Dunyoga mashhur “Minyoun Hospitality” mehmonxonalar tarmog‘i (Xitoy) delegatsiyasi “Ipak yo‘li” turizm va madaniy meros xalqaro universitetiga tashrif buyurdi.

Tashrifdan maqsad universitetning turizm sohasida yuqori malakali mutaxassislarni tayyorlash bo‘yicha faoliyati bilan tanishish, shuningdek, Xitoyning mehmondo‘stligi, menejmenti, madaniyati va urf-odatlariga oid noyob kitoblarni taqdim etish hamda Xitoyning turizm sohasidagi tadqiqotlari, dunyodagi eng yirik shaharlarning turizm sohasi haqida batafsil tanishtirish hisoblanadi. Uchrashuvda taniqli mehmonxonalar tarmog‘i rahbariyati tomonidan universitet kutubxonasiga topshirilgan “Minyoun Hospitality” kitobining noyob nashriga alohida e’tibor qaratildi.

Ma’lumot uchun: Minyoun Hospitality – Osiyodagi yetakchi mehmonxonalar guruhi bo‘lib, uning tarkibiga oltita mashhur mehmonxona brendlari – Minyoun Pavilion Hotels, Minyoun Hotels & Resorts, Galaxy Minyoun Collective Hotels, LIA kiradi!  Minyoun, LIA!  Minyoun va UHO mehmonxonalari, shuningdek, Minyoun Yipalace, Minyoun Souphouse va Heqing Asian Restaurant kabi bir nechta restoran brendlari tomonidan tanlangan.

Samarqand shahrida Samarqandni modernizatsiya qilish loyihasi doirasida “Minyoun Hospitality” kompaniyasi “Silk Road Hotel by Minyoun” hamda Minyoun kompaniyasining “Stars of Ulugbek Hotel Lia” mehmonxonalarini jahon andozalari darajasida qurishni rejalashtirmoqda.