Universitetimiz talaba-yoshlariga turizm va madaniy meros sohalari bo‘yicha mahalliy va xorijlik professor-o‘qituvchilar tomonidan chuqur bilim va ko‘nikmalar berib kelinayapti.

Nazariyani o‘rganish bilan birga, uni o‘z joyida ko‘rish hamda oliygohimiz tyuterlari bilan birga, tarixiy obidalarni va muzeylarni ziyorat qilish maqsadida shahrimizdagi “O‘zbekiston va Xitoy merosi” ekspozitsiyasi hamda “Diniy bag‘rikenglik” muzeyiga sayohat tashkil qilindi. Besh muhim tashabbus doirasidagi ushbu sayohat davomida talaba-yoshlar muzeydagi turli ko‘rgazmalar, qadimiy tangalar, sur’atlar bilan yaqindan tanishdi.