Milliy liboslar haftaligida universitetimizning 1- bosqich TTE-124 guruhi
talabalari jamoasi ham faol ishtirok etishdi.

Bugun, 28-fevral kuni Xotin-qizlar kengashi tashabbusi bilan “Sadoqat saroyining mangu malikasi yoxud Zulfiyaxonim” nomli ma’naviy-ma’rifiy tadbir tashkil qilindi. She’riyat kechasiga Yozuvchilar uyushmasi viloyat bo‘limi rahbari T.Tugalov va shoirlar taklif qilindi.
Tadbirni universitetimiz Xotin-qizlar kengashi raisi M.Abbasova kirish so‘zi bilan ochib, barchani kirib kelayotgan bahor ayyomi bilan qutladi va Zulfiyaxonim ijodi va faoliyatiga to‘xtalib o‘tdi.
Bu yil Zulfiyaxonim tavalludining 110-yilligi mamlakatimizda keng nishonlanmoqda. Tadbirda Yozuvchilar uyushmasi viloyat bo‘limi rahbari T.Tugalov va shoir Muhammad Rizo so‘z olib, shoira ijodidan namunalar o‘qish bilan birga ijodkorning betakror isteʼdodi, vatanga, yorga bo‘lgan muhabbatini ta’riflab berishdi. She’riyat kechasida universitet talabalari ham turli tillarda Zulfiyaxonim ijodidan she’rlar o‘qib, qo‘shiqlar kuylashdi. Tadbir so‘nggida Zulfiyaxonim va uning turmush o‘rtog‘i H.Olimjon haqilagi sahna ko‘rinishi namoyish qilindi.
Bir so‘z bilan aytganda, o‘zbek xalqining buyuk shoirasi Zulfiyaxonim tavalludiga bag‘ishlangan tadbir talabalarimizda katta taassurot qoldirganligi bilan ahamiyatli bo‘ldi.

2025 yil 28-fevral kuni "Ipak yo‘li" turizm va madaniy meros xalqaro universiteti Man-224 guruhi talabalari hamda guruh tyutori M.Tilavov va universitet profilaktika inspektori Sh.Qurbonov hamkorligida "Biz odam savdosiga qarshimiz" mavzusida davra suhbati o'tkazildi.

Seminarga universitet Ilmiy tadqiqotlar va innovatsiya ishlari bo‘yicha prorektori Tongqian Zou tomonidan Jizzax viloyat turizm qo‘mitasi Turizm departamenti direktori Egamberdiyev Aziz taklif etilgan.

Seminar mavzusi: Jizzax viloyatining turizm salohiyati

Seminar o‘tkazilish vaqti: 3-mart, 2025-yil soat 15:30-16:30

Seminar o‘tkazilish joyi: Universitet binosi, 229-xona.

Barcha professor-o‘qituvchilar, ilmiy izlanuvchilar talabalar va qiziquvchilarni ushbu ilmiy seminarga taklif etamiz!

Bugun, 27-fevral kuni “Ipak yo‘li” turizm va madaniy meros xalqaro universiteti psixologi D.Turdiyeva va tyutor M.Tilavov tomonidan “Logistika” va “Muzeyshunoslik” yo‘nalishlarida tahsil olayotgan 1-bosqich talabalari uchun psixologik treninglar tashkil etildi.

Tadbirda hozirgi zamon insonining tushkunlik, ruhsizlik, hafsalasizlik holatiga tushishining psixologik sabablari haqida batafsil ma’lumot berildi. Amaliy qismda talabalarning ayni damdagi kayfiyatini ranglarda ko‘ruvchi psixologik texnika bajarildi. Guruhdagi jamoaviy ruh, jipslik, birdamlikni shakllantiruvchi harakatli o‘yinlar, tanani tonusga keltiruvchi psixogimnastik mashqlar qiziqarli tarzda amalda qo‘llanildi.

Treninglar ko‘tarinki ruhda o‘tdi va barcha ishtirokchilarda ijobiy taassurot qoldirdi, talaba yoshlarning ko‘zlangan maqsadlari sari olg‘a borish uchun ajoyib motivatsiya bo‘ldi.

Hurmatli universitetimiz professor-o‘qituvchilari hamda talabalar Yutub kanalidagi ushbu kontent haqida yuqoridagi havola orqali kirib tomosha qilishingiz mumkin.

https://youtu.be/9U6btotQv74?si=BT78HjuYC578NO0c

Sizni 2025-yil 28-fevral kuni soat 10:00da 230-ma’ruza zalida bo‘lib o‘tadigan “O‘zbekistonni JSTga a’zo bo‘lishining iqtisodiy oqibatlari” mavzusidagi ilmiy seminarga taklif qilamiz.

Mazkur tadbir marketing va qabul bo‘limi tomonidan tashkillashtirilmoqda. Mazkur uchrashuv O’zbekistonni JSTga a’zo bo ‘lishi va uning iqtisodiy oqibatlari, turizm sohasiga ta’siri kabi dolzarb masalalarni muhokama qilish, ilmiy-amaliy tajriba almashish va sohaga oid innovatsion yondashuvlarni o‘rganish uchun muhim platforma bo‘lib xizmat qiladi.

Barcha qiziquvchilarni ushbu muhim ilmiy seminarda ishtirok etishga chorlaymiz!

O‘zbekiston Respublikasi Vazirlar Mahkamasining 2023-yil 1-maydagi 176-sonli "Axborot-kutubxona xizmati ko‘rsatish sohasida davlat xizmatlarining ma’muriy reglamentlarini tasdiqlash to‘g‘risida"gi qaroriga muvofiq, "Ipak yo‘li" turizm va madaniy meros xalqaro universiteti jurnali 2025-yil 27-fevralda xalqaro standart seriya raqamini (ISSN) oldi. Jurnal axboroti quyidagicha:

Jurnal nomi: Ipak yo‘li turizmi tadqiqotlari jurnali.

Berilgan ISSN raqami: 3060-530X

“Ipak yo‘li” turizm va madaniy meros xalqaro universiteti HOTEL BUSINESS FORUM – 2025 forumida "Kadrlar tayyorlash bo'yicha eng yaxshi universitet" sifatida e'tirof etildi. Mukofot 25-26 fevral kunlari o‘tkazilgan xalqaro forum munosabati bilan o‘tkazilgan tantanali tadbirda topshirildi.

Ushbu yuksak mukofot bilan universitetimizning barcha professor-o‘qituvchilarini, xodimlarini va talabalarini muborakbod etamiz

O‘zbekiston Respublikasi Oliy ta’lim, fan va innovatsiyalar vazirligi va O‘zbekiston Respublikasi Prezidenti huzuridagi Ijtimoiy himoya milliy agentligi talaba yoshlar orasida aholining ijtimoiy himoyasi va turmush tarzini yaxshilashda faolligini oshirish maqsadida O‘zbekiston Respublikasidagi oliy ta’lim muassasalarida 2024/2025-o‘quv yili bakalavriat ta’lim yo‘nalishi va magistratura mutaxassisligining bitiruvchi kurs talabalari o‘rtasida o‘tkaziladigan “Ijtimoiy taraqqiyot uchun” tadqiqot ishlari tanlovini e’lon qiladi (Ijtimoiy himoya yo’nalishida ilmiy izlanuvchilar va tadqiqotchilar uchun TANLOV). Tanlovda ishtirok etish uchun tadqiqot mavzusi quyidagi yo‘nalishlardan biri bo‘yicha bo‘lishi shart:

• ijtimoiy himoya siyosati;
• kambag‘allikni baholash va qisqartirish;
• nogironligi bo‘lgan shaxslarning ijtimoiylashuvi;
• faol va sog‘lom keksayish;
• parvarishlash iqtisodiyoti;
• ayollar va bolalarga nisbatan zo‘ravonlik;
• ota-ona qaramog‘idan mahrum bo‘lgan bolalarning ijtimoiy himoyasi;
• migrantlar va ularning oilalarini ijtimoiy himoya qilish;
• ijtimoiy himoyada xulq-atvor iqtisodiyoti;
• adolatli o‘tish davrida aholining muhtoj qatlamlarini himoya qilish;
• rasmiy va norasmiy sektor ishchilarini ijtimoiy himoya qilish;
• ijtimoiy himoya tizimini raqamlashtirish.

Talabgorlar quyidagi hujjatlar to‘plamini elektron shaklda Этот адрес электронной почты защищён от спам-ботов. У вас должен быть включен JavaScript для просмотра. elektron pochta manziliga 2025-yil 15-mayga qadar yuborishlari mumkin:

• talabgorning talabalik guvohnomasi yoki boshqa tasdiqlovchi hujjat;
• to‘liq tadqiqot (BMI, dissertatsiya) qo‘lyozmasi;
• tadqiqot (BMI, dissertatsiya) annotatsiyasi.

Xat mavzusiga “Ijtimoiy taraqqiyot uchun” deb yozish talab qilinadi. Hujjatlar qabul qilingani haqidagi javob xati yuboriladi.

Tanlov haqida qo‘shimcha ma’lumotlar Ijtimoiy himoya institutining Telegram kanalida (https://t.me/ihri_uzb) e’lon qilib boriladi.

Tanlov shartlari bilan bog‘liq boshqa savollarni Этот адрес электронной почты защищён от спам-ботов. У вас должен быть включен JavaScript для просмотра. elektron pochta manziliga yuborish so‘raladi.