O'zbekistondagi  "Ipak yo'li" turizm va madaniy meros xalqaro universiteti vakillari Xitoy-Yevroosiyo ko'rgazmasida ishtirok etishga muvaffaq bo‘ldi. Xitoyning Urumchi shahrida o‘tkazilgan sanoat va  oliy ta’lim yo‘nalishida tadqiqotlar bo'yicha hamkorlik doirasidagi Xitoy-Markaziy Osiyo konferentsiyasida vakillarimiz ta'lim va tadqiqot yo‘nalishida o‘zaro aloqalarni mustahkamlash borasida qator amaliy ishlarga qo‘l urishdi. Konferentsiyada Xitoy ta'lim vaziri Xuay Tszinpen, O'zbekiston Oliy ta'lim, fan va innovatsiyalar vaziri Sharipov Kongratbay Avezimbetovich hamda Pokiston, Rossiya, Fransiya, Qozog'iston, Qirg'iziston, Mo'g'uliston, Sudan, Tojikiston, Turkmaniston, O'zbekiston, Singapur, Eron va boshqa 13 mamlakatning 72 ta universitet rasmiylari, rektorlari va professorlari ham ishtirok etdilar.Buyuk Britaniyadan kelgan prorektor Shinjon moliya va iqtisodiyot universiteti professori etib saylandi. Shundan so‘ng faxriy professor o'qituvchilar va talabalar uchun "sun'iy intellekt va aqlli yo'nalish" mavzusida nutq so'zladi.Professor Zou va A.Davronov ham turli universitetlar, tadqiqot markazlari va soha rahbarlari vakillari bilan yuqori darajadagi muhokamalarda ishtirok etdi. Asosiy e'tibor turizm va madaniy meros bo'yicha ta'lim, tadqiqotlar bo'yicha hamkorlik imkoniyatlarini aniqlash va rivojlantirishga qaratildi.Konferensiyada asosiy mavzular orasida innovatsion o'qitish usullarini birlashtirish, qo'shma tadqiqot loyihalari va Ipak yo'li mintaqasining boy madaniy merosidan foydalanadigan amaliy dasturlarni ishlab chiqish kabi mavzular yuzasidan ma’ruzalar tinglandi.