Joriy yilning 20-22 may kunlari "Ipak yoʻli" turizm va madaniy meros xalqaro universiteti Ma’muriy masalalar bo‘yicha birinchi prorektori D.Nasimov hamda bo‘lim boshlig‘i J.Xolboyev universitet huzuridagi Andijon turizm va servis kollejida va Marg'ilon turizm va madaniy meros texnikumida bo'lib, ularning ish faoliyati bilan yaqindan tanishdi.

Tashrif davomida ta’lim muasassalarining oʻquv xonalari, mehmonxona va turizm oʻquv amaliyoti xonalari, sport zal va faollar zali koʻzdan kechirildi. O‘qituvchi va oʻquvchilar bilan yaqindan muloqot oʻtkazilib, ularni qiziqtirgan savollarga javob berildi. Tashrif soʻnggida kollej rahbariyati bilan ta’lim maskanining kelajakdagi faoliyati haqida fikr almashildi va tegishli koʻrsatmalar berildi.