6-noyabr kuni "Ipak yo'li" turizm va madaniy meros xalqaro universitetining faollar zalida xalqaro xayriya yarim marafoni - Samarkand Half Marathon doirasida "Ishga joylashishda inklyuziv" mavzusida konferensiya bo'lib o'tdi. Konferensiya ishtirokchilari jamoatchilik e'tiborini nogironlikning turli shakllari bo'lgan odamlarni ishga joylashtirish masalalariga qaratdilar. Rossiyaning yetakchi madaniy institutlaridan biri vakillari muhokamada inklyuziv muhitni yaratishga qaratilgan amalga oshirilgan loyihalar va tashabbuslarni taqdim etdilar. Nogironligi bo'lgan shaxslarni mahalliy va xalqaro xususiy kompaniyalarga ishga joylashtirish bo'yicha mavjud tajribaga, nogironligi bo'lgan shaxslarni jalb qilish uchun mamlakat qonunchiligida mavjud imkoniyatlar va cheklovlarni aniqlashga alohida e'tibor qaratildi.
Konferensiya yakunida rejadagi "Muvozanat" filmi namoyish etildi. I.Ikramova va Z.Mirzaliyeva.