2-kurs talabasi Amonillayev Abulqosim Respublika onlayn Olimpiadasida qatnashdi va “Turizm” fanidan faxrli 2-o‘rinni egalladi.

Shunisi e’tiborga loyiqki, Abulqosim “Ipak yo‘li” turizm xalqaro universitetida o‘tkaziladigan barcha tadbirlarda faol qatnashadi, shuningdek, Turizm laboratoriyasining a’zosi hisoblanadi. Xususan, birinchi bosqichda tahsil olish chog‘ida, u katta o‘qituvchi T.K. Akramova rahbarligida “Tourism in Nature”, “Health Tourism”, “Adventure Tourism”, “Eco Tourism are suitable in Octosh” startap-loyihalarida faol qatnashgan.

Shuningdek, joriy yilning mart oyida u universitetimiz talabalari orasida o‘zbek tilida o‘tkazilgan “Eng chiroyli nutq” tanlovida faxrli 3-o‘rinni egalladi.

“Ipak yo‘li” turizm xalqaro universiteti ma’muriyati Abulqosim Amonillayevni samimiy tabriklab, o‘qishlarida va kelgusi ishlarida muvaffaqiyatlar tilaydi.