJ da tashrif buyurib joriy yilning 2-oktabridan yangi o’quv yiliga talaba-qizlarni TTJga joylashtirishdagi muammolarning oldini olish maqsadida shart-sharoitlar bilan yaqindan tanishdilar. TTJ yangi o'quv yiliga talaba yoshlarni qabul qilishga tayyor.

“Ipak yo‘li” turizm va madaniy meros xalqaro universiteti “Turizm” kafedrasi o‘qituvchilari Amriddinova Muslima va Axrorova Munavvar 2024-yilning 10- avgustdan 1-sentabrga qadar Xitoyning Lanchjou universitetida bo‘lib o‘tgan “Ekologiya” ta’lim dasturida ishtirok etdilar. Ingliz va Xitoy tillarida olib borilgan ushbu dastur atrof-muhitni muhofaza qilish va qizil kitobga kiritilgan noyob o‘simlik turlarini saqlashning eng muhim jihatlariga bag‘ishlangan.

Ushbu dastur bo‘yicha mashg‘ulotlar o‘qituvchilarimizga nafaqat ekologiya bo‘yicha bilimlarini chuqurlashtirish, balki O‘zbekistonning tabiiy boyliklarini saqlab qolish uchun qo‘llaniladigan amaliy usullarni o‘rganish imkonini berdi. O‘zbekistonda sayyohlik oqimining jadal o‘sishi bilan bunday bilimlar barqaror turizmni rivojlantirish uchun juda muhimdir. Bu muhimki, universitetimiz rektori O‘zbekiston Respublikasi ekologiya, atrof-muhitni muhofaza qilish va iqlim o‘zgarishi vaziri bo‘lib, mamlakatimizda tabiatni muhofaza qilish va hayot sifatini yaxshilashga qaratilgan tashabbuslarni qo‘llab-quvvatlaydi.

Birgalikda biz kelajak avlodlar uchun sayyoramizning go‘zalligi va boyligini saqlab, turizm va ekologiya yonma-yon yuradigan kelajakni qurmoqdamiz.