“Ipak yo‘li” turizm va madaniy meros xalqaro universiteti tomonidan bakalavriat va magistratura bosqichi tabalarining mamlakatimizda amalga oshirilayotgan ijtimoiy-iqtisodiy islohotlar haqida xabardor qilish, ularning nazariy va amaliy bilimlarini mustahkamlash, O‘zbekistondagi yetakchi xalqaro mavqe`ga ega kompaniyalar faoliyati bilan yaqindan tanishtirish hamda ular faoliyatiga doir ilmiy-tadqiqot ishlarini amalga oshirishlariga  alohida e`tibor qaratiladi.

 Yuqoridagi vazifalar ijrosini ta`minlash maqsadida, 2024 yil 25-noyabr kuni jami 85 nafar magistr va bakalavrlari uchun Turizm kafedrasi dotsenti, PhD F.Zoxidov, kafedra assistentlari S.Mardonov va A.Davronov boshchiligida SAG MChJning mahsulot ishlab chiqarish jarayoning texnik va tashkiliy jihatlari, tayyor mahsulotni mahalliy va xalqaro bozorda savdosi tartibi, narx siyosati, brending, ishlab chiqarish jarayonidagi qo‘llanilayotgan innovatsiyalar hamda “SAG Express” korxonasi faoliyatiga  doir korxona bo‘yicha tanishuv ekskursiyasi va ish faoliyatiga doir davra suxbatini tashkil etildi.

Shuningdek, ishtirokchilar “Samarkand silk carpets” korxonasi faoliyati bilan ham yaqindan tanishdilar, korxonada gilamlarni ishlab chiqish, turistlarga xizmat ko‘rsatish jarayonlari, brending hamda sotuv hajmini oshirilishiga doir ishlar haqida taqdimot bo‘lib o‘tdi.

Amalga oshirilgan safar davomida ishtirokchilar olingan bilim va ko‘nikmalarini ilmiy – tadqiqot ishlarida qo‘llash, ularga doir ilmiy taklif va mulohazalar ishlab chiqish hamda amaliy hamkolikka doir ishlarni kuchayrishni belgilab olishdi.

26-noyabr kuni “Ipak yo'li” turizm va madaniy meros xalqaro universiteti xotin-qizlar kengashi tomonidan universitetda faoliyat yuritayottgan professor-o’qituvchilar va xodimlarning farzandlari uchun "Kitobxonlik oiladan boshlanadi, kitobxon ona-kitobxon bola" mavzusida tadbir tas’hkil etildi.

Tadbirda universitet xotin-qizlar kengashi raisi M.Abbasova kitobga muhabbat, avvalo, oiladan boshlanishi xususida gapirib ishtirokchi yosh kitobxonlarni kitob o’qishga bo‘lgan qiziqtirishlarini oshirish ularni doimiy rag‘batlantirib borish lozimligini takidladi.

Tadbirda universitet Yoshlar bilan ishlash va tadbirlar bo’limi  xodimi, Yoshlar yetakchisi va fakultet tyutorlari, ota-onalar ishtirok etishdi.

Universitetimiz huzuridagi Art Rezedensiyaga borgan kishi o‘zini bir ijodiy muhitga  tushib qolgandek his qiladi.

Talabalarimizning bo‘sh vaqtini mazmunli tashkil qilish maqsadida tyuter S.Abbasova boshchiligidagi bir guruh 3-bosqich talabalari Art Rezendsiyadagi ijodiy namunalarni tomosha qilishdi. Devorlardagi taniqli rassomlar tomonidan chizilgan turli rasmlar, Orol dengizining bugungi kundagi ahvolidan so‘zlovchi namunalar talabalarda bir olam taassurot qoldirdi.

Tyuterlar tomonidan talabalarimizning bo‘sh vaqtida turli ma’naviyat  maskanlariga va muzeylarga tashriflari davom etmoqda.

Joriy yilning 22-noyabr kuni 08.00.17 – Turizm va mehmonxona faoliyati ixtisosligi bo‘yicha malakaviy imtihon muvaffaqiyatli o‘tkazildi.

Imtihon jarayonlari belgilangan tartib va qoidalarga muvofiq, shaffoflik hamda ochiqlik tamoyillari asosida tashkil etildi. Barcha ishtirokchilar o‘z bilimlarini nazariy va amaliy jihatdan namoyish etishdi.

Joriy yilning 23-noyabr kuni “O‘zbekistonda birinchi global sayyohlik media kampusi” dasturi asosida yurtimizda global sayyohlik media kampusi (Global Travel Media kampus) ishtirokchilaridan iborat xalqaro OAV vakillari va blogerlar universitetimizga tashrif buyurishdi.

Xitoy, Quvayt, Pokiston, Indoneziya, Hindiston, Qirg‘iziston, Rossiya va Latviyadan kelgan 30 nafar jurnalist hamda bloger asosan dunyoning turizm sohasi jurnalist va blogerlari hisoblanishadi. Shuningdek mehmonlar Turizm akademiyasi va u yerdagi imkoniyatlar, talaba-yoshlar uchun yaratilgan sharoitlar bilan tanishdi. 

Bugungi kunda talaba-yoshlarning bo‘sh vaqtini mazmunli tashkil qilish maqsadida turli tadbirlar, davra suhbatlari va sayohatlar tashkil qilib kelinayapti.

20-noyabr kuni ham bir guruh talabalarimiz Samarqand shahridagi viloyat musiqali drama teatrida tarixda Imom Buxoriy ziyoratgohiga  Indoneziya prezidenti Sukarno janoblarining tashrifi asosida tayyorlangan sahna asarini tomosha qilishdi. Ushbu real voqealarga asoslangan sahna asari talaba-yoshlarda juda katta taassurot qoldirish bilan birga, ulug‘ ajdodlarimizga bo‘lgan hurmat izzatni yana bir marotaba oshirishga xizmat qildi. 

Yoshlar bilan mahallabay ishlash va tadbirlar bo‘limi tomonidan
universitetimiz talabalari uchun “Biz-sog‘lom turmush tarzi tarafdorimiz!” mavzusida targ‘ibot tadbiri tashkil qilindi.
Har yili 1-dekabr sanasi an’anaviy ravishda “OITSga qarshi butunjahon kurash kuni” sifatida nishonlanadi. Bu sanada OITSga qarshi kurashish, targ‘ibot tadbirlarini keng miqyosda olib borish masalalariga keng jamoatchilik e’tiborini qaratish maqsad qilinadi.
6-noyabr kuni “Ipak yo‘li” turizm va madaniy meros xalqaro universiteti hamda Samarqand OIV va OITS markazi hamkorlikda “Biz – sog‘lom turmush tarafdorimiz!” mavzusida bo‘lib o‘tgan tadbirda Samarqand OIV va OITS markazi epidemiolog shifokori D.Sulaymonova hamda universitetimiz shifokori S.Mustafaqulova, universitet profilaktika inspektori Sh.Qurbonov, guruh tyutori P.Islamovlar talabalarga OIV va OITS kasalligining kelib chiqishi, insonga ta’siri kabi ma’lumotlar hamda sog‘lom turmush tarziga rioya qilish haqida zarur tavsiyalarini berdi.
Qizg‘in savol-javoblarga boy o‘tgan tadbirda talabalar mavzu yuzasidan muhim ma’lumotlarga ega bo‘lishdi.