1-iyun “Xalqaro bolalarni himoya qilish kuni” munosabati bilan universitet Sport mashg‘ulotlari bo‘limi tomonidan “Ipak yo‘li” turizm va madaniy meros xalqaro universiteti suv havzasida oliygohimizda ta’lim olayotgan xorijlik va mahalliy talabalar hamda Samarqand shahridagi to‘rtta mahalla yoshlari o‘rtasida suzish sporti bo‘yicha musobaqa tashkil qilindi. Musobaqada mahalla yoshlari va universitetimiz talabalari yakkalik va jamoaviy kurash olib borishdi. Musobaqa yakuni bo‘yicha yuqori natijani qayd etgan ishtirokchilar munosib taqdirlandi.
Ushbu yilning 31-may kuni Toshkent shahrida yosh professional amaliyot xalqaro dasturining (YPIP) ochilish tadbiri bo‘lib o‘tdi. Ushbu 3 oylik yozgi amaliyot dasturi talabalar uchun malaka oshirish sessiyalari, tarmoq imkoniyatlari va murabbiylik bilan mashg‘ul bo‘lish va o‘z bilim va tajribasini oshirish uchun qulay imkoniyat hisoblanadi. Tadbirda yurtimizning barcha hududlaridan kelgan talabalar bilan birga “Ipak yo'li” turizm va madaniy meros xalqaro universiteti 3-kurs talabalari Abduvoxidova Munisa, Arslonova Go'zal va Albina Xolieva ham kasbiy amaliyot dasturida ishtirok etishdi.
Oliy ta’lim, fan va innovatsiyalar vazirining 2024-yil 10-maydagi “Respublika oliy ta’lim muassasalarining o‘zi joylashgan shahar hamda tumandagi mavjud bog‘ va xiyobonlarda tadbirlar tashkil etish to‘g‘risida”gi 01-01-100-sonli reja-jadvalining ijrosi hamda talaba-yoshlarda bilim olishga bo‘lgan qiziqishni yanada oshirishi maqsadida “Ipak yo‘li” turizm va madaniy meros xalqaro universitetida faoliyat yuritayotgan tyutorlar guruhi tomonidan talabalar o‘rtasida “Zakovat” o‘yini o‘tkazildi.
Universitet xiyobonida tashkil etilgan Intellektual o‘yin tabiat qo‘ynida bo‘lib o‘tganligi va qizg‘in va murosasiz bo‘lganligi bilan talabalarda katta taasurot qoldirdi. O‘yin yakuni bilan yuqori bilim va zakovatga ega yoshlar o‘yin g‘olibi bo‘lishdi.
Ushbu yilning 30-may kuni Payariq tumanida arxeologok yodgorliklar va madaniy meros obyektlarini muhofaza qilish, ularni asrab-avaylashni yanada yaxshilash maqsadida o‘quv-amaliy seminar bo‘lib o‘tdi.
Payariq tumani hokimligida o‘tkazilgan seminarda "Ipak yo‘li" turizm va madaniy meros xalqaro universiteti Tarix va madaniy meros kafedrasi dotsenti M.Xidirov, Tillar va global tadqiqotlar kafedrasi assistenti F.Sattarov, Arxeologiya ilmiy tadqiqot instituti bo‘lim boshlig‘i H.Xoshimovlar Payariq tumani hududidagi mavjud 97 ta tarixiy ahamiyatga ega madaniy meros obyektlarini saqlash yuzasidan zarur tavsiyalarini berishdi.
Turizm kafedrasi professor-o‘qituvchilari O‘Zbekiston Respublikasi Prezidentining PQ-135-son qarori ijrosini ta’minlash maqsadida Samarqand viloyatining Urgut hamda Samarqand tumanlarining turizm salohiyatini o‘rganish maqsadida tumanda joylashgan turistik obyektlar faoliyati bilan tanishdi. Jumladan, Urgut tumanida joylashgan Teshiktosh, Qoratepa suv ombori, Ming archa dam olish maskani hududdagi xorijlik mehmonlarni o‘ziga jalb qiluvchi turistik manzillar ekanligi aniqlandi.
Shuningdek, tumanda joylashgan Tersak turizm qishlog‘i yangi rivojlanib borayotgan turizm maskani sifatida mahalliy va xorijiy turistlar tashrif buyurayotgan navbatdagi manzil ekanligi alohida qayd etildi.
Samarqand tumanida joylashgan Ohalik-Mironqul-Oqbo‘yro hududlarida tashkillashtirilgan dam olish maskanlari mahalliy va xorijiy sayyohlar tomonidan katta qizishga sabab bo’layotgani aniqlandi. Hududda joylashgan dam olish maskanlaridagi sanitar va gigiyena qoidalariga yetarlicha amal qilinmayotganligi xususida ma’sullarga tegishli ko‘rsatmalar berildi.
Yuqoridagi aniqlangan kamchiliklarni bartaraf etish maqsadida ushbu hududlarda faoliyat olib borayotgan xizmat ko‘rsatish sohasida faoliyat olib borayotgan xodimlariga kafedra professor-o‘qituvchilari tomonidan mahorat darslari tashkil qilindi.
“Ipak yo‘li” turizm va madaniy meros xalqaro universiteti 4-bosqich talabasi Saffullayev Maxsud Nurillo o‘g‘li sportning Jiu-jitsi sport turi bo‘yicha 19-may kuni Toshkent shahrida o‘ndan oshiq Osiyo va boshqa davlatlar orasida o‘tkazilgan Osiyo ochiq chempionatida birinchi o‘rinni qo‘lga kiritib Osiyo chempioniga aylandi.
Talabamizni ushbu muvaffaqiyati bilan universitetimiz jamoasi nomidan muborakbod etamiz.
Joriy yilning 30-May kuni, “Ipak yo‘li” turizm va madaniy meros xalqaro universitetiga Shvetsariya Federal Syurix Texnologiya Instituti Ta’lim tizimlari bo‘limi mudiri Prof. Dr. Ursula Renold boshchiligidagi delegatsiya tashrif buyurdi.
Uchrashuv doirasida Shvetsariya Kondefederatsiya Hukumati va O‘zbekiston Respublikasi Hukumati munosabatlarni mustahkamlash, o‘rta maxsus, professional va oliy ta’lim hamda boshqa sohalarni rivojlantirish maqsadida imzolangan bitim yuzasidan amalga oshirilgan va amalga oshirilishi kutilayotgan dasturlar bo‘yicha ma‘lumotlar Ursula Renold xonim tomonidan aytib o‘tildi. Shuningdek, uchrashuvda “Ipak yo‘li” turizm va madaniy meros xalqaro universiteti qoshidagi kollej va texnikumlarda faoliyat olib borayotgan (1) Shvetsariya hukumati tomonidan moliyalashtiriladigan loyihalarda ishtirok etish, (2) o‘qituvchi va xodimlar malakasini oshirish, (3) turizm kafedrasi tomonidan O‘zbekistonda turizm salohiyatini oshirish bo‘yicha amalga oshirilishi kutilayotgan grant loyihasida hamkor davlat bo‘lib ishtirok etish va birgalikda Shvetsariya tajribasini qo‘llash, (4) qisqa va uzoq muddatli professor-o‘qituvchi va talabalar amaliyotini Shvetsariya mehmonxonalari hamda turistik obyektlarda tashkil etish, (5) talabalar almashinuvini yo‘lga qo‘yish va boshqa turli masalalar yuzasidan muzokaralar o‘tkazildi.
30 may kuni “Ma’rifat ulashib” loyihasi tadbirlari doirasida universitetimiz faoliyati bilan yaqindan tanishish hamda bu yerda ta’lim olayotgan talabalar, professor-o‘qituvchilar bilan uchrashish maqsadida bir guruh taniqli ijodkorlar xususan O‘zbekiston xalq yozuvchisi Muhammad Ali universitetimizga tashrif buyurdi.
Ijodiy uchrashuvni universitetimiz Ma’muriy masalalar bo‘yicha birinchi prorektori D.Nasimov kirish bilan ochib berdi. Yurtimizda taniqli yozuvchi, shoir Muhammad Alini bilmagan yoki u kishining asarlaridan bahramand bo‘lmagan kitobsevarlar bo‘lmasa kerak. Tadbirda Muhammad Ali so‘z olib turizm sohasida mutaxassislar tayyorlaydigan yosh universitetimiz faoliyatiga omad tiladi va o‘zining hayoti faoliyati xususida talaba-yoshlarga gapirib berdi. Darhaqiqat Muhammad Ali bir qator tarixiy janrdagi kitoblar muallifi sifatida ham ma’lum va mashhur bo‘lib, yaqinda yana bir “Kleopatra” asari nashrdan chiqdi. Muallif ushbu asarning yozilish tarixiga to‘xatilish bilan birga yoshlarni buyuk tariximizni o‘rganishga chaqirdi.
Tadbirda “Kleopatra” asariga so‘z boshi yozgan arxeolog olim A.Berdimurodov va boshqa ijodkorlar ham kitobning mazmun-mohiyatiga to‘xtalib o‘tishdi. Kitobning mazmun mohiyati xususida turli savollarga muallif tomonidan javob berildi. Tadbir so‘nggida O‘zbekiston xalq yozuvchisi Muhammad Aliga va boshqa ijodkorlarga uiversitetimiz nomidan sovg‘a salomlar topshirildi.
2023-2024 o‘quv yili yakuni bilan universitetimizda 218 nafar talaba bakalavr yo‘nalishida tugatib mustaqil hayotga qadam qo‘yadi. 30 may kuni viloyat hokimligi tashkiliy nazorat guruhi rahbari B. Rahmatullaev universitetimizning rahbarlik va liderlik qobiliyatiga ega bo‘lgan hamda istiqbolli kadrlar zaxirasiga kiritilgan 30 nafar bitiruvchi talaba-yoshlari bilan uchrashdi. Ochiq va samimiy o‘tgan muloqot davomida mutasaddi bugungi kunda bir nechta xorijiy tillarda muloqot qila oladigan “Ipak yo‘li” turizm va madaniy meros xalqaro universitetining zukko yosh kadrlari viloyatimizning, respublikamizning yanada gullab yashnashida muhim ahamiyat kasb etishi xususida gapirdi. Shuni alohida ta’kidlash o‘rinliki, bugungi kunda universitetimizni bitirgan yoshlar turizm sohasining barcha yo‘nalishlarida namunali tarzda faoliyat yuritib kelmoqda. Shu bilan birga joriy o‘quv yilida bitirayotgan talabalarimiz allaqachon nufuzli joylarda faoliyatini boshlab yuborishgan. Tadbirda har bir bitiruvchi talaba bilan samimiy muloqot o‘tkazilib kelgusidagi rejalari haqida ma’lumotlar olindi.
2024-yilning 29-may sanasida “Ipak yo‘li” turizm va madaniy meros xalqaro universiteti xotin-qizlar kengashi tomonidan “Ma’rifat ulashib” loyihasi doirasida “Buvijonim maʼrifati va oʻgitlari” mavzusida talaba-qizlar bilan ma’naviy-ma’rifiy tadbir o'tkazildi. Universitet xotin-qizlar maslahat kengashi tomonidan reja asosida tashkil etilgan navbatdagi tadbirga Samarqand tumani “Nurafshon” mahallasi, Ziyolilar ko’chasida istiqomat qiluvchi ibratli oilaning nuroniy onaxoni Zamiraxon aya Saidova, unversitetning ta’lim sifatini ta’minlash va Akkreditatsiya bo’limining tajribali mutaxassisi Elinuraxonim Xalilova, Yoshlar bilan ishlash va tadbirlar bo’limi boshlig’i, tyutorlar va talaba-qizlar ishtirok etishdi.
Ma'naviy-ma'rifiy tadbirda mehmonlar tomonidan talaba-qizlarga buvijonim hayoti biz uchun ibrat, milliy qadriyatlar va oiladagi sharqona odob, qizlarga xos muomala, o‘zaro hurmat va sabrli bo‘lish, mustahkam oila sirlari toʻgʻrisida fikrlar bildirilib, oʻgitlar berildi. Uchrashuv davomida faxriylar o’z hayot yo’llari, soha rivoji uchun amalga oshirgan ishlari, bu yo‘lda uchragan mashaqqat va qiyinchiliklarni yengib o‘tish xususida yosh avlod vakillariga gapirib berdi.
Shuningdek tadbirda mavzuga doir videorolik namoyish qilinib talabalar o’zlarini qiziqtirgan savollariga javob olishdi.
140104, O’zbekiston Respublikasi, Samarqand shahri, Universitet xiyoboni, 17
dummy+99866 240-67-68
dummy info@univ-silkroad.uz