“Yozma va og‘zaki tarjima tadqiqotlari” kafedrasi o‘qituvchisining  Guide 223 guruhi talabalari uchun xitoy tilidan juda qiziqarli bo‘lgan interaktiv dars berish jarayonlaridan fotolavhalar.

Bugun 14-mart kuni tashkil qilingan “Ma’rifat soati” Pushkin nomidagi viloyat axborot-kutubxona markazida o‘tkazilib, unda 1-bosqich TTCH-124 guruh talabalari ishtirok etishdi. “Ma’rifat soati” ning mavzusi “Kitob- hayotni yaratuvchi muallim” deb nomlandi.

Universitetimiz  “Yozma va og‘zaki tarjima tadqiqotlari” kafedrasi mudiri T.Akramova va kafedra o‘qituvchisi M.Baymatova Toshkent shahrida Koreya ta’lim markazi tomonidan tashkil qilingan “Ta’lim muasassalari o‘rtasida ta’lim almashinuvini mustahkamlash va rivojlantirish” mavzusidagi konferensiyada ishtirok etmoqda. Konferensiyada “Yozma va og‘zaki tarjima tadqiqotlari” kafedrasi o‘qituvchisi M.Baymatova “Ipak yo‘li” turizm va madaniy meros xalqaro universitetida koreys tilidan talabalarga berilayotgan dars jarayonlaridagi ilg‘or pedogogik amaliyotlar xususida gapirdi.

“Bir million dasturchi” loyihasining https://uzbekcoders.uz platformasi orqali “Coursera” kompaniyasining onlayn ta’lim resurslaridan foydalanish imkoniyati yaratilgan. 300 dan ortiq yetakchi universitet va kompaniyalarning 13 000 ga yaqin kurslarida tahsil oling

“Ipak yo‘li” turizm va madaniy meros xalqaro universiteti Talabalar turar joyida talaba-yoshlarning bo‘sh vaqtini mazmunli tashkil qilish maqsadida turli sport o‘yinlari o‘tkazilib kelinayapti. Kuni kecha 13-mart kuni Talabalar turar joyidagi o‘yingohda barcha bosqich talabalar ishtirokida futbol musobaqasi tashkil qilindi. Musobaqada 4 ta jamoa ishtirok etib g‘oliblik uchun bellashishdi

13-mart kuni “Ipak yo‘li” turizm va madaniy meros xalqaro universitetida “Milliy qadriyatlar haftaligi” doirasida “Milliy kiyimlar kuni”, “Milliy hamda sport o‘yinlari” kunlari o‘tkazildi. Tadbirlarda oliygohimiz talabalari sportning badminton, shaxmat-shashka kabi sport o‘yinlarida o‘zaro bellashishdi.
Ushbu loyihalardan ko‘zlangan maqsad talaba-yoshlarning bo‘sh vaqtini mazmunli tashkil qilish va milliy qadriyatlarimizni asrab-avaylashdan iborat.

Bugun 13-mart kuni universitetimizning bir guruh 1-2-bosqich talabalari ruzai ramazon kunlarida Samarqand shahridagi "Saxovat uyi"da yashayotgan keksalar va nogironligi bo‘lgan insonlar xolidan xabar olishdi. Talabalarimiz "Saxovat uyi"ga tashrifi davomida bu yerda istiqomat qilayotgan otaxon va onaxonlar bilan yaqindan muloqot qilib, ularning quvonch va tashvishlari bilan o‘rtoqlashdi

“Ipak yo‘li” turizm va madaniy eros xalqaro universiteti Yoshlar Ittifoqining universitetdagi boshlang‘ich tashkiloti tomonidan “Milliy qadriyatlar haftaligi” haftaligining dastlabki loyihasida - qirg‘iz kino ijodkorlari tomonidan suratga olingan “Jannat onalar oyo‘g‘i ostida” filmini tomosha qilishdi. Shuningdek haftalik doirasida talabalarga Milliy kiyimlar kuni, turli davlat milliy  taomlari ishtirokida iftorlik dasturxoni, “Chavandozlik maktabi”ga sayohat kabi bir qancha qiziqarli loyihalar taqdim etiladi.

Ushbu haftalikda talabalar madaniy merosimizni chuqurroq o‘rganish va uni yanada qadrlash imkoniyatiga ega bo'ladilar.

2025-yilning 22-fevraldan 11-martgacha Indoneziyaning Gunadarma universiteti tomonidan tashkil etilgan o‘quv seminarlarida universitet o‘qituvchilari va talabalari muvaffaqiyatli ishtirok etishdi. O‘quv kurslari davomida Gunadarma universitetining Turizm va madaniy meros yo‘nalishidagi mutaxassislari tomonidan dars mashg‘ulotlari olib borildi. Nazariy va amaliy darslarda Indoneziya tili, madaniyati va turizmning o‘ziga xos jihatlari o‘rganildi.

O‘quv kursining yakunida Gunadarma universiteti tomonidan “Indoneziyadan Samarqandgacha: Ipak yo‘lidagi madaniy va turizm aloqalarni kashf qilish” (“From Indonesia to Samarkand: Discovering Cultural and Tourism Connections on the Silk Road”) nomli xalqaro seminar tashkil etildi.

Tadbir yakunida o‘quv kurslarini muvaffaqiyatli yakunlagan o‘qituvchilar va talabalarga sertifikatlar topshirildi.

Bugun 12-mart kuni talabalar o‘rtasida sog‘lom turmush tarzini shakllantirish, bugungi kunda global muammoga aylanib borayotgan OITS kasalligi haqida zarur tushunchalar berish maqsadida viloyat OITSga qarshi kurashish markazi shifokori A.Jo'rayev bilan uchrashuv tashkil qilindi. Davra suhbati shaklida o‘tgan uchrashuvda mutaxassis OIV infeksiyasi va undan saqlanish  haqida batafsil ma’lumotlar berdi.