Yangiliklar: Aprel 2024

Joriy yilning 28-aprel kuni Samarqand shahrida oʻtkazilgan “Yangi nafas” xalqaro ommaviy yugurish marafon musobaqasida ishtirok etgan “Ipak yo’li” turizm va madaniy meros xalqaro universitetimiz  talaba-yoshlari ham faol ishtirok etib muvafaqqiyatli o‘rinlarni egalladi.

"Ipak yo'li" turizm va madaniy meros xalqaro universiteti 3-bosqich tayanch doktoranti Xushmurodova Madina Shaymankulovaning 08.00.05 – “Xizmat ko’rsatish tarmoqlari iqtisodiyoti ixtisosligi bo’yicha falsafa doktori (PhD) ilmiy darajasini olish uchun yozilgan  “Yangi O’zbekistonda elektron savdo faoliyatini rivojlantirish va samaradorligini oshirishning tashkiliy iqtisodiy mexanizmlari” mavzusidagi dissertatsiya ishi “Ipak yo‘li” turizm va madaniy meros xalqaro universiteti huzuridagi kafedralar aro Ilmiy seminarning 2024-yil 30-aprel kuni soat 16:00 dagi majlisida muhokama qilinadi. Universitet ilmiy izlanuvchilari va professor-o'qituvchilarini ushbu seminarda qatnashishga taklif etamiz.

"Ipak yo'li" turizm va madaniy meros xalqaro universiteti 3-bosqich tayanch doktoranti Xashimova Madina Muradxanovnaning 08.00.17 – “Turizm va mehmonxona faoliyati” ixtisosligi bo‘yicha falsafa doktori (PhD) ilmiy darajasini olish uchun yozilgan «O’zbekistonda ekoturizmni rivojlantirishning tashkiliy-iqtisodiy mexanizmini takomillashtirish» mavzusidagi dissertatsiyasining muhokamasi “Ipak yo‘li” turizm va madaniy meros xalqaro universiteti huzuridagi huzuridagi kafedralar aro Ilmiy seminarning 2024-yil 30-aprel kuni soat 15:00 dagi majlisida muhokama qilinadi. Universitet ilmiy izlanuvchilari va professor-o'qituvchilarini ushbu seminarda qatnashishga taklif etamiz.

Joriy yilning 26-aprel kuni madaniy almashinuv va akademik hamkorlikni rivojlantirish maqsadida Shandong xalqaro savdo kasb-hunar kolleji rahbariyatidan iborat delegatsiya universitetimizga tashrif buyurdi. O‘zaro muloqot davomida hamkorlikda o'quv rejalarini ishlab chiqish, talabalar almashinuvi dasturlarini va ilmiy hamkorlik doirasidagi loyihalarni yaratish kabi muhim masalalar yuzasidan kelishib olindi. Bundan tashqari muloqot davomida talabalarning bilim tajribasini boyitish maqsadida akademik almashinuvni yo‘lga qo‘yish bo‘yicha hamkorlik qilish borasida fikrlar yuritildi.

Yaqinda universitetimiz tyutori Sabina Abbasova tomonidan Cholg‘u asboblari chalishni o‘rganish bo‘yicha to‘garak tashkil qilindi. Musiqa asboblarini chalishni o‘rganish birinchi navbatda, hissiy intellekt, qo‘l, barmoq va oyoqlarda ishlash mahoratini rivojlantirishga yordam beradi. Bu esa, o‘z navbatida, yoshlarning sodir bo‘lgan voqelikni idrok etish va tahlil qilish, shuningdek, diqqat, xotira va nutq qobiliyatlarini yaxshilaydi.. Mazkur to‘garakda san’atsevar talaba-yoshlar pianino musiqa asbobida milliy kuylarimizni chalish hamda vokal darslarida o‘z ovoz tembrlarini sozlab, qo‘shiq kuylashni qunt bilan o‘rganishmoqda.

Tashkil etilgan to‘garak yoshlarimizni bo‘sh vaqtlarini mazmunli o‘tqazib, san’atga bo‘lgan qiziqishlarini oshirishga, shu bilan bir qatorda, qobiliyatlarini rivojlantirishga xizmat qilmoqda.

Joriy yilning 27-28-aprel kunlari “Ipak yo‘li” turizm va madaniy meros xalqaro universitetining bir guruh talabalari O‘zbekistonning boy turizm salohiyati bilan yaqindan tanishish maqsadida, Xiva shahridagi tarixiy obidalarni ziyorat qilishdi.  

Sayohat davomida talabalar Xiva shahrining madaniy-tarixiy merosi hamda tabiiy boyliklari bilan yaqindan tanishishdi.

Universitet tomonidan tashkil etiladigan ommaviy turistik sayohatlar, mamlakatimiz ichki turizmini rivojlantirish bilan birga talabalarning bo‘sh vaqtini mazmunli tashkil qilish,  nazariya bilan amaliyotning uyg‘unligini oshirishga xizmat qiladi.

25-26-aprel kunlari “Ipak yo‘li” turizm va madaniy meros xalqaro universiteti psixologi Dildora Turdiyeva Oliy ta’lim, fan va innovatsiyalar vazirligi hamda Farg‘ona davlat universiteti tashabbusi bilan o‘tkazilgan “Oiladagi muammolar va ularning psixologik oqibatlari” mavzusidagi respublika ilmiy-amaliy seminarida ishtirok etdi.

Ushbu tadbir respublikaning turli hududlaridan tashrif buyurgan oliy ta’lim muassasalarining yuzdan ortiq amaliyotchi psixologlarini jamladi va tajriba almashish maydoniga aylandi. Seminarda oilaning tinch-totuv, mustahkam bo‘lishida yoshlarning ruhiy salomatligi, psixologik farovonligining muhimligiga ilmiy va amaliy jihatdan batafsil yondashildi.

Universitetimizning kunduzgi va sirtqi yo‘nalishda ta’lim olayotgan talabalari dunyoning ko‘plab davlatlarida xususan Turkiyada ham akamedik almashinuv dasturi doirasida ushbu davlatda bo‘lishadi. Yaqinda universitetimizda o‘tkazilgan yig‘ilishda xorijda xususan Turkiya davlatida bo‘lib turgan talabalarimizning xavfsizlik, asosiy xulq-atvor qoidalari va yuzaga kelishi mumkin bo'lgan muammolarning oldini olish bo'yicha tavsiyalar haqida batafsil ma'lumot berildi.

Talabalarga tibbiy sug'urta qilish va amaliyotga ketishdan oldin barcha kerakli hujjatlarni to'plash tavsiya qilindi. Shuningdek, mehmonxonalar vakillarining aloqa ma'lumotlari, favqulodda vaziyatlarda aloqa qilish tartibi tasdiqlangan.

Yig‘ilishda oliygohimiz talabalariga Turkiyada o'zlari bilan birga olib yurishi lozim bo'lgan shaxsiy himoya buyumlari ro'yxati berildi. Bundan tashqari talabalarning sog'lig'ini nazorat qilish rejasi, har qanday o'zgarishlar to'g'risida majburiy xabar berishi xususida aytildi.  Yig'ilishda yoshlar bilan ishlash bo'limi boshlig‘i, fakultet dekani va tyuterlar ishtirok etishdi.

Joriy yilning 26-aprel kuni oliy ta'lim muassasalari o‘quv ishlari bo'yicha prorektorlarining birinchi respublika forumi Buxoro davlat universitetida o'z ishini boshladi.

Forumda o‘quv jarayonini rejalashtirish va rivojlantirish bo'limi boshlig'i M.A.Yorqulov universitet nomidan ishtirok etdi. 

Anjumanda oliy ta'lim muassasalari ta'lim yo'nalishlari kvalifikatsiyalarini qayta ko'rib chiqish, respublika OTM lari talabalari uchun mustaqil ta'limni ishlab chiqish tartibi va boshqa bir qator dolzarb mavzularda ish olib borildi. Forum o‘z ishini 27-aprel kuni ham o'z ishini davom ettirdi.

Iqlim o‘zgarishining ilk salbiy natijalari 1960-yillarda Orol dengizining qurib hududi cho‘lga aylanishidan boshlanganligini ko‘rish mumkin.

 Ekologiya va iqlim o‘zgarishi vaziriligining tashabbusi bilan  joriy yil aprel oyining ikkinchi o‘n kunligida O‘zbekiston, Latviya, Gruziya, Misr, Qozoqiston, Janubiy Koreya va Buyuk Britaniyadan kelgan bir guruh mohir rassomlar Qoraqalpog‘istonda xususan Mo‘ynoqda bo‘lib, ushbu fojeani o‘z ko‘zlari bilan ko‘rishdi. Ijodkorlar Orol dengizining o‘rnida ko‘rgan barcha kechinmalarini “Ipak yo‘li” turizm va madaniy meros xalqaro universiteti qoshidagi “Art Rezedensiya”ning San’at ustoxonasida kartinalarga tushirdi.

Bu sur’atlar Orol dengizi vayron bo‘lishiga bag‘ishlangan Qumdagi izlar nomli ilk badiiy rezidentlik ko‘rgazmasining tashkil bo‘lishiga zamin yaratdi. Ushbu mohir rassomlar ijod namunalariga bag‘ishlangan ko‘rgazmaning ochilishi kuni kecha 28-aprel kuni tashkil qilindi. Ko‘rgazmada bir guruh rassomlar bilan birga, viloyat hokimligi mutasaddilari, tashkilotchilar, universitet o‘qituvchi va talabalari hamda ommaviy axborot vositalari vakillari, blogerlar ishtirok etishdi.

Dastlab tadbirda so‘z olganlar Orol dengizi nafaqat bir yurtning balki butun dunyoning muammosi ekanligi, ushbu fojeani rassomlar o‘z asralarida namoyish qilishining ahamiyati xususida gapirishdi. Shundan so‘ng Janubiy Koreyalik rassom Kveon Djeongchan Art Rezendiya binosi hovlisida juda katta hajmda bir paytlar Orol dengizida yashagan akulaning va tiriklik dunyosining sur’atini chizdi.

Shundan so‘ng  7 ta davlatdan kelgan buyuk rassomlarning Orol fojeasiga bag‘ishlangan o‘ttizga yaqin turli janrlardagi ijodiy ishlari ko‘rgazmasi boshlandi.  Ko‘rgazma joriy yilning iyul oyigacha davom etadi.