“Ipak yo‘li” turizm va madaniy meros xalqaro universiteti yopiq suzish havzasida universitetning professor-o’qituvchilari, xodimlari va talabalari uchun O‘zbekiston Respublikasi Favqulodda vaziyatlar vazirligi, O‘zbekiston Respublikasi Vazirlar Mahkamasining “Ommaviy tadbirlarni tashkil etish va o‘tkazish tartibini yanada takomillashtirish chora-tadbirlari to‘g‘risida”gi hamda “O‘zbekiston Respublikasi akvatoriyalarning plyaj zonalarida dam oluvchilarning xavfsizligini ta’minlashga doir qo‘shimcha chora-tadbirlar to‘g‘risida”gi qarorlar ijrosini ta’minlash maqsadida suvda cho‘kish bilan bog‘liq noxush holatlarning oldini olish yuzasidan targ‘ibot tadbiri o‘tkazildi.
Universitetning Sport mashg’ulotlari bo’limi bosh mutaxassisi va murabbiyi tomonidan cho‘milish uchun ochiq suv havzalarida suvning harorati 17 darajadan yuqori va 30 darajadan past bo‘lishi kerakligi, cho‘miluvchilar esa qizib turgan paytda sovuq suvga birdan tushmasliklari aks holda tomirlar tortishi va bu orqali cho‘kish holati yuzaga kelishi mumkinligi borasida qatʼiy ogohlantirishlar berildi.
Joriy yilning 30 may kuni soat 11:00 da “Ipak yo‘li” turizm va madaniy meros xalqaro universiteti faollar zalida O‘zbekiston xalq yozuvchisi, adabiyotshunos olim, professor, tarjimon, shoir va jamoat arbobi Muhammad Ali bilan adabiy badiiy uchrashuv o‘tkaziladi.
Bugungi kunda Muhammad Alining ko‘plab tarixiy asarlari xalqimiz tomonidan sevib mutolaa qilib kelinmoqda. Ushbu buyuk ijodkor bilan muloqot qilish istagida bo‘lgan barcha universitetimiz professor-o‘qituvchilarini, talabalarni ushbu uchrashuvga taklif qilamiz. Ijodiy kechadan bebahra qolmang.
Oliy ta’lim, fan va innovatsiyalar vazirining 2024-yil 10-maydagi “Respublika oliy ta’lim muassasalarining o‘zi joylashgan shahar hamda tumandagi mavjud bog‘ va xiyobonlarda tadbirlar tashkil etish to‘g‘risida”gi reja-jadvalining ijrosini ta’minlash maqsadida “Ipak yo‘li” turizm va madaniy meros xalqaro universiteti talabalari guruh tyutorlari hamrohligida universitet xiyobonida bo‘lishdi.
Tyutorlar tomonidan talabalarga o‘zbek xalq milliy o‘yinlaridan raqslar, laparlar, aytishuvlar, askiyalar va shu bilan bir qatorda avloddan avlodga o‘tib kelayotgan kurash, ot o‘yinlari, poyga, dorboz, tosh ko‘tarish, arqon tortish, bilakda kuch sinashish kabilar haqida batafsidl ma’ulmotlar berildi.
Shuningdek talabalarimiz yelka kurash, xo‘roz changi, chillik va boshqa milliy o‘yinlarimiz haqida fikr almashinib, talabalarimiz milliy raqslarimizdan “Andijon po‘lkasi” rasqsiga tushishdilar.
Milliy raqslarimiz va xalq o‘yinlarini o‘sib kelayotgan yosh avlodlarimizga etib borishida bu kabi tadbirlarning o‘tkazilishi muhim ahamiyat kasb etadi.
“Ipak yo‘li” turizm va madaniy meros xalqaro universitetining sport klubi tashabbusi bilan joriy yilning 24 may kuni Silk Raod open Badminton Championship musobaqasi tashkil qilindi. Badminton bo‘yicha ochiq chempionatda viloyatimizdagi beshta oliy ta’lim muasassasi talabalari hamda universitetimiz magistrlari, talaba-yoshlari o‘zaro bellashdi. Sport tadbiri qiziqarli bellashuvlarga boy bo‘lganligi bilan ajralib turdi. Tadbirda talaba-yoshlar jamoalarga bo‘lingan holda o‘zaro bellashishdi.
Natijalarga ko‘ra,
Badminton o'gil bolalar o‘rtasida;
1-o'rin Muhammad Khubaib, SamDTU
2-o'rin Shodiyev Dilshod, O'zFin
3-o'rin Jumaqulov Quvonchbek, O'zFin.
Badbinton qiz bolalar o‘rtasida;
1-orin Sanjarova Amina, Sam DTU
2-o'rin Yokubova Mohina, “Ipak yo'li” turizm va madaniy meros xalqaro universiteti
3-orin Djurakulova Sarvinoz, O'zFin
O‘g‘il va qiz bolalar o‘rtasida;
1-o'rin Qosimova Lobar Arch 123 - Lapasov Shuhrat Tour 223.
2-o'rin Rakhimova Leyla Tour 223 -Abdurahmonov Muhammadlaziz Man tour 223.
3-o'rin Rozikov Amirjon Tour 120 - Yakupbaeva Iroda Man tour 123.
Bugun yurtimizda kuzatilayotgan ob-havo sayohat va turizm uchun juda qulay bo‘lmoqda. Universitetimiz yoshlar yetakchisi S.Haydarov va bir guruh faol talabalarimiz tashabbusi bilan 25 may kuni Jizzax viloyatining Zomin tumanidagi Zomin dam olish zonasiga bir kunlik sayohati tashkil qilindi. Talabalarimiz ushbu imkoniyatdan oqilona foydalangan holda Zomin dam olish zonasidagi turizm va xizmat ko‘rsatish borasidagi yangiliklar bilan tanishdi.
"Ipak yo'li" turizm va madaniy meros xalqaro universiteti doktorantlari Dilrabo Mardonova hamda Shohista Toyirova joriy yilning 24-may kuni Shvetsariyaning Kreuzlingen shahrida, Germaniya, Shvetsariya, Xorvatiya, Bosniya, Chexiya, Bolgariya, Ispaniya, Polsha davlatlari vakillariga yurtimiz madaniyati, milliy taomlari va liboslarini namoyish etishdi. Ushbu tadbir Yevropa xalqlarida yurtimizga bo'lgan qiziqishni yanada ortishiga sabab bo'ldi.
Ma’lumki 25-may kuni yurtimizdagi barcha umumta’lim maktabalarida so‘nggi qo‘ng‘iroq tadbirlari o‘tkazildi. Universitetimiz Ma’muriy masalalar bo‘yicha birinchi prorektori D.Nasimov ham Kattaqo'rg'on tumani Maktabgacha va maktab ta'limi bo'limiga qarashli 56-sonli maktabda o‘tkazilgan so'nggi qo'ng'iroq tadbirida ishtirok etib barcha bitiruvchilarni qutlagan holda bilimli, zukko bo‘lgan hamda turizm sohasiga qiziqqan yoshlarni “Ipak yo‘li” turizm va madaniy meros xalqaro universitetiga o‘qishga taklif qildi.
Tadbirda a'lo baholarga o'qigan, namunali o'quvchilarga Faxriy yorliqlar topshirildi.
Ushbu yilning 26-may kuni Xitoyning “Ipak yo'li” jamg'armasi bosh menejeri Kay Xuejun “Ipak yo'li” turizm va madaniy meros xalqaro universitetiga tashrif buyurdi. Delegatsiya a’zolarini universitetimiz rektori A.Abduxakimov kutib oldi va oliygoh bilan yaqindan tanishtirdi. Hali yosh bo‘lishiga qaramay juda katta muvaqqiyatlarga erishib kelayotgan universitetimiz mehmonlarda katta qiziqish o‘yg‘otdi.
Ayniqsa bosh menejer Kay Xuejun universitetda talaba-yoshlar uchun yaratilgan shart-sharoitlardan hayratga tushgan holda universitet bilan hamkorlikni kengaytirish va O'zbekistonda turizmni rivojlantirish, madaniy merosni asrab-avaylash istagi borligini bildirdi.
Joriy yilning 26-may kuni universitetimizga Shanxay Siti shahri vitse-meri Lu Dou boshchiligidagi delegatsiya tashrif buyurdi. Mehmonlarni universitetimiz Ma’muriy masalalar bo‘yicha birinchi prorektori D.Nasimov, prorektor Tongqian Toni Zou kutib oldi va oliygoh faoliyati bilan yaqindan tanishtirdi. Shuningdek delegatsiya a’zolari, Turizm Akademiyasiga, BMTning Ipak yo‘li turizm tematik idorasi bilan ham yaqindan tanishdi.
Shanxay Siti shahri vitse meri Lu Duo “Ipak yo‘li” turizm va madaniy meros xalqaro universiteti bilan o‘qituvchilar va talabalar almashinuvi, qo‘shma tadqiqotlar va Xitoy tilini o‘qitish sohalarida hamkorlikni yo‘lga qo‘yish xususida ham fikr almashdi. Ahamiyatlisi delegatsiya a’zolarida universitetimizda yaratilgan shart-sharoitlar va imkoniyatlar juda katta taassurot qoldirdi.
Ushbu yilning 17-19 may kunlari Toshkent Davlat Iqtisodiyot universiteti tomonidan Qoraqalpog‘iston Respublikasining Xo‘jayli tumanida madaniy merosni o‘rganish va barqaror turizmni rivojlantirish bo'yicha xalqaro konferensiya tashkil etildi.
Konferensiyada “Ipak yo'li” turizm va madaniy meros xalqaro universiteti prorektori, prof. Tongqian Toni Zou “Iqlim o'zgarishi va turizmni o'zgartirish: nazariy chegaralar va eng yaxshi amaliyotlar" mavzuida ma’ruza qildi. Anjumanda oliy ta'lim, ilmiy tadqiqotlar va innovatsiyalar vaziri, professor Qo‘ng‘irotboy Sharipov so'zga chiqib ushbu konferensiyaning ahamiyati xususida gapirdi. Shuningdek anjumanda tinchlik uchun Nobel mukofoti sovrindori, YUNESKOning O'zbekistondagi komissiyasi mutasaddilari, YUNEP va Garvard universiteti ekspertlari o‘z ma’ruzalari bilan ishtirok etdi. Ushbu konferensiyada 200 dan ortiq olimlar, rasmiylar va universitet talabalari ishtirok etishdi.
140104, O’zbekiston Respublikasi, Samarqand shahri, Universitet xiyoboni, 17
dummy+99866 240-67-68
dummy info@univ-silkroad.uz