Joriy yilning 6-fevral kuni  Jizzax viloyati turizm boshqarmasi boshlig'i o'rinbosari Egamberdiev Azizbek Nuridillaevich boshchiligida viloyatda turizm sohasida faoliyat yuritayotgan tadbirkorlik subyektlari uchun universitetimizda o‘tkazilgan seminar trening doirasida mehmonlar oliygohimiz prorektori, prof. T.Zou bilan uchrashib yaqindan muloqot o‘tkazishdi.

Uchrashuvda prof. T.Zou ham turistik sohada o‘zining ilmiy-amaliy tavsiyalarini berish bilan birga, Xitoy davlatida ham Jizzax viloyatining turizm salohiyatini keng targ‘ib qilish, tadbirkorlik subyektlarini xitoylik turistik kompaniyalar bilan hamkorlik aloqalarini o‘rnatish kabi masalalar muhokama qilindi.

   Universitetimizda o‘tkazilgan seminar-trening darslari va undagi amaliy tavsiyalar, uchrashuvlar, universitet hayoti bilan yaqindan tanishish jizzaxlik tadbirkorlar faoliyatida muhim qadam bo‘lib xizmat qilishi bilan ahamiyatli bo‘ldi. 

Seminar trening so‘nggida mehmonlar ushbu seminar-trening darslarini tashkil qilgan tashkilotchilarga va tavsiyalari bilan o‘rtoqlashgan moderatorlarga o‘z minnatdorchiligini bildirishdi.

“O‘zbekiston Respublikasi Oliy ta’lim fan va innovatsiyalar vazirligining 2024-yil 11-noyabrdagi 428-sonli buyrug‘i asosida talaba-yoshlar o‘rtasida tashkil qilingan “Jadidlar jasorati – millatimiz faxri” hamda “Jadidlar: milliylik, o‘zlik, istiqlol va davlatchilik g‘oyalari” mavzularidagi insholar tanlovining mintaqaviy bosqichida “Ipak yo‘li” turizm va madaniy meros xalqaro universiteti Gid-123 guruh, Gid hamrohligi. va tarjimonlik yo‘nalishi 2-bosqich talabasi S.Barisova ishtirok etdi.

Talabamiz o‘z inshosida jadidlarimizning hayot yo‘li, ular tomonidan ilgari surilgan yangi g‘oyalar bayon qilingan. Insholar tanlovida faol ishtirok etgan talabamiz g‘oliblar safida e’tirof qilinishiga tilakdoshmiz.

Kuala-Lumpur, Malayziya

"Ipak yo‘li" turizm va madaniy meros xalqaro universiteti Malayziyaning Kuala-Lumpur shahrida bo‘lib o‘tgan "Birinchi Malayziya – O‘zbekiston oliy ta’lim muassasalari forumi va ko‘rgazmasi"da muvaffaqiyatli ishtirok etdi. Ushbu nufuzli tadbir Malayziya va O‘zbekiston universitetlari o‘rtasida ilmiy-ta’limiy hamkorlikni mustahkamlash, akademik almashinuv dasturlarini rivojlantirish hamda ikki davlat ta’lim tizimi o‘rtasidagi tajriba almashinuvini kengaytirish maqsadida tashkil etildi.

Universitetimiz delegatsiyasi forum doirasida Malayziyaning yetakchi oliy ta’lim muassasalari vakillari bilan uchrashib, qo‘shma ta’lim dasturlarini yo‘lga qo‘yish, ilmiy loyihalar va talabalarning akademik almashinuvini rivojlantirish masalalarini muhokama qildi. Bular jumlasidan,

- Malayziya texnologiya universiteti bilan turizm sanoatini rivojlantirishda zamonaviy texnologiyalardan foydalanish yo‘nalishida hamkorlik;

- Malayzia Sains Islom universitet (USIM) bilan “Ipak yo‘li” turizm va madaniy meros xalqaro universiteti qoshidagi Ipak yo‘li xalqaro taqdiqotlar instituti o‘rtasida O‘zbekistondagi madaniy meros obyektlarini restavratsiya va konservatsiya qilish, yangi o‘rganilayotgan tarixiy bionalarni elektron shakllarini yaratish, modellashtirish va 3D fotosuratlarini yaratish bo‘yicha loyihada hamkorlik qilish;

- Malaya universitetining Biznes va iqtisodiyot fakulteti bilan bakalavr va magistraturada tahsil oluvchi talabalar uchun almashinuv dasturini yo‘lga qo‘yish.

Shuningdek, tashkil etilgan ko‘rgazmada universitetimizning ta’lim dasturlari, xalqaro hamkorlik loyihalari hamda talabalar uchun yaratilgan imkoniyatlar keng namoyish etildi.

Mazkur forum O‘zbekiston va Malayziya ta’lim tizimlari o‘rtasidagi hamkorlikni yangi bosqichga olib chiqish, innovatsion ta’lim yondashuvlarini joriy etish va xalqaro ta’lim maydonida yangi strategik sheriklik munosabatlarini yo‘lga qo‘yishda muhim platforma bo‘ldi.

“Ipak yo‘li” universiteti xalqaro hamkorlik doirasini kengaytirishda davom etadi!

#IpakYo‘liUniversiteti #MalayziyaO‘zbekistonForumi #XalqaroHamkorlik #HigherEducation

Bugun 5-fevral sanasida “Ipak yo‘li” turizm va madaniy meros xalqaro universitetida “Biz yoshlar - giyohvandlikka qarshimiz” mavzusida tadbirlar tashkil etildi.

Jumladan, universitet iqtidorli talabalari ishtirokida mavzu doirasida rasmlar tanlovi tashkil etildi. Undan tashqari universitetda “Giyohvandlikka qarshi kurash oyligi” doirasida “Biz yoshlar - giyohvandlikka qarshimiz” mavzusida targ‘ibot tadbiri tashkil etildi.

Tadbirda Samarqand viloyat IIB tezkor qidiruv xizmati jinoyat qidiruv boshqarmasi Giyohvandlikka qarshi ko‘rashish bo‘limi xodimlari R.S.Qobilov hamda M.Q.Axmedovlar tomonidan “Giyohvandlik va OITS — asr vabosi” mavzusida universitet talabalariga giyohvandlikka qarshi kurashish, uning salbiy oqibatlari haqida batafsil ma’lumotlar berildi. Uchrashuv davomida talabalar o‘zlarini qiziqtirgan savollarga javob olishdi.  

Сегодня, 4 февраля, профессиональные повара всемирно известной Международной кулинарной академии "Le Cordon Bleu Paris" провели специальный мастер-класс в Самаркандской академии туризма UNWTO. Мастер-класс возглавил Эрих Руппен, технический директор и кулинарный специалист академии Le Cordon Bleu в Стамбуле, опытный швейцарский повар. В мероприятии приняли участие шеф-повара и их помощники из кафе, ресторанов и гостиниц Самарканда, работающих в сфере гастрономического туризма, а также студенты Самаркандского техникума туризма и культурного наследия. Конечно, процесс приготовления различных блюд специалистами, приехавшими из Франции, был очень интересен всем профессионалам отрасли. В ходе мастер-класса предоставлялась информация о процессе приготовления блюд.
Для справки, на сегодняшний день 54 гражданина Республики Узбекистан обучались в кулинарной школе "Le Cordon Bleu Paris" во Франции и сейчас активно работают в кулинарной сфере в различных регионах республики.

Muhtaram Prezidentimiz Shavkat Mirziyoyevning Malayziyaga rasmiy tashrifi doirasida Malayziyaning Perak shtatida “Barqaror rivojlanish maqsadlariga erishishda oliy ta’lim sohasidagi imkoniyatlar va tashabbuslar” mavzusida O‘zbekiston-Malayziya birinchi ta’lim forumida universitetimiz vakillari Samarqandning turizm salohiyati va oliygohimizda xorijiy hamda mahalliy talabalarga yaratilgan shart-sharoitlar, turizm sohasiga malakali mutaxassislar tayyorlash borasidagi amaliy ishlarni targ‘ib qilmoqda. Ahamiyatlisi, forum ishtirokchilari universitetimiz faoliyati bilan yaqindan tanishib, unga bo‘lgan  qiziqishi ortmoqda.  

Ma’lumot  uchun, ushbu forum doirasida ta’lim va ilm-fan sohasida qo‘shma loyihalarni amalga oshirish bo‘yicha kelishuvlarga erishilishi hamda ikki davlat universitetlari o‘rtasida hamkorlik shartnomalari imzolanishi kutilmoqda.

2025-yilning 3-fevral kuni “Ipak yo’li” turizm va madaniy meros xalqaro universiteti Xotin-qizlar maslahat kengashi raisi M.Abbasova boshchiligida Kengash qoshida tashkil etilgan “Lider qizlar” klubining navbatdagi yig’ilishi bo’lib o’tdi.

Yig’ilish doirasida M.Abbasova so’zga chiqib, universitetdagi faol, tashabbuskor, iqtidorli talaba-qizlarni liderlarga aylantirish, ular orasidan davlat fuqarolik xizmati uchun yangi avlod istiqbolli kadrlarini saralash, liderlik (rahbarlik) koʻnikmalariga oʻrgatish, yuqori malakali yangi avlod xotin-qizlar zaxirasini shakllantirish to’g’risida tushunchalar berib, so’zni klub sardorlariga berdi.

“Lider qizlar” va “Qizlarjon” klubi koordinatorlari Fotima va Zuxro Baxramkulovalar tomonidan “Yangi loyihalar”, “Stipendiyalar va grantlar" mavzusida seminar-trening o‘tkazildi. Unda grant yutib olish strategiyalari, yetakchilik ko‘nikmalarini rivojlantirish va boshqa mavzularda qimmatli maslahatlar berib o‘tildi.  Seminar davomida ishtirokchi qizlar o‘z savollariga javob olgan holda, kerakli ko‘nikmalarga ham ega bo‘lishdi.

Dastur davomida ishtirokchilarga liderlik mohiyati va keng tarqalgan gender stereotiplari va “Jahon miqyosidagi lider ayollar” mavzusida videoroliklar namoyish etildi.

 1-fevral kuni GRAND HOTEL SOGDIANA mehmonxonasida MX-223 DUAL guruhi talabalari uchun kvalifikatsiya boʻyicha davlat attestatsiyasining amaliy imtihoni ish beruvchi korxonada tashkil qilindi. Har bir oʻquvchi mehmonxona xoʻjaligi xizmati boʻyicha amaliy ish bajarish orqali oʻzlarining bilim va koʻnikmalarini koʻrsatib berishdi va ish beruvchi tomonidan baholandi.

Hurmatli tadqiqotchilar, professor-o‘qituvchilar, doktorantlar va talabalarga!

Samarqand iqtisodiyot va servis instituti “Real iqtisodiyot” kafedrasi 2025-yil 25-mart kuni xalqaro ilmiy-amaliy anjuman o‘tkazadi. Unda oliy ta’lim va ilmiy-tadqiqot muassasalari professor-o‘qituvchilari, doktorantlar, mustaqil izlanuvchilar, tadqiqotchilar, magistrantlar, talabalar va soha mutaxassislari ishtirok etishlari mumkin.

Anjuman yo‘nalishlari:
 Xizmatlar sohasida zamonaviy texnologiyalar va tarkibiy o‘zgarishlarning nazariy va amaliy jihatlari
 Hududlarni ijtimoiy-iqtisodiy rivojlantirishda xizmatlar sohasi
 Xizmatlar sohasida investitsiya va innovatsion masalalar

Maqola topshirish muddati: 2025-yil 20-martgacha
Ishtirok to‘lovi: har bir bet uchun 25 000 so‘m

Maqolalarni yuborish va qo‘shimcha ma’lumot olish uchun:
Email: erdonovmuhammad@gmail.com
Telegram: +998334272474

Qo‘shimcha ma’lumotlarni quyidagi ilova orqali olishingiz mumkin.

Joriy yilning 22-yanvaridan 4-fevraligacha Global taʼlim boʻlimi boshligʻi Irina Qodirova va turizm kafedrasi oʻqituvchisi Mehruza Vafoqulovalar ITEC granti sovrindori sifatida “Tadbirkor ayollarning imkoniyatlarini kengaytirish” mavzusida Hindistondagi Chennay, Texnik o'qituvchilarni tayyorlash milliy institutida (NITTTR) ikki haftalik amaliyot oʻtamoqda.

ITEC (Hindistonning texnik va iqtisodiy hamkorligi) granti turli mamlakatlardan kelgan mutaxassislarga ta’lim va texnologiya sohasida qimmatli tajriba va bilim olish imkoniyatini beradi.

Texnik o'qituvchilarni tayyorlash milliy institutida amaliyot o‘tayotgan xodimlarga o‘z kasbiy malakalarini chuqurlashtirish, boshqa davlatlardan kelgan hamkasblari bilan tajriba almashish va ilg‘or tajribalarni universitet o‘quv jarayoniga joriy etish imkonini yaratadi.